الحبيب الذي لا ينسى

البارت 28

لم أنجح! !

نعم واقولها لعدة مرات أني لم أنجح بنسيانك أبداً

لا زال عقلي وقلبي وجميع جوارحي تؤخذني إليك

لم أستطيع انتشالك من ذاكرتي أبداً فأنت

أستوطنت في داخلي أصبحت كالدم الذي يجري

بعروقي. كلما اريد الهروب منك أرجع تائهه

إليك كأن لا يوجد لي مهرباً أصبحت عالقه بك

وأنا اعلم إن موتي سيكون بين يديك ولكن

الموت بسببك سوف يكون ذلك متعتاً لي

سوف أكون رواية بين الناس عن فتاة أحبت

بكل أخلاص وقتلها من لا يعرف للأخلاص معنى

الكاتبة /آيات الموسوي
________________________________

توت /ضل السؤال لعد وانه! !

هيج اهون عليك تكسرني هيج مااعنيلك انه ولا شي هيج مالي مكانه عندك

زين لييييش تكرهني! !.

شسويت انه شلتك بعيوني وحافظت عليك
اخاف عليك من الهوى هسه اجت هاي وصارت هي الغاليه والله حررام عليك

منهارة وابجي وعيوني حمر دم ومورمات من البجي

ما أسمع اله

أهلي يصيحون توووت تووووت

ياااربي شلون اطلعلهم وعيوني حمر ومبين علية باجيه وكفت بسرعه ع المرايه طبطبت ع عيوني بالمي البارد و خليت مكياج خفيف يخفي الحزن ع ملامح وجهي وطلعت

مستحيل اقبل أحد يشوفني وانه ابجي او مكسورة عندي طبع لو اريد اموت ابين نفسي مابيه شي وصاحيه ما انكسر اله بين جدران غرفتي ماأحب احد يشوفني ضعيفه الأن الأنسان الضعيف راح يضيع بهذا الوقت

وانه كانت اكبر غلطتي من صار نقطه ضعفي حبي لجود اي اعترف خطأت

اخخخخ انه القويه الي ميهزني شي ومعندي نقطت ضعف اجيت انته وحبيتك وصرت نقطه ضعفي بس ياريت انته نقطه ضعف وحده ولك شكد ما حبيتك كلشي بيك صار نقطه ضعفي

و شكد ما أحب نفسي حبيتهه اكثر بسببك لدرجه ضلو يسموني المغروره وهسه تروح و تكسرني

ها شنو سمعو صوتي وما صدكو من الفرحه حاضنيني ويبجون

حضنتهم وبجيت طلعت الحجه فرحانه الأن صوتي رجع لهذا بجيت بس انه گلبي مكسور

كمت وياهم وسوينه العشه بس انه ماأشتهي أخلي أي لكمه بحلكي مخنوكه كلش

وكالعادة من تركني فقدت وزني صرت تحت الطبيعي مثل الهيكل العظمي32 كيلو عيون ذبلانه وهالات سوداء وجهي شاحب شعري بده يساقط

واجه هسه وقت الليل الوقت إلي يبلش بيه كل أنسان بوجعه أييي هذا إلي ذكرتو هسه هذا الشي الي اخذ روح من الجسد تمر عليكم كل الذكريات بي ويه الشخص الي تحبونه تذكرون شلون جنتو تقضون الوقت سوه وضحك وسوالف و شقه وتخططون للمستقبل وشلون تبنون حياتكم بحلامكم الورديه تذكرون من غيرتو حتى وقت نومتكم علموده من تعلمتو منه هواي أشياء،وصفات لدرجه صرتو انتو هذا الشخص بس بجسد ثاني
تذكرون كل وعد قطعتو البعض بس هسه هذا الشخص وينه هسه! !