غضب البركان

شويه ضحك بقي

بعد اربع سنين كانو ابطالنا اتخرجو من الكليه ... وكل شخص بقي شخصيته اقوي من الاول
هدوء بقت شخصيه قويه جدا وصعب اي حد يتغلب عليها حتي شخصيتها اتغير مبقتش زي الاول بقت ذكيه جدا جدا وبقت اكثر صرامه وبقت بتفضل السكوت ديما مبتهزرش الا قليل ومع القريبين منها واصدقائها اللي اتعرفت عليهم ف الكليه شخصيتها اتغيرت تماما وقد لقبوها ب (البركان) وياويله من رأي (volcano rage ..غضب البركان) فقد حكم ع نفسه بالموت وياويله من يقع في طريقها
زين بقي زيها بالظبط بس عكسها ف حاجه واحده انه بقي مرح شويه وبيهزر ولقبه (العقرب)
نورهان شخصيتها بقت قويه جدا ومرحه شويه لقبها (الثعلب) وفي فتره الكليه هي ومرات اتخطبو وكتبو كتابهم ونفس الشئ مالك ولمارا وفرحهم هما الكل هايبقي ف يوم واحد
ندخل بقي ع الجد.....
👀👀👀👀👀👀👀
ابطالنا الحلوين بعد التخرج بيومين خرجو مع بعض هما وصحابهم اللي اتعرفو عليهم ف الكليه وبقو صحابهم جدا بقو اكتر من الاخوات وهما ......
(هدوء- زين- نورهان- حسام- جسار- يونس- مصطفي- احمد-محمد-وحيد)
دول هايبقي فريق واحد ي جماعه ولقبهم هو(ملوك الظلام)....💣💪💥💥
هدوء/يااه تصدقو وحشتوني ي عيال وسلمت عليهم كلهم وحضنت نورهان وزين
محمد/ياااه وانتي مش وحشتينا خالص الصداع موحشنيش خالص كنت رايق منك
هدوء بصتله بتكبر/بس ي بابا انتو متقدروش تعيشو من غيري
يونس /طبعا ده انتي شيطان ملوك الظلام يابنتي
هدوء/بس مبحبش اتكلم عن نفسي كتير
مصطفي/والنبي وحشني النم ع خلق الله
هدوء بضحك/والنبي انت اللي فيهم
حسام وجسار بصولها بقرف ومردوش
وحيد/ياريت نخلص عشان نطفح انا مكلتش من امبارح
هدوء بصتله بقرف/همك ع بطنك وبس ارحم حبه وياريته بيظهر عليك
وحيد بصلها وفضل يردد قل اعوذ برب الفلق ويخمس ف وشها🖐️
كل اللي قاعدين ماتو من الضحك وزين شد هدوء قعدها وقال...
اقعدي ي مصيبتي وعملي الاسود طول حياتي
هدوء/انت كنت تطول واحده زيي بلا نيله وبصت ع نورهان اللي عماله تتكلم ف الفون وتضحك راحت ساحبه منها الفون واتكلمت مكانها وقالت..
هدوء/عم مراد بطل نحنحه خلي البت تقعد معانا وحياه ابووك
(اه ي جماعه معلومه صغيره مراد اتخرج من الكليه وفتح شركه صغيره يبدا بيها هو. صديقه المفضل (حمزه) ومالك كان اتخرج من كليه طب وبقي دكتور جراحه ومتفوق جدا وشغال ف نفس المستشفي اللي فيها ملك مامته وبس كده,)
وحيد /هتاكلو ايه بقي زهقتوني
هدوء/بما اننا ف محل مشاوي نزلنا المنيو كلو
الكل بصلها بصدمه
والجرسون اول م سمع كده مات م الضحك وسكت مره واحده
هدوء بصتله وقالت /في ايه
الجرسون /هو انتي اللي جيتي من حوالي اربع سنين ومع الاستاذ ده وطلبتي اكل كتير
زين/انت لسه فاكر 😂😂ايوه هي المفجوعه دي والكل ضحك عليها اوي وبعد فتره نزل الاكل والكل شافو الاكل كانهم مكلوش من سنه اصل المصيبه بتاعتنا قصدي البركان حلفت عليهم لو حد كل هتسود عيشته وعيشه اهله وكلهم خافو منها وكلهم كلو وشربو البيبسي هدوء بصتلهم وقالت يلا ناخد فسخه قبل م نتعجن ف الشغل بقي احنا هننزل بكره
الكل بصلها وقالو هنروح ع فين هدوء بصتلهم وقالت جدول الرحله اول حاجه الاكل وكلنا تاني حاجه هنروح القلعه ونروح البانوراما والاهرامات والملاهي اخر حاجه كلهم وافقو غصب عشان خايفين منها وراحو ع الاهرامات وفضلو يتصورو كتير وركبو الحنطور وفرحو جدا وبعد كده راحو ع القلعه ونورهان دخلت عند السجن الفضول خدها وراحت تبص من فتحات الباب شافت التماثيل راحت مصوته هدوء ماتت ضحك عليها هي والشباب. نورهان بصتلهم بغيظ وقالت /بتضحكو ع ايه انا اصلا متخضتش
هدوء بضحك /اه م انا عارفه ده انتي شكلك مسخره
نورهان جريت وراها وهدوء تجري ويضحكو وطلعو الجامع اتصورو وخرجو من القلعه راحو ع البانوراما قعدو فيها شويه وشافو العروض وخرجو ع دريم بارك
نورهان اول م تشطح تنطح وقالت عاوزه اركب قطر الموت
هدوء /وانا كمان والشباب فضلو يقولو لا وهما مصممين وركبو معاهم حكم القوي بقي وركب ف اول كراسي نورهان وهدوء😂😂
وبدا القطر يتحرك لحد م وقف ف مكان عالي جدا ومرا واحده نزل ع طول هدوء اتفتحت بقي يختاااااي الحقونااااا وقفو البتاع ده هنمووت اغيثونااااا ونورهان تعيط هدوء تصوت ونورهان تعيط والشباب ميتين ضحك
وهدوء انا استاهل ضرب الجزم الحقني ي زين ي ابن ام زين الحقني ي مصطفي ي ابن ساره هامووت ي جسار ياللي ابوك راجل محترم وحياه الغاليين تخليه يوقت هاموت ونورهات اعااااااا ي ماما الحقي بنتك ي ماما اهئ اهئ ومره واحده القطر جه عند لفه كده وخلي راسهم لتحت وهدوء ووععع هرجع ي ولاد الكلب لسه واكله معدتني بقت ف راسي ي ولاد الجزم هامووت ونورهان ي ماما اعااااااااااا وتعيط والشباب ميتين ضحك عليهم وهدوء بتضحكو ع ايه ي جزم بموت وتبص لنورهان وتقول حسبي الله فيكي ربنا ينتقم مني اني سمعت كلامك ووعععع🤮🤢ياعم الحاج نزل امي ولا اقول افتح الكرسي وخليني اطير انت ي ابن الكلب نزلنا بقي بموت ونورها عااااااااا بموووت ي ماما هدوء بصتلها وقالت جتك مو ف ضروسك وضروس اللي يمشي ورا كلامك ي عم الفتوه ربنا ع الظالم والمفتري القطر وقف الحمدلله ونزلو بسلام اول م الكرسي اتفتح اترمت هي ونورهان ع الارض الناس كلها ماتو عليهم من الضحك بعد م هديو خرجو وهدوء مش طايقه نورهان الشباب شافو لعبه اسمها السجاده والا عاوزين يركبوها وخدو البنات برضو واول م ركبو واشتغلت لحد م قلبت معدتهم والبنات تصوت وهدوء ربنا ينتقم منكم انتو الكل انا استاهل ضرب الجزم اني مشيت معاكم والشباب بيضحكو ووحيد عمال يقول ارحمو معدتي هجيب اللي ف بطني ي حيوانات ومره واحده اللعبه وقفت بيهم فوق ومره واحده نزلت ع تحت ونورهان شغاله بس اعاااا ي ماما ونزلو هدوء قالتلهم خلصتو هتركبو ع مزاجي بقي وخدتهم ووقف وبصتلهم وقالت كلو معاه رخصتو كلهم استغربو وقالت بضحك كل واحد يترمي ف عربيه بصولها اللي هو نعم عاوزانا احنا نركب عربيات قالتلهم اه يلا ي طفل منك ليه وكلهم ركبو وفضلو يضحكو ويخبطو ف بعض حسام خبط جامد ف جسار وجسار زعل واتقمص زي الاطفال وقام يقول وربنا م انا لاعب معاكو تاني ها🥺
كلهم ضحكو عليه وفضلو يجربو كل الالعاب ويضحكو ويهزرو كانهم بيودعو الضحك هدوء بصتلهم وقالت انا جعانه بصولها وضحكو وقالو تصدقي مش بيطلع منك حاجه مفيده غير كلمه ناكل وهما ماشيين جابو ساندويتشات شاورما وفضلو يهزرو مع بعض ع الطريق لحد م كل واحد خد طريقه وروح وعشان جايين متاخر ف اهلهم نايمين
زين شد هدوء من دراعها ع الاسنسير هدوء اتخضن
زين/متجيبي بوسه صغننه
هدوء/زين اتلم وعيب اللي بيحصل ده
زين بصلها وقال/دلوقتي دي الشخصيه القفل صح هدوء شاورت براسها بمعني اه والاسنسير وقف بيخرجو زين سرع خطوات قدمه وجري عليها باسها ف خدها وطلع يجري ع شقته وهي ع شقتها اول م خدت البوسه فضلت واقفه متنحه شويه وحطت ايدها ع ها وابتسمت براحه دخلت البيت وعلي اوضتها دخلت خدت شاور وغيرت لهدوم مريحه ودخلت ع السرير عدل
وزين اول م دخل عمل زيها شاور وغير واترمي ع السرير وبعتها رساله ع الواتس
ولما طلع من الحمام بعتلها البوسه الخطف دي حلوه اوي مردتش عشان نامت لما لقاها اتاخرت نام هو كمان
💥💥💥💥التصويت ي حلوين☺️
البارب خلصت بحبكم