بين احضان سادي 🔞 مستمرة

بارت الثاني

عبدو: وليد هههه حسبتك واحد من خدامين
وليد: جيت نلعب معاك بصح انت ذيب شكون يقدر لك
عبدو : وليد خبر دار امينة ولدت طفلة و طفل وراني بعد 4ايام نرجع
_______________________
بعد مرور 4ايام

على ساعة 10 :

امينة راكي واجدة باش نروحو هيا خالتي وقت باش نخرجو

ام امينة ايه وليدي وقت

خرجت ام امينة و في يدها أميرة و امير جابو باباه وهو حاكم

باليد الاخرى مرتو امينة جينا لوهران زوج رانى راجعين أربعة

هههه

في فيلا القاسم :

وجدو الغداء وطلعو حضرو جناح  امينة و عبدو

على ساعة 16
وصلو امينة و عبدو لفيلا

أمينة: شحال توحشت دار و ماما ناجية تقول عندي عام

مشتهاش.
عبدو بغيرة: توحشتي غي يماك ناجية وليدها لالا

امينة : يا عبدو من نيتك باينة بلي انت الصح

عبدو : ندخلو راهم كامل يستناو فينا .

ام عبدو ناجية: مرحبا وليدي و مرتو يويويويويويويويوي

عطوني احفادي نشوفهم

هادي صورة الاولاد

ناجية : يا عمري شحال شابين

وليد نازل من دروج ويهدر : باينة جاو شابين كي عمهم

عبدو : انت متسقسي متحوس وين كنت غاطس هاد يامات

ولا كي عوايدك 

وليد : عيب عليك ياك عيطتلك عندي 4 ايام ديجا عطيني

نشوف ولاد خويا شابين .

وليد غي رفد أميرة حس بلي حاجة قريبة ليه بزاف

بقي يشوف معاها وقالهم سبحان الله طفلة هادي حبيتها

تدخل للقلب

ناجية : شوف وليد تقول امينة توحمت عليك تشبهلك بزاف

عبدو : هاتو بنتي نشوفو بنتي تشبهلي ليا وحدي

عبدو : يما ماقلكش علاء وكتاه يجي من كندا

ناجية : خوك ماهوش راجع زوج بوحدة تم عيطتلو رفدت

عليا وكي قتلو قالي مرتي جزائرية تقرا تم عندو عجبتو

زوجها  حطني قدام امر واقع مانيش قادرة نحكي معاه

مخرجش من مصيبة يحط روحو في الاخرى معندوش عام

ملي طلق حتى وليدو اسامة ماهوش محوس عليه.

عبدو : متتقلقيش ايما انا نفريها

ناجية: بنتي امينة اطلعي ارتاحي مزلتي نافسة

امينة : صحة يما

فاتت الايام عادية وتربات أميرة في دار وحدة مع باباها وقف

معاها القدر وحطها عند دار جدها .

فرحة العائلة بيهم لا توصف ودارولهم حفلة تاع عقيقة

وعرضو عليها وذبحو وصدقو على أميرة و امير

عاشت أميرة حياة الاميرات في صغرها وكي دخلت عامها 3

جا شخص جديد لقصر القاسم لي راح يبدل حياة أميرة 

ٱسامة ابن علاء من زوجة الاولى مريم عمره 10سنوات

مريم حبت تبدا حياتها من جديد دات ٱسامة لدار جداته

وعاودت زواج كيما دار باباه في داك اليوم تكفل عبدو بولد

خوه وقال راه واحد من ولادي و حاجة متخصو مدامني حي.

ٱسامة كان متعلق بزاف بماماه فترة الاولى جاتو صعبة ولا

يتاقلم ويعوض نقص تاعها ويشغل روحو ب أميرة ما

يفرقهاش وميخلي حتى واحد يقرب منها حتى اولاد عماتها

ولا اخوالها ميخليش يدها كامل وهي تاني تحب تبقى عندو

وتلعب معاه .

في هاد 3 سنوات سهام زوجت من واحد كان يقرا معاها

ويعرف بعلاقتها مع وليد تقبلها وستر عليها وجابت طفلة

سماتها ذكرى وحوست على أميرة بعد زواجها بصح مكانش

حتى وثيقة على وجوها .

اما وليد ف زوج زواج تقليدي من بنت صاحب باباه من طبقة

مخملية كيفو وعندهم أدم عمرو 2 عامين .