အမည်ဖော်၍မရသော: မိုး

မိုး { 1 }

**  အချစ်ကသိပ်ထူးဆန်းတယ်
တစ်ယောက်နဲ့တစ်ယောက်
ခံစားရပုံချင်း မတူဘူး
တချို့က အေးမြတယ်
တချို့ကပူလောင်တယ်
တချို့ကလွမ်းဆွေးရတယ် **

**   ခံစားရပုံချင်း မတူသလို
ဖြစ်ပေါ်လာပုံ့ခြင်းလည်း မတူဘူးပေါ့
ကျွန်မတွေ့ခဲ့တဲ့ အချစ်က တော့
သိပ်ထူးဆန်းတယ်
သိပ်လည်းရိုးသားတယ်
သိပ်လည်းချစ်ဖို့ကောင်းခဲ့တာ **

°°°°°

ကျွန်မ နာမည်က ဝဿုန်ဦး ပါ
အသက်ကလာမယ့် April ဆို ၁၅ နှစ်ပြည့်မှာပါ
ဘာလိုလိုနဲ့ ကျွန်မ ဒီခြံလေးထဲကိုပြောင်းလာတာ
နှစ်လတောင်ပြည့်တော့မှာပဲ
လူအများနဲ့ဆို မနေတတ်တဲ့ ကျွန်မ နှစ်လ သာပြည့်တော့မယ်

အခုထိ ဘာနေရာမှာဘာရှိမှန်းမသိသေးဘူး
ကျွန်မရောက်ဖူးတာဆိုလို့
တအိမ်ကျော်ရဲ့မျက်နှာချင်းဆိုင်က မုန့်ဆိုင်ကိုပါပဲ
မုန့်ဆိုင်ဆိုပေမယ့် တခြားဟင်းချက်စရာ ပစ္စည်း တွေလည်းရပါတယ် တခါတခါ ဟင်းချက်နေရင်း တခုခုလိုရင် တီနွယ်က အာ့မှာပဲ ဝယ်ခိုင်းနေကြပါ ဆိုင်လေးက သေးပေမယ့် ကျွန်မတို့ လမ်းမှာရောင်းကောင်းမှာပါ အခုမှ ကွက်သစ်ရိုက်ထားတဲ့နေရာ ဆိုတော့ လူလည်းသိပ်မရှိသေးဘူးလေ 

ဝဿုန်နေတာက မဲကနယ်ကွက်သစ်မှာပါ
တချို့က ရွာလို့တောင်ခေါ်ကြတာ
ဪ နောက်တနေရာရှိသေးတယ်
ဝဿုန်ရောက်ဖူးတဲ့ နောက်နေရာတစ်ခုက စျေးပါ
တနေ့ကမှ စဖွင့်တဲ့စျေးလေးက ဆိုင်ခန်းလေးတွေမှာ ရောင်းသူတွေ ပြည့်လို့နေပါတယ် တီနွယ်က ရောက်ဖူးတယ်ရှိအောင်လိုက်ခဲ့ဆိုလို့
မနက်က လိုက်သွားလိုက်သေးတယ်
ဝဿန်က သိပ်ပြီးအပြင်မထွက်ဖြစ်ဘူးလေ
မနက်ကစျေးသွားမှ လေကောင်းလေသန့် ရတော့တယ်

°°°°
"  ဝဿုန်ရေ သမီး "
"   ရှင် တီနွယ်လာပြီ "

ဝဿုန် ပုံဆွဲနေရင်းမှ ထပြီး အခန်းထဲက ထွက်လာတော့ လှေကားထိပ်မှာ စောင့်နေတဲ့ တီနွယ်ကိုတွေ့ရပါတယ်
တီနွယ်အနားရောက်တော့ ဝဿုန်ကို ပေးတဲ့နွားနို့ ခွက်လေးယူပြီး အခန်းထဲပြန်လာခဲ့ပါတယ် သီချင်းသံ အေးအေးလေးက ဝဿုန်နားထဲရောက်လို့နေပါပြီ ပြတင်းပေါက်တံခါးလေးက လိုက်ကာလေးကို အသာဖယ်ကြည့်တော့ သူ့အိမ်ရှေ့မှာ သီချင်းလာဆိုနေတဲ့ လူငယ်တစ်စုကို တွေ့လိုက်ရပါတယ်
^^  ငါဒီလိုမျိုးလုပ်ခဲ့သင့်လား
   မသိချင်ယောင်ဆောင်ခဲ့သင့်တာ
   မတွေ့ခဲ့သလိုမျိုး
    မမြင်ခဲ့သလိုမျိုး  ^^

°°°°°

စာရေးသူအမှာစာ - သီချင်းက ဆင်တူတယ်နော် 😁
You're beautiful ထဲက Without words ost ပါ
စာသားလေးက အခြေနေအရထည့်လိုက်တာ 😂
လိုရာဆွဲတွေး စာဖတ်သူတို့အရေး 😅🖤
အကြိုက်တူရင် ခွန်းနဲ့အတူ လိုက်ခဲ့ပါနော်
နောင်တမရလောက်ပါဘူး
ဟားးးးးဟားးးးဟားးးး ( လူယုတ်မာရယ်သံဖြင့် )
နောက်အပိုင်းမှာပြန်တွေ့မယ်နော် ☃