بين احضان سادي 🔞 مستمرة

البارت الرابع

اميرة : ايناس اليوم السهرة لصباح عدنا بزاف مقصرناش

ايناس:عيطلي لماما قوليلها بلاكي تنساي من بعد نباتو قسارة عادي اعمري عندي اميرة وحدة فالحياة.
دوك نعيط لخالتو نقولها
اميرة: الو خالتي كيفاه راكي وعمو وشراه

الخالة: لباس الحمد لله وانتم وشراكم
اميرة : لباس الحمد لله مدام خالتي شابة تاع لفامي لباس
الخالة: اميرة نعرفك نعرفك ربيتك مع ايناس وحفضاتك قوليلها تبات ومتسهروش بزاف
اميرة : اييي ربي يخيلك ليا خالتي العزيزة نحبك تصبحي بخير تهلاي في روحك
الخالة : مهبولة ههههه هه باي
اميرة : هاني فريتها مع ماماك خلاص دوك هيا نشوفو كشما ناكلو جعت
ايناس (ياااا ربي ونشوف امير توحشتو ): اميرة
اميرة : وشي علاه راكي تعيطيلي
ايناس : وين راه امير مشفتوش ملي جيت
اميرة : خرج راح مع صحابو مايجيش دوك يطول باش يدخل
انا اختو ومانيش نشوفو بزاف
ايناس : علاه باش راه مشغول

اميرة : علمي علمك اختي انا راني نخمم في روحي ( تهدر وتحوس فالفريجيدار على حاجة يكلوها )
نديرو هومبورغر ولا نطيبو حاجة اخرى
ايناس نديرو اسهل حاجة
ههههه شافو في بعضاهم وقالو اندومي
دارو اندومي كلاو ونقاو الكوزينة وراحو لشمبرة يقصرو
اميرة : ايناس علبالك عندو 5 سنين ملي راح كل يوم يفوت نزيد نتوحشو وننضر كثر
ايناس : اميرة بركي متقتلي في روحك شكون قالك بلي يحبك نسيتي وش قالك قبل ما يروح خلاك مريضة وراح عنده 5 سنين مقدرش يعيطلك خطرة وانتي مزلتي تخمي فيه
اميرة : شوفي ايناس انت مجربتيش تحبي واحد معندوش ادنى مشاعر ليك موش معبرك يشوفك طفلة صغيرة معلبالهاش وش راهي تهدر كسرني ايناس
ايناس : شكون قالك محسيتوش انا راني معذبة اكثر منك انتي اسامة راه بعيد بقاولك غير ذكريات وانا لي نشوفو كل يوم ونشوف فيه يهدر مع كامل بنات العائلة غير انا يتجنبني
اميرة : متقارنيش امير باسامة
ايناس (وهي تبكي) علاه وين راه الفرق
اميرة : امير معلبالوش بلي تحبيه وتاني حاجة معطاكش أمل معيشكش وهم ومنبعد جبد روحو انا اسامة كان معيشني في بيضة واحد ميهدر معايا تاعو وحدو وفالاخير 5 سنين مهدرش معايا والمشكل قلبي لي منساهش ومزال متعلق بيه
ايناس: اسمعي اميرة بلعي عليا ماشي كل منقعدو ندوها بكاء على زهرنا نسيتي عدنا حفلة مور يومين نوجدو رواحنا وانتي شوفي حياتي لي خلق اسامة خلق غيرو
اميرة : ايه نخمو فالي جاي لي راح عمرو ميولي وش تقولي نلبسو
لي روب لي شريناهم كيف كيف
هياااا نرقدو صباح نبكرو
__________________
يوم جديد بالاحداث جديدة
الساعة 9:30 في فيلا القاسم:
اميرة : صباح الخير عليكم يا اجمل عائلة في الكون
عبدو: صباح الخير بنوتي الباهية
ناجية: ارواحي ابنتي نبوسك الباهية تاعنا راح تكبر
امير : متخافش ماني اوكل نكبرو غير اميرة تبقى دراري
اميرة : زعفت منك اميرة هدا انا اختك لي تحس بيها وتحبها
امير : علاه وش قولت انا انتي صح تبقاي طفلة صغيرة ومدللة تاعنا
اميرة : هكا نحب امير نموت عليك خويا العزيز
امير (ايناس اليوم مشافتش فيا كامل صباح الخير مقاتهاليش زعما كشما بيها )
ايناس( لازم ندير قدر وقيمة لروحي دائما نهدر معاه ونضحك ولا ميشوفنيش دوك نعاملو كيما يعاملني)
اميرة : ايناس ايناس
ايناس : انعم اميرة
اميرة : ماني كانت تهدر معاك وانتي تايهة في وجه امير
ايناس ولات حمرة : انعم ماني لعزيزة كشما تحتاج
ناجية : لالا ابنتي بغيت راحتك ايناس
ايناس : ربي يحفضك ويخليك لينا ماني
اميرة: ايناس هيا نفطرو ونبداو نوجدو للحفلة 
ايناس : لكان خالتي امينة لي طيبت نجي منقولش لالا
اميرة: باينة ماكلة تاع ماما مكانش كيفها
امينة : رواحو تاكلو بركاونا من الهدرة هياااا