سيلا: دخلت وشفت بيت جبير وصاله (هول) كلش اجبير
ميسون: اتفضلي استريحي
سيلا: شكرا
ميسون: ياسمين ماما
ياسمين: نعم ماما
ميسون: سوي جاي لبضيفه
ياسمين: صار
ميسون: بنتي انتي منين اتعرفيني
سيلا: انا بنت
ابو كامل وكامل: السلام عليكم
الكل: وعليكم السلام
رحيم: منو هاي الضيفه الصغيرونه
ميسون: ولله علمي علمك هسه راح اتعرفنه عليها كالت تريدني
رحيم: خوش كامل
كامل: نعم بويه
رحيم: امشي للديوان
كامل: اي اجيت
ياسمين: اتفضلي
سيلا: شكرا
ياسمين: العفو
سيلا: انا اسمي سيلا بنت زينب ومحمد
ميسون: شلون بتهم انني
سيلا: ليش
ميسون: لا هجي ماجنت اعرف بيج (شلون بتهم وهيه مايصير عدهم بنيه معقوله اتبنتها بداخلها)
سيلا: بابا قبل اسنين فقدناه
ميسون: صدك تحجين 😨😥😥جان خوش انسان الله يرحمه والبقيه بحياتج بنتي تيتمتي وانتي صغير
سيلا: وقبل ٥ايام توفت ماما
ميسون: شلون يمه صخام اهى اهئ😭😭😭😭😭😭😭😭😭😭😭
سيلا: 😭😭
ياسمين: ماما اهدي الله يخليج باعي بجيتي البنيه وياج ليش هجي ماما 😢😢
كامل: شنو صاير الخاطر الله اشبيكم تبجون
ياسمين: اعز صديقه لماما ماتت قبل ٥ايام وهاي بتها سيلا
كامل: الله يرحمها اختي البقيه بحياتج بس ولله مايصير هجي اسون اتعذبوها هيه بالقبر
ميسون: ولك هاي من ريحه الغاليه ولك تيتمت مرتين اهئ (كمت خضنتها وانا وياها نبجي)
سيلا: ضلينه على هذا الوضع نص ساعه وسكتتنه راحت الخاله ميسون للغرفه واجت لابسه اسود ولبست بتها هم وكالت
ميسون: تدرين بنيتي انا بنتي امنتها يم امج جانت مريضه ماكدرت اخذ اذن من الشغل وبنتي مرتفعه حرارتها اكثر بالرغم من امج طبيبه اخذتها للمستشفى حاولت تنقذها بس ماكدرت لان جانت حرارتها كلش مرتفعه وماتت وماتت وعمرها ٣سنوات جان اسمها يارا اوف بعد يومين ذكره وفاتها صارلها ٢٢سنه ميته بس ولايوم بحياتي مر نسيتها بيها ولامره يوميه اكول انا السبب انا السبب ماضليت يمها ومرات اكول هذا الكاتبه لله ومانكدر نعترض
سيلا: هيه تحجي وانا دموعي عشره على عشره اجت كت يمي مسحت ادموعي كلتلي
ميسون: انا ماكتلج علمود اقهرج لاولله كلت لان اريد افهمج فد شغله راح تتحملين هذا الالم ويعيش وياج مااكلج راح تنسين لان معناتها اجذب عليج بس مو معناتها ماراح يخف الالم راح يخف ولاتنسين ان الله مع الصابرين لازم تصبرين وتتحملين لاتنسين الحياة عباره عن اختبار من رب العالمين واتكلي على الله
سيلا: ونعمه الاتكال
ضلينه انسولف اشوي اتعرفت على الكل كلهم خوش ناس صارت بال٢ ونص كلت انا اترخص
ميسون: وين رايحه ماشبعت منج
سيلا: لاتخافين ازوركم عن قريب انشاء الله
ميسون: انتي ويامن عايشه وين
سيلا : انا حد هسه عايشه بالفندق لان ماصارلي هواي اهنا بس هسه راح اروح اشتري بيت
ميسون: لا ماما مايصير
سيلا: شنو هوه المايصير
ميسون: اتعيشين ابحدج والناس اضل تحجي عليج وانتي كلتيلي تشتغلين بشركه يعني راح يشوفج اطلعين واطبين ويخربون سمعتج
سيلا: ماعندي حل ثاني
ميسون: انا عندي باعي ماما عيشي ويانه انا عندي ابنيه وحده ولد مزوج يعني عاقد على خطيبته وانتي تبقين اهنا مثل اخته تمام
سيلا: بس
ميسون: لابس ولا هم يحزنون راح تبقين يعني تبقين
سيلا: انشاء الله لعد انا اروح اجيب غراضي
ميسون: تمام تجي وياج ياسمين
سيلا: لاشكرا مايحتاج اساسا ماعندي هواي
ميسون: على راحتج
سيلا: رحت للفندق حضرت الجنط وخابرت على المكتب العقاري وخبرتهم مااريد البيت ورحت لبيت خاله ميسون اكتني غرفه جبيره كلش حلوه لونها رصاصي فاتح وطوخ واغراضها لون وردي وابيض كلش حلوه وبيها حمام عدلت غراضي بالخزانه(الكنتور) ونزلت يمهم شوي ضلينه انسولف اشوي بس غريبه محد سألني ياشركه تشتغلين المهم اتعشينه ردت اساعدهم بس ماقبلوا صعدت للغرفه اجيت انام بس ماكدرت متغيره علي المخده اخذت المنوم ونمت وكعدت بال٧ كمت اخذت شاور وبدلت ونزلت جوه
ميسون: صباح الخير
سيلا: صباح الورد
ميسون: كدرتي تنامين مرتاحه
سيلا: اي الحمدلله
ميسون: رايحه للشغل
سيلا: اي يله باي
ميسون: انتضري هاج لفه خليها بالجنطه
سيلا: شكرا باي
ميسون: الله وياج
سيلا: طلعت للشركه شفت فهد بس من بعيد جان جاي يشتغل بالمكتب المهم رحت للمكتب اشتغلت صار بال١ وحده اجه فهد
فهد: كعدت الصبح بال7 اخذت شاور ولبست ملابس ونزلت تريكت كال الوالد راح انروح انبات بيت عمي علمود انساعدهم بتوزيع الثواب المهم رحت للشغل صارت بال١ شفت سيلا بتدها ماطالعه كلت
فهد: ليش حد هسه ماطالعه
سيلا: توني خلصت وراح اطلع
فهد: اممم عازمج على الغده تجين
سيلا: بس لازم اخبر الخاله ميسون
فهد: اي معناتها موفقه
سيلا: انا بالعاده ماوافق بس كلش جوعانه مامتريكه بالرغم عندي لفه بس انا مااكل جبن
فهد: يله لعدي تفضلي
سيلا: شكرا كلمن راح بسيارته مطعم قريب وصلنه كعدنه على الطاوله دكيت على الخاله ميسون خبرتها واكلنه وضلينه انسولف
فهد: -👆🏻الصار تالي عجبني اسألها عن اهلها كلت انتي عايشه ويه خالتج زين اهلج
سيلا: (بحزن) انا امي وابوي متوفين وعايشه ويه صديقه ماما
فهد: الله يرحمهم البقيه بحياتج واسف لان سألت
سيلا: حياتك الباقيه لا عادي ماصار شي
ضلينه انسولف شربنه كهوه صارت بال٢ ونص كلت اسأذن ورحت لبيت خاله وصلت رحت لغرفتي نمت وكعدت باليل بدلت ملابسي ونزلت جان اشوف........
فهد: رجعت للبيت لميت جم قطعه لبس لان راح انبات واساسا باجر جمعه والوراه سبت يعني مايحتاج اخذ شي رسمي وياي المهم صار المغرب رحنه بيت عمي من شفت انصدمت......
الى هنا وخلص بارت السادس اتمنى نال اعجابكم ولاتنسون التصويت لاستمر بنشر القصه انتضروني في البارت السابع
آحـ❤ـبـ❤ـكـ❤ـمـ❤ـ
أنت تقرأ
ماهو اسمي الحقيقي؟
Mystery / Thrillerفتاة تعيش حياة جميله الا ان يخالفها القدر وتموت والدتها وتذهب هذه الفتاه الى بلدها 🇮🇶 العراق وهنالك تكتشف انها كانت تعيش حياة كاذبه وترى عائلتها الحقيقيه. من انا؟ هل اسمي سيلا؟ ام اسمي يارا؟ ولماذا هكذا حدث؟ ومن كان السبب؟ اسم القصه ماهو ا...
