غضب البركان

الاجازه خلصت☹️

اول يوم ف الكليه بعد الاجازه بقي نروح لابطالنا الحلوين اول م اتقابلو ف الكليه فضلو يهزرو مع بعض وكل اللي يشوف زين وهدوء يباركو ليهم وفرحانين ليهم جدا
الساعه 6 بالدقيقه النقيب مهيمن/صباح الخير
كل الدفعه صباح النور ي فندم
النقيب مهيمن بصلهم وقاللهم يلا بدايه التدريب هنجري انهارده 12كيلو يلا ي وحووش
وبدأوا ف الجري وبما انهم اتوعودو ع المسافات ف بقي الامر بالنسبه ليهم سهل واول م خلصو الجري بدأ تمرين الضغط لحد م خلصو التدريبات كلها وانصرفو عشان الغدا وبعد الغدا ع اوضهم للنوم فضل الحال ع الروتين بتاع التدريبات لحد م عدي 3 شهور ومعاد نزول الاجازه بتاعتهم
هدوء/ياه اخيرا اجازه ي ناس
نورهان/بالهوي اخيرا هاشوف الشارع ي ناس هييح
زين بصلهم بقرف/مالك يختي منك ليها بطلو قرف  محسسني انكم ف سجن
هدوء ونورهان ف نفس واحد بس ي بابا متعش الدور والنبي وبصت لهدوء وحضنتها وبعدها ركبت العربيه ومشيت وهدوء وزين كذالك
اول م وصلو البيت هدوء طلعت ع البيت وفتحت الباب براحه ملقيتش حد لان الوقت ده باباها ف الجامعه وخواتها ف الكليات ومامتها ف المستشفي دخلت ع اوضتها خدت شاور ودخلت ع السرير محستش بنفسها فضلت نايمه لحد المغرب واهلها ميعرفوش انها جت صحيت ع صوت باباها وهو بيكلم مامتها وضحكت بشر
عز الدين/ملوكتي ملكتي واميرتي وحبيبتي وحشتيني
ملك /عز عيب كده حد من الولاد يجي هيبقي شكلنا ايه
عز الدين/ وانا مالي وهما كده كده مش هايجو دلوقتي
ملك /اتلم ي راجل بقي انت كبرت ع كده
عز الدين/نعم يختي فشششر ع راي اليت هدوء وحشتني المجنونه
ملك بضحك/وحشتني اوي نفسي اشوفها وحشني هزارها وضحكتها ف البيت
عز الدين بصلها /طيب يلا ع الاوضه قدامي
ملك بضحك/ مبتنساش ابدا
عز الدين/ بقولك وحشتيني وبعدين بتقولي كبرت ع الحاجات دي طيب تعالي وانا اثبتلك
ملك ضحكت بصوت عالي
عز الدين بصلها /العب وبتقولي كبرت ع كده ده انا هعيد امجادي من تاني وشالها وبيدخل الاوضه تطلع هادمه اللزات ومفرقه الجمعات هدوء من غير م يحسو لسه باباها بيقفل باب الاوضه وسمع اللي بتقول اثبت مكانك ي عز الدين بتستفرد بالبنيه عشان مش موجودين
عز الدين اتصدم وقال/اه ي بنت الكلب طيب سيبيني اعيش يومين هدوء بضحك يومين ايه انا بقالي 3 شهور مجتش جاي تعيش اليومين يوم اجازتي عز الدين وشو بقي احمر من الغيظ من بنته وملك ميته ضحك وهي مكسوفه من بنتها وراحت حضنتها وباستها وهدوء بادلتها الحضن وراحت ع باباها اللي حضنها جامد وفضلو يهزرو لحد م سمعت صوت خواتها بيفتحو باب الشقه واستخبت ورا الباب وجابت كوبايه ميه متلجه وجابت كرسي طلعت عليه لسه بيفتحو الباب لقيو الميه اللي نازله عليهم متلجه لتنين جريو زي الفيران من الميه المتلجه واول م شاف ها فضلو يجرو وراها عاوزين يضربوها بتبص قدام الباب لقيت زين واقف طلع لما سمع صوت خواتها فكر في حاجه جريت عليه استخب ورا ضهره
هدوء/ زين وحياه الغاليين خبيني هيموتوني
زين/تستاهلي حد يعمل كده ي بنتي ارحميهم وارحميني
لقي مراد ومالك جايين عليها يجرو عاوزين يضربوها راحت داخله بيت زين تجري وقفلت الباب عليهم بره ومعاهم زين
هدوء/بصت وراها لقيت عاصم  ومراته ولمارا بصولها وضحكو عاصم عملتي ايه ي اخره صبري
هدوء/حمايا حبيبي والله ي عصومي كبيت عليهم ميه متلجه
لميس بلوم /ليه كده ي هدوء هيتعبو كده حرام عليكي
لمارا/يستاهلو شاطره ابت اديدو وجريت حضنتها وهي بتحضنها سمعت خبط ع الباب
هدوء خبوني وجريت ع المطبخ استخبت ف الضرفه بتاعت المطبخ ولمارا فتحتلهم وهما جريو هي فين الحيوانه دي ويدورو مش لقيوها
مالك/بص للمارا بعشق لمارتي هدوء فين هدوء اول م شافته بصتله وهي سرحانه ف عيونه وقالتله ف المطبخ هدوء من المطبخ اه ي بنت الكلب بعتيني مجرد م شوفتيه ده انا هنفخ اهلك مجرد م خلصت الكلمه لقيت اللي ماسكها من قفاها بتبص لقيته مراد بصتله مراد حبيبي عامله ايه اقسم بالله وحشني جدا باشيخ مراد بصلها بشر
مراد/اه كملي عشان تجري ورنا لوريكي
هدوء بصتله بطرف عنيها وقالتله/اضربني عادي وشوف مين اللي هيربطلك مع حبيبه القلب
مراد قلبه دق وبصلها /مراد حضنها هدوء حبيبتي عامله ايه وحشتيني اوي ده انا كل ده بجري وراكي عشان اخدك ف حضني مالك وزين اتصدمو
زين/بتاع مصلحتك معفن
مراد بصله /ملكش دعوه يابني دي اختي حبيبتي ده انا هخرجها واجبلها كل اللي هي عاوزاه
زي الغيره اشتغلت وراحلهم وشدها منو جامد وقاله
ابعد عنها انت حبيت الموضوع متبقاش تلزق فيها كده
مراد /اشبع بيها
هدوء /متاكد ي مرادي
مراد/لا ي روح قلبي بهزر مقدرش استغني عنك
هدوء لسه هتتكلم لقيت القلم ع قافها من زين بصتله لقيته متعصب وقاللها
زين /متدلعيش حد غيري هسود عيشتك
هدوء بصتله وقالت/زيني انت قلبي وعمري كله ده انت اللي ف القلب يازميكس
زين بقرف/لا حبيبي فيه ي سرسجيه
هدوء بصتله وقالت/اتوكس انت تطول يابني احمد ربنا اني موافقه عليك خلت كل الموجودين ماتو من الضحك
هدوء بصت للميس وقالت /لميس انتي عامله اكل ايه انا جعانه اوي
لميس بصتلها بحب /في عندك جوا بشاميل وفراخ محمره
هدوء جريت ع المطبخ وقالت /ياه ي لميس مش عارفه اعمل ايه فيكي كل يوم بحبك اكتر من اللي قبله وراحت طلعت الاكل وحطت ف طبق وخرجت عليهم وبصتلها تسلم ايدك ي لموستي تحفه هخلص الطبق وابقي ابعتلك فيك كفته من بتاعت امي اللي ملهاش طعم دي
لميس/بس يابت دي الكفته بتاعتها تتاكل اكل
هدوء بصتلها وقالت /يمكن انتي بيتعملك كفته تانيه يلا بقي سلامو عليكو ومشيت والكل واقف مصدوم من هبلها وزين بيبصلها بعشق
مالك/وكتاب الله عندها انفصام شخصيه
كلهم ماتو من الضحك ومراد ومالك راحو ع بيتهم
وهدوء قامت عملت فشار وقعدت هي واخواتها وسهرو ع فيلم كوميدي وفضلو يتكلمو كتير لحد م نامو مكانهم
عز الدين وملك صحيو الصبح ماتو من الضحك ع اللي شايفينه هدوء نايمه ع الارض وجليها ع الطرابيزه ومالك نايم ورجلو ف وش مراد والتلاته فاتحين بؤقهم ومنظرهم مسخره هدوء نايمه حست بحاجه متلجه ع وشها ولما اتاكدت انها ميه قامت مفزوعه وقالت
مالك ي حيوان بتكب عليا ميه والله لوريك وقالت كده ونامت تأني
ملك وعز ماتو  من الضحك
وراحو مصحينهم هما التلاته كانت ملك جهزت الفطار هدوء دخلت الحمام خدت شاور سريع وطلعت ع الفطار وهي بتاكل
هدوء/اه ي ملك اكلك وحشني بشكل مش قادره اوصفو
ملك /بالف هنا ي روحي
عز الدين بصلها بحب وقال/صوتك وكلامك ورخامتك وحشوني اووي البيت مش ناقصه غيرك
هدوء/ربنا يخليكو ليا يارب
مراد نط جمبها مره واحده وقالها بتوتر هي الانسه نورهان عامله ايه
هدوء بضحك زي القرده جايه تقضي اليوم معايا اهنا انهارده اعملي شويه اكل لوز من ايدك كده ي ام المماليك
ملك/من عيوني ي حبيبتي وبصت لعز الدين وقالتله كلم عاصم يجو يتغدو معانا ونتلم كلنا عز الدين وافق ع كلامها جدا وكلم عاصم وعزمه ع الغدا هو وعيلته هدوء بصتلها وقالت تسلملي عيونك ي عمري انتي وفطرو وهدوء قامت عملت الشاي وقاعدين سمعو جرس الباب مراد جمب الباب بالصدفه راح فاتح اول م شافها قلبه ده جامد وبصلها هو سرحان ف جمالها وقال بسم الله ماشاء ع القمر نورهان اتحرجت جدا وبصتله بابتسامه وقالت.....
ازيك ي بشمهندس مراد عامل ايه مراد بصلها
بسرحان ومش حاسس بوجودها مش مركز غير ف جمال عيونها فضلت واقفه لحد م ملك كانت معديه وشافتهم وراحت خبطتته ع راسه وقالت انت هتسيب الضيفه ع الباب كده مراد فاق من شروده وقاللها انا اسف جدا ي انسه نورهان اتفضلي اول م دخلت دخل وراها عيله زين وسلمو ع بعض والقعده متخلاش من خناق هدوء ومالك ومشاكسه مالك للمارا ومراد اللي مبقاش قادر يشيل عيونه عنها ابدا
ملك قطعت شروده وقالت يلا ي جماعه ع الغدا كلهم قامو وقعدو واتوهمو باكلها ونورهان حبت اكلها جدااا لمارا قامت عملت الشاي وهدوء طلعت فاكهه ونورهان طلعت الحلويات  وفضلو يضحكو ويهزرو ويلعبو كوتشينه وجابو فيلم لاسماعيل يس وفضلو يتفرجو والعده كانت جميله اوي عدا الوقت ع الابطال من غير م يحسو بيه لحد م نورهان استاذنت وعيله زين وكل واحد راح ع مكانه
مراد بيوصل نورهان لتحت وبصلها وقال نورتينا ياريت تكرريها تاني
نورهان/بإذن الله بجد القعده معاكم جميله اوي الواحد ميزهقش منها
مراد /اليوم كان جميل بوجودك يلا تصبحي ع خير وخلي بالك ع نفسك لا اله الا الله
نورهان/وانت من اهل الخير محمد رسول الله
وخدت عربيتها ومشيت ومراد طلع ع شقتهم ودخل اوضته فضل يفكر فيها لحد م راح ف سبات عميق
💥💥💥💥💥
بكده الفصل ده خلص ي حلوين