غضب البركان

بدايه ثوران البركان 🔥

هدوء نايمه عماله تتقلب جامد وبدأ جسمها يعرق جامد ومره واحده قامت بعلو صوتها لااااا زيين لا متسبنيش اول م فاقت شويه وبدات تهدا قامت شربت ميه وعملت فنجان قهوه بس قلبها كل مادا بيتقبض اكتر اتصلت ع نورهان
نورهان بنوم/ايه ي دود في ايه
هدوء/نورهان انا خايفه اوي ع زين مش عندك معلومات عنه
نورهان /لا ي حبيبتي هو كويس واشاراته شيفاها من نص ساعه خارج من قصر مهاب الشربيني  واداني اشاره انو طالع ع الصحراي يسلم ورق صفقه لشخص معين
هدوء بقلق/طيب مفيش اي اخبار تاني عنه انا حاسه في حاجه
نورهان/اقري قران ونامي متقلقيش مش اول مره يخرج يسلم ورق يعني
هدوء. /حاضر ي حبيبتي تصبحي ع خير
نورهان/وانت من اهلو باي وقفلت مع هدوء وبصت ع اللاب توب بتاعها لقيت اشارته واقفه ف الصحراء قلقت فضلت متابعه شويه ساعه ساعتين تلاته مش بيتحرك
نورهان قلقت وكلمت اللواء عدلي وقالتله ان زين مش بيتحرك وواقف بقاله فتره كبيره جدا ومش عارفين يتواصله معاه
وهدوء فضلت صاحبه لحد م نزلت الشركه وقلبها مقبوض ومش مرتاحه ابدا
دخلت الشركه وعلي مكتبها دخلت مدام سوزي مكتبها وطلبت من هدوء تدخلها ورق شغل وتعملها قهوه وهدوء عملت القهوه وخدت الورق ودخلت لمدام سوزي
هدوء/صباح الخير ي فندم
سوزي /صباح النور ي شيرين عامله ايه
هدوء/الحمدلله ي فندم اتفضلي القهوه. الورق
سوزي خدت الورق وبصت فيه ووقعت عليه وادتها الورق
سوزي / في شخص هايجي كمان نص ساعه تدخليه ع طول ومتدخليش حد علينا خالص
هدوء قلقت/تمام حضرتك عن اذنك
وخرجت وراحت ع مكتبها تخلص شغلها وبعد نص ساعه جه نفس الشخص اللي بيجي متخفي بس مغير من شكله شويه عشان ميتعرفش وراح ع مكتب هدوء وبصلها بتفحص شديد هدوء بكل برود بصتله قال عندي معاد مع مدام سوزي
هدوء /اتفضل ي فندم ووصلته ع المكتب ومشيت هو فضل واقف ع الباب لحد م شاف هدوء دخلت مكتبها.و هي مش غبيه هي حست انو شاكك فيها ف اتعاملت ببرود شديد خلته شال شكه من عليها
هدوء قاعده ف المكتب وحاطه سماعه ف ودانها مش ظاهره من شعرها وبدات تسمع
اسر/ازيك ي سوزي
سوزي بفرحه /قلب سوزي من جوا عامل ايه ي حبيبي
اسر /بقيت مرتاح من ساعه م خلصت منو
سوزي بفرحه /يعني شكك كان صح
اسر/ايوه كان صح 100/100
سوزي /يعني اخيرا الصفقه هتدخل من غير اي مشاكل ولا اي حاجه
اسر/ايوه كده الحمدلله مفيش اي عيون علينا وقام قاللها لازم امشي انا بقي
سوزي/ماشي ي حبيبي خلي بالك ع نفسك
وخرج يتاكد هدوء واقفه ورا الباب ولا حاجه ملقهاش ولقي معاها موظف بيديها اوراق
هدوء حست ان قلبها اتقسم نصين بعد كلامهم ده وبقت خايفه اوي واستنت لحد معاد الشغل م خلص بفارغ الصبر وطلعت تجري ع البيت تكلم اللواء عدلي
مش بيرد وترن ع النقيب مهيمن مش بيرد القلق ملي قلبها. غيرت هدومها وطلعت تجري خدت تاكسي ومشيت ع مدريه الامن تشوف مين من صحابها هناك مش لقيت حد كلمت نورهان نورهان ردت عليها وهي منهاره وقالتلها ع مكانهم هدوء بخوف خدت واحد من زمايلها بالعربيه وطلعت ع المكان اللي هما في ف المستشفي وكانت الصدمه .....
نرجع بقي لزين لما كان واخد ورق يديه لاسر ف الصحراء والورق ده كان ورق صفقه كبيره جداا
زين وهو ماشي حاسس ان قلبه مقبوض وفضل يحضن ف احمد ويقوله بصوت واطي خلي بالك من هدوء احمد بقلق
احمد/فيه ايه ي صاحبي مش اول مره مالك ي زين في ايه
زين/مش مرتاح وقلقان وحاسس اني مش راجع
احمد حس بوجع ف قلبه وخايف ع صديقه واخوه
احمد/ايه ي عم ان شاء الله خير بس قولي ع المكان اللي هتروحو برضو
زين /المكان ف صحراء........
احمد/ماشي ي زين وحضنه جامد وزين خد الورق ومشي وطول م هو سايق تفكيره كله ف هدوء وهو ماشي حس ان في حاجه غريبه ف الطريق ولقي عربيه كبيره (نقل او تريلا زي م بتقولو بقي)
جايه مقابله ليه بسرعتها وفي اقل من الثانيه كانت عربيه زين عماله تتقلب ع جنابها لفت حوالي 7قلبات زين كان خلاص بدا يغيب عن الوعي وشاف واحد جاي عليه وقال .. مش اسر الشربيني ومهاب الشربيني اللي ميكشفوش ظابط فاشل زيك كان نفسي اديك درس متنساهوش بس مهاب باشا قال موته ع طول وجه مهاب من جمب اسر وراح ضارب زين طلقتين ف صدره وفارق زين الحياه باكملها بحزنها بفرحها بمعشوقته وباهله وباصدقاءه
مشي مهاب واسر وشافو البنزين كلو ف الارض والعربيه بتدخن يعني العربيه قربت ع الانفجار ركبو عربيتهم ومشيو والورق اللي كان مع زين ورق مزيف
مهاب/لو مكنتش عرفتني من يوم الصفقه والتسليم بتاع الشحنه كان زمانا ف السجن دلوقتي مش عارف من غيرك كنت هعمل ايه
اسر/ لازم احميك ي بابا امال لو مش هحميك انت وماما هحمي مين
مهاب/ربنا يخليك لينا
مهاب سرح ف ازاي كان مخدوع ف عبدالله اللي اكتشف ان اسمه زين وظابط مخابرات ولو مش اسر ابنه كان زمانه دلوقتي ي ميت ي محبوس زي الكلب فاق من شروده ع اسر وهو بيقوله وصلنا البيت
نزلو من العربيه احمد شايفهم من بعيد بس استغرب ازاي لحد دلوقتي زين مجاش ومش بيرد عليه  ع الموبايل الشك ملأ قلبه ورن ع نورهان قالتله هدوء مكلماني برضو وزين ثابت ف المكان اللي هو فيه بقاله زياده عن 4ساعات احمد طيب انا هروح ليه
نورهان/انت اتجننت ولا ايه تروح فين هيشكو فيك ولازم انت تبقي موجود وسطهم هطلع يونس ومحمد ومصطفي ووحيد يروحو ع المكان ربنا يسترها
احمد/يارب يارب وقفل معاها ونورهان كلمت صحابها وقالت ع اللي حصل وطلعو يجرو بالعربيات بتاعتهم ع المكان وكانت صدمتهم باللي شايفينه لا توصف حسو بوجع ف قلبهم وفضلو واقفين مصدومين ولو حد شافهم كان اقسم انهم تماثيل مش بشر
يونس /لا لا اكيد بيمثل علينا صح بيمثل
كلهم جريو ع العربيه لقيوها متفحمه وقفو جمب العربيه لقيو جثه متفحمه ف العربيه ودبله زين ف العربيه فضلو يعيطو واتصلو ع النقيب مهيمن واللواء عدلي. بلغوه. طلبو قوه من القسم  والدنيا اتقلبت وخدو الجثه وخدو منها عينات عشان يعملو تحاليل وخدو عينه من الدكتور عاصم الحديدي اللي كان قمه انهياره ومامت زين واختو ف حاله اغماء وخدو مهدئات الدنيا ومعاهم ملك اللي مش مبطله عياط ع بنتها ولا جوز بنتها وخوات هدوء ف حاله انهيال ونورهان منهاره ومش مبطله عياط ف حضن مراد ومستنين النتيجه طلع وبعد 3ساعات كانت الصدمه ان النتيجه متطابقه جدا بالدكتور عاصم الحديدي وكانت اصعب حاجه سمعوها وكان اسواء عمليه دخلوها واسواء قرار ف دخول هدوء ليهم المستشفي وهي مرعوبه لقيت اهلها موجوده وصحابها كلهم موجودين
هدوء بصوت مهزوز / ه ه هو فيه ايه انتو واقفين كده ليه وتبصلهم مفيش حد بيرد هدوء بانهيار زين صح زين مات صح كدبوني قولو ان مش زين ولا احمد ولا اي حد من خواتي  ريحو قلبي بقي قلبي من اول يوم من ساعه م خدنا المهمه دي وانا مقبوضه وقلقانه ريحوني والنبي
راحت ع باباها ومامتها وهي منهاره قولي ي بابا انت وماما مش زين ومتلاقيش رد وتجري ع خواتها وعاصم والد زين اجابتهم عليها انهيار من البكاء 
هدوء لا بقي ردو عليا وجريت ع يونس
يو يونس ان انت مبتكدبش عليا انت اكتر واحد مش بيخبي عليا حاجه قو قولي في ايه مين اللي جوا
يونس حضنها جامد وهمس ف ودنها
يونس/لازم تبقي اقوي من كده عشان تاخدي حقه ي حبيبتي لازم نجيب حقه منهم كلهم زين شهيد ي هدوء زين شهيد مات وهو بيحمي بلده من تجار السلاح والمخدرات والاعضاء  ولسه بيكمل كلامه حس بتقل هدوء عرف انها فقدت وعيها وراح شايلها ومقعدها ع الكرسي وببكاء هدوء قومي بقي وحياه زين قومي ي هدوء قومي مين هياخد حق زين وحق وجعنا كلنا احنا مش هنقدر نعمل حاجه من غيرك قومي بقي وبداء يضرب فيها واهلهم وصحابهم منهارين علي ابنهم واخوهم اللي مات وبنتهم اللي خلاص كل حاجه انتهت معاها
مراد بصريخ دكتور عاوزين دكتور بسرعه
الدكتور جه ومعاه ممرضه وقاللهم هاتوها ف الغرفه دي مراد شالها ودخلها ع السرير وبدا يكشف عليها وطلع وقال فقدت الوعي اثر صدمه عصبيه وخدت مهدئات ومنوم قدامها 3ساعات لما تفوق
فضلو قاعدين منهارين وكانت المستشفي ادتهم تصريح بدفن زين واهله واصدقاءه ف الداخليه كلهم حضرو مراسم دفن زين بكل وجع ع صديقهم واخوهم واللي يفتكر معامله زين وهزاره معاهم وينهارو من البكاء وتم دفن زين ورجعو ع المستشفي لاهلهم اللي هناك دخلو المستشفي وعاصم دخل ع مراته ومالك دخل ع حبيبته اللي وشها اصفر وعيونها مش مبطله دموع وراح عليها حضنها وباس راسها
مالك/لمارا ده قضاء ربنا ده كده شهيد عند ربنا يابخته كلنا نتمني نموت موته دي لازم تقوي عشان مامتك اللي دخلت ف غيبوبه ورافضه تطلع منها دي
لمارا ببكاء /مش مصدقه ان زين خلاص كده مش هشوفه تاني خلاص ي مالك اخويا وسندي راح مني خلاص كده ده كان كل حاجه ف حياتي خلاص كده وهدوء دلوقتي عامله ايه ربنا يصبرنا كلنا يارب
مالك/ربنا يصبرنا كلنا وبعدين م انا سندك وضهرك وقوتك
لمارا بصتله ببكاء /ربنا يخليك ليا ومالك حضنها وبدات ف البكاء
مراد حاضن نورهان اللي مش مبطلع عياط
مراد/حبيبتي ربنا يصبرنا كلنا بس مشنفعش تعملي كده انتي اقرب واحده من هدوء مينفعش كده للزم تقويها
نورهان ببكاء/مش قادره ي مراد اخويا وصاحبي راح مره واحده مننا كده مش قادره ي مراد مش قادره بجد
مراد /ربنا يرحمه ويصبرنا كلنا ويصبر هدوء
نورهان/يارب😭😭💔💔وهما كلهم قاعدين بيعيطو. لقيو هدوء طالعه من الاوضه وكانها شخص تاني الجمود والقوه والغضب والصرامه وبكل هدوء
هدوء/مراسم الدفن تمت صح
الكل استغرب من قوتها ومنظرها كانها شخص تاني
يونس/هدوء حبيبتي انتي كويسه
هدوء بكل برود/ايوه انا كويسه متقلقوش
وبصتلهم وبكل جمود/بتعيطو ليه زين شهيده عن ربه دلوقتي عريس وعيونها بدات تدمع بس مسكت نفسها وبصت ليونس وقالت /عاوزه اعرف زين تم دفنه فين ممكن توصلني
كلهم بصولها باستغراب وعرفو كده ان الايام اللي جايه هتبقي سواد ع الكل وان البركان تم ثورانه اكيد
ونزلت هي ويونس ركبو عربيه يونس وخدها ع المدافن ووراها قبر زين
هدوء ببكاء/سيبتني لدنيا لوحدي سيبتني من غير سند وضهر سيبتني اواجهه لوحدي ليه ليه كنت كل م اقولك قلقانه تقولي سلميها لله احنا نطول نبقي شهداء ده احنا بنعمل اللي علينا عشان ننول الشهاده
سيبتني لوحدي ليه انا مش مسامحاك موتك اللي هما بيقولو عليه اللي انا مش مصدقاه ده وجعني وكسرني وقهرني وحولني من شخص لشخص تاني مكنتش حابه اطلعه ليه ي زين ليه هتعيشني جسد بلا روح روحي هي اللي ماتت مش روحك انت روحك انت معايا لكن انت مت بروحي انا هما اللي عاوزين يشوفو حاجه مكنتش حابه اطلعها وكنت انت ديما ف كل مهمه تقولي خليكي ع طبيعتك متطلعيش الغضب اللي جواكي مين هيفضل يقولي ي اخره صبري مين هيفضل يرخم عليا ف الرايحه والجايه مين هيفضل يقولي بطلي اكل ي بنتي كلتي المنيو كله مين هيخرجني ويعاملني كانه طفلته انا مت معاك ي زين حكمو عليا بالموت بدري خلتني ارمله من قبل م اشبع منك وهفضل ارمله لحد م اجيلك وعد مني ي زين لاجبلك حقك كلو ف اسبوع واحد واريحك ف نومتك ي حبيبي وحلمي اللي هفضل احلمه لحد م ابقي جمبك تعلالي ف احلامي ديما ي زين انا بموت من غيرك ومبقتش هقدر اروح مكان كنا فيه مع بعض تاني خالص حاسه كل حاجه فيا ماتت ربنا يرحمك ي نور عيني مع اني مش مصدقه انك مت وسيبت بنوتك مين هيخانق اي كد يبصلي ي زين وجعتني اوي ويونس بيسمع كلامها وميت من العياط ع اخته وصحبته وحضنها ومشي هو وهي ومشيو هدوء بصت ليونس وقالت
هما اللي هحكمو ع نفسهم انهم يشوفو غضب البركان وهما اللي حكمو يشوفو حاجه مكنتش حابه اطلعها ويونس بصلها بكل برود وقال /مرحبا بك يا volcano rage غضب البركان...
💔💔💔💔💔💔
ياترا ايه اللي هيحصل بعد كده بس احب اقول ان اللي جاي مش خير خالص ي جماعه بحبكم