بين احضان سادي 🔞 مستمرة

البارت الاول

الحياة كالمرآة ،تحصل على افضل النتائج حين تبتسم لها.
8صباحا
4اوت2002 بمدينة وهران مستشفى نقاش الخاص.

الممرضة:على سلامتك مبروك عليك مدام جبتي شيرة شابة الله يبارك

سهام في قلبها (شابة ولا ماشي شابة انا كي غادي نديرلها

دروك منجمش نرفدها و وليد مبغاش يكتبها باسمه كون

نشور بيها باينة دارنا يطردوني ولا كشما يديرو فيا )

الممرضة :مدام مدام راكي تسمعي فيا

سهام وهي باين عليها توتر : مسمعتكش سمحيلي وينتا نجم

نخرج منا معليش تسقسيلي طبيب .

ممرضة : واه دروك نسقسيه بصح نرمالمون تباتي اليوم

متنسيش هادي زيادتك الاولى .

سهام :ها صحة دروك سمحيلي باغية نرقد مانيش قادة نهدر

ممرضة : سمحيلي مدام راني خارجة لا سحقيتيني دوركي

على بوطونة لي موراك نجيك

سهام اشارتلها بنعم خرجت الممرضةوهي تخمم كيفاه تهرب

من سبيطار ( انا معنديش حال واحداخر توصل راهي 13

وقت لافيزيت نخرج مع الناس )

وصلت وقت لافيزيت لبست سهام قشها وخرجت تجر في

روحها حتان برا هي خاجة خبط فيها راجل جايب مرته تزيد

الرجل (عبدو): سمحيلي مدام والله متولهتلك

سهام: معليش راك مسامح خويا
خدك
فات عبدو مع مرته تزيد

في مكان آخر

وخرجت سهام حكمت طاكسي وراحت لدارهم

ام سهام : سهام بنتي جيتي علاه مقوتيليش بلي راكي جاية

(سهام طالبة حقوق في جامعة الجزائر وتعرفت على وليد تم

فالجامعة لعبلها بعقلها و سلماتو الشرف تاعها ونهار عرفت

روحها حامل محبش يزيد يحكي معاها وقفل عليها تليفون )

سهام : لا ماما مرضت شورت منجمتش وحدي ولغربة راكي

عارفة .
ام سهام مرحبا بيك بنتي راكي صفرة وجهك راه كي كركم

مالكي بنتي شا راه صاري فيك

سهام: غي مطريق وتعب وكيما قتلك عندي سمانة وانا فراش

جيت حتى صوالحي مجبتهمش

ادخلي ريحي ودروك نوجدلك فطور

في المستشفى:

دخل عبدو مع مرتو امينة تولد جابت توأم بنت ولد

طفلة كانت مريضة ماتت بعد الولادة مباشرة ولد عاش

كان عبدو يخدم فالاوراق تاع سبيطار وسجل في ولادو حتى

سمع ممرضة تهدر : لمريضة تاع دوزيام هربت رحت نعطيها

دواء ملقيتهاش وزيد مخلاتلنا حتى معلومات عليها حتى

بنتها سمحت فيها وراحت راني خايفة غي يردها فيا المدير

عبدو (سمعت هدرت ممرضة جات فكرة في بالي ) عيط الممرضة مدموزال
ممرضة : راك معايا
عبدو : وي راني معاك ارواحي شوفي مالخر شحال نعطيك وتمديلي طفلة هادي لي سمحت فيها يماها نديها
ممرضة : وش راك تقول منقدرش نريسكي بخدمتي علبالك هاد الهدرة فيها حبس
عبدو : لا حبي لا والو كون جات بنت حلال متسمحش فيها

امها باينة لحكاية كيفاه ودوك طفلة يدوها الملجئ ملا خليني

نربح فيها ربي ونديها انا نربيها خير متتمرمد في حياتها ولا

على مصاريف تاع سبيطار انا نخلصهم ونزيد نعطيك حقك

مننساكش وش قلتي .

بعد ما هدر عبدو مع الممرضة وصها كي تفيق مرتو من المخدر

متقولهاش بلي بنتها ماتت وتعطيها ديك طفلة على اساس

بنتها وقال في نفسو بلي ربي حطو في طريقها باش هي

تعوضو على بنتو وهو يعوضها على باباها.

فاقت امينة لقات الممرضة فوق راسها الحمد الله على

سلامتك مدام جبتي توام يهبلو الله يبارك واش حابة تسميهم.

امينة : الله يسلمك اختي معليش تشوفي راجلي تعيطيلو

ممرضة : صحة دروك نعيطله

ممرضة : سي عبدو مدام فطنت وراهي تسقسي عليك
عبدو : صحة
دخل عبدو عند مرتو يتبسم في وجها

عبدو : حمدالله لي راكي لاباس كنت مقلق عليك عمري

امينة : سمعت طبيب قال ميت ولدي وشبيه

عبدو : لالا امينة كنتي غير تتخايلي مكان والو لزوج راهم

لباس عليهم ريحي دوك شوية يجيبوهملك

امينة بشك: راكي متأكد عبدو

عبدو : علاه وكتاه كذبت عليك وش نسموهم

أمينة: بفرحة كيما كنا ناوين أميرة و امير

عبدو : هيا انا نروح ريقل كواغط ونجي (كذب عليها هو رايح

يدفن بنتو للعلم عبدو ومرتو من الشرق جاو سياحة برك

لوهران )

دخلت الممرضة عند امينة وفي يدها الاولاد شوفي شكون لي

جا مدام لازم ترضعيهم

أمينة بفرحة وتعب : جيبيهم نشوفهم ،وكتاه نخرج منا

ممرضة : مدام ولادة تاعك كانت صعيبة راح تبقاي معانا حتان

يعطيك طبيب اذن الخروج

عبدو : الو

..:معايا عبدو