سيلا: شفت فهد بيت خاله ميسون كلش اسغربت نزلت كلت السلام عليكم
الكل بأستغراب: وعليكم السلام
فهد: نزلت سيلا كلش فرحت لان شفتها واذكرت من كالت عايشه ويه خاله ميسون عرفت قصدها على عمه ميسون المهم دخلنه وضلينه انسولف وهيه ساكته واتعرفوا عليها وعرفوا انا اعرفها
سيلا: اتعرفت عليهم كلش حبابين المهم ضلينه انسولف رحت لامطبخ سويت حلويات سويت تراب الملوك وسويت كيكه وسوينه عشه انا وياسمين وفرح المهم خلصنه وصبينه الاكل كلها اكلت خلصنه واتعاونه غسلنه المواعين المهم فرح سوت الجاي ودته ورحنه كعدنه انسولف كلش عجبني شلون مندمجين ويحبون بعض اذكرت ماما وبابا شلون جنه نكعد على نفس الفراش انضل انسولف ونضحك نزلت دمعتي لااراديا كمت من يمهم رحت لغرفتي ضليت ابجي وشوي واسمع صوت الباب يندك كلت اتفضل ودخل فهد
فهد: صار الفوك ضلينه انسولف وشفت سيلا صافنه ونزلت دمعتها وصعدت على السريع للغرفه انا شوي كعدت ماطولت وكمت على اساس اروح لغرفتي بس جذب اريد اروح اشوفها رحت دكيت الباب ودخلت وكلت
فهد: ليش الحلو زعلان
سيلا: لا مابيه شي
فهد بشقه: اجذبين على مديرج اضاهر تردين تنطردين من اول ايام (خليت الباب مفتوح وكعدت على الكرسي المقابيلها)
سيلا: هههه لا بس اشتاقيت الاهلي
فهد: الله يرحمهم لاسوين هجي واتقهرين نفسج ترى ولله تأذينهم
سيلا: ولله مو بيدي ماما فقدتها قبل سته ايام شنو تتوقع مني
فهد: ضليت اهدي بيها اجن البنات كمت وعفتهابس كلبي يمها من تبجي جنها سجاجين تنغرز بكلبي اوف اكتشفت اليوم انا مو بس احبها اموت عليها ووف ياسيلا شراح اسوين بيه اوف طلعت بره ادخن اجا وراي حسن وحسين وهل مره وياه كامل كملت السالفه كلها تسأل وكتلهم احبها وكلهم يكلولي اعترف كتهم لازم اتأكد اتحبني اولا المهم صارت بال١١ صعدنه كلمن بغرفته
سيلا: فهد طلع من اجن البنات كعدنه انسولف بس انا كلبي وبالي يم فهد انا عرفت هذه مو اعجاب احبه ضلينه انسولف لل ١٠ وكلمن انصرفت للغرف انا ضليت افكر شنو راح اسوي احبه بس خاف مايحبني بس لو مايحبني جان مايساعدني ويهتم بيه اوف ضليت افكر لل٢ ماكدرت انام شربت منوم ونمت وكعدت بال ٧ (انا طبيعتي هسه لو نايمه بال٤ اكعد بال٧) لكيت الكل كاعد نزلت صبحت عليهم وكعدت يمهم كالوا يله سو ن ريوك حتى يبدون سألت بشنو كالوا ثواب على يارا المهم ضلينه احنه البنات انكص بصل وبتيته والتكص بالدجاج وتسلكه واجوا بيت خالهم عدهم اثنين بنات كلهم حبابات كعدنه فرد كعده والزلم يطبخون بالسوب والتمن بره وخلصنه الطبخ بال١١ وبدينه انصب للعالم والزلم يوزعون وهاي جانت اول مره اوزع بيها ثواب جنت فرحانه لان اساعدهم المهم صار بال٤ خلصنه توزيع صبينه للكل اكوا وغسلنه المواعين وكلمن انصرف لغرفته من التعب رحت نمت وكعدت بال٧ بدلت ونزلت جوه مو كلها كاعده المهم صبيتلهم جاي لان بنات نايمات ورحت كعدتهن والزلم كلها كعدوا وجان يندك الباب ويطلع......
الى هنا وخلص بارت السابع اتمنى نال اعجابكم ولاتنسون التصويت لاستمر بنشر القصه انتضروني في البارت الثامن
آحـ❤ـبـ❤ـكـ❤ـمـ❤ـ
أنت تقرأ
ماهو اسمي الحقيقي؟
Mystery / Thrillerفتاة تعيش حياة جميله الا ان يخالفها القدر وتموت والدتها وتذهب هذه الفتاه الى بلدها 🇮🇶 العراق وهنالك تكتشف انها كانت تعيش حياة كاذبه وترى عائلتها الحقيقيه. من انا؟ هل اسمي سيلا؟ ام اسمي يارا؟ ولماذا هكذا حدث؟ ومن كان السبب؟ اسم القصه ماهو ا...
