" Taehyung ah!
အားလုံးဖြည့်ပြီးပြီလား "
" အင်း...... တစ်ခုပဲကျန်တော့တယ် "
စာရွက်ပေါ် ခဲတံတစ်ချောင်းနဲ့ သဲကြီးမဲကြီးနဲ့
ရေးလိုက်ဖျက်လိုက်လုပ်နေတဲ့ ကင်မ်ထယ်ယောင်းကို ထိုင်စောင့်နေရတာ ကြာပြီမို့ စိတ်မရှည်ချင်တော့ပေ
" ပြီးသွားပြီ။ "
လှမ်းပေးတဲ့စာရွက်ကိုယူပြီး သူ့စာရွက်ပေါ်ကို
ထပ်လိုက်သည် ။ ဒါပေမယ့် အောက်ဆုံးက
မေးခွန်းရဲ့အဖြေကို အကြည့်ရောက်သွားတော့......
" ရူးသွားပြီလား!"
" ဘာလို့လဲ...... ကြိုးစားပြီးဖြည့်ထားတာလေ "
" အိမ်မက်က ဒါလား......
မင်း အတန်းပိုင်ရုံးခန်းကို ထပ်သွားချင်နေတာလား "
နားမလည်သလို ပြန်ကြည့်လာတဲ့သူက
စာရွက်ကို ပြန်ယူဖတ်နေသည်
" ကျောင်းသား...... Kim Taehyung !
အိမ်မက် ...... Jiminie သူငယ်ချင်းဖြစ်ရန် ။ "
ဖတ်ပြီးပြီးချင်းပဲ Jimin လှမ်းပစ်လိုက်တဲ့
ခဲဖျက်ကို အမိအရဖမ်းယူလိုက်ရသည် ။
" ငါတို့လည်း အခု အထက်တန်းတတိယနှစ်
ရောက်နေပြီ..... တစ်ချို့နေရာတွေတော့
တည်တည်တံ့တံ့လုပ်ရအောင် Kim Taehyung ”
" ဘာလို့ ငါ့စကားကို အတည်မဟုတ်ဘူးလို့
ထင်တာလဲ Jimin ah! "
" မင်းလည်း ပြန်ဖျက်ဖို့ စိတ်ကူးရှိလို့ ခဲတံနဲ့
ရေးထားတာမဟုတ်ဘူးလား "
" အဲဒါက! "
" ပြီးတော့ မင်းအိမ်မက်က ငါရဲ့သူငယ်ချင်းဆိုတော့
အခု ငါတို့ကဘာလဲ
သူငယ်ချင်းမဟုတ်သေးတာလား ......
မဟုတ်ရင် ရန်သူတွေလား...... အဲဒါဖြစ်ဖို့ကလည်း
မင်းက ငါ့ရဲ့စာပြိုင်ဖက်အဆင့်တောင် မဟုတ်ဘူး "
" ဒီကောင်ကတော့!
မဟုတ်သေးဘူး ငါပြောတာနားထောင်ကြည့်လေ
ငါတို့က အခုလည်း သူငယ်ချင်းဆိုတာမှန်တယ်
နောက်ဆိုလည်း သူငယ်ချင်းပဲဖြစ်မှာပေါ့
အဲဒီ့နောက်ပိုင်းကရော!
ငါ့ပတ်ဝန်းကျင်မှာတော့ ထာဝရသွားတဲ့
ဆက်ဆံရေးဆိုတာ မမြင်ဖူးဘူး
ချစ်လို့လက်ထပ်လိုက်တဲ့လူတွေတောင်
လမ်းခွဲနေတာလေ
သူငယ်ချင်းက ဘာအာမခံချက်ရှိလို့လဲ "
YOU ARE READING
The 1995 Friends
RomanceJimin x Taehyung / Vmin / ငါတို့က သူငယ်ချင်းတွေပါ တစ်ယောက်နဲ့တစ်ယောက် ချစ်နေကြတဲ့ သူငယ်ချင်းတွေ ... ( 26.3.2022~~~31.3.2022 )
