الحبيب الذي لا ينسى

البارت 19

ايا ذكرتي الخالدة وبهجتي ومسرتي
جميع الأشياء لها حق الفناء من ذاكرتي
الا أنت! !
الحب الذي يسكن قلبي
وعقلي فبربك كيف لي
أنساك وأنا غارقة فيك
وما أنت الا الحبيب الذي
لا ينسى

الكاتبة /آيات الموسوي
_________________________________

توت /مااكدر أحبه والله

ولتحجين عليه هيج حجي ماأقبل انه
اغار واحجي عليه اعصب اي
بس غيري مااقبل مااسمحلج تحجين عليه
صح صديقتي واختي بس جود خط أحمر

فرح /اووووو هو صدك مو صوجج باي

توت /ضجت كلش ياربي شسوي

بعدهه اجيت فتحت الجهاز وجان أنصدم

لكيت جود متصل علية ومراسلني
جود /هلا توت شلونج
ردي
الووو وينج

توت /من شفته رسالته فرحت بس كلت
شي أكيد راح شافهه ورجعلي هسه بعد ما شافهه
وفوك هذا كله هيه لجاوزت عليه وطردني من البث شكو حتى أحجي ويا

بعدهه متحملت مشتاقتله حيل وريد أشوفه
وبس أتصل كبل جاوبته

ضلينه واحد يباوع للثاني وساكتين
فجأة دموعي خانتني ونزلت من عندي

جود /اوووف توت لتبجين
توت /رحت شفتهه وشافتك وعجبتك
شكو جاي تحجي وياي

جود /وأنتي هيج مصدكه أروح أشوفهه
ومنو هيه ترى مجرد صديقه

توت /هه مجرد صديقه وطردتني لخاطرها
و رزلتني لخاطر ها اي بس دكلي منو حبيبتك
انه لو هيه منو الي لازم توكف وياها انه لو هيه

تعبت جود تعبت هم حس بيه كافي

جود /اوكفي توت نجي وحده وحده

باعي اني من طردتج من البث الأن أنتي أجاوزتي هم
شوفي خلي أوضحلج الفكره

مثلاً اني يمي صديقي خطار واجه أخوي هم يمنه
وجاوز الخطار على أخوي واخوي كذلك هنا لازم أطلع أخوي من المكان حتى لا يشتد النزاع وتصير أكبر السالفه صح لو لا

توت /صح
جود /والأن أنتي من أهل بيتي وحبييتي أمون عليج أنتي

جود /وها بعد تذكرين شحجيتي كتيلهه ماعندج أحترام وأدب دام رايحه شوفينه
ومن كلتي هيج هاي لحجايه تشملني معناها اني هم مثلهه
ومن كلتي انه الخطابه مالتكم أزوجكم

برئيج هذا كله يصير الزوجه دكوله الزوجهه كدام الناس كلهه

توت /صح خطأ بس جود أنته تعبتني تعبتني حيل وانه أشوفك بالبث تضحك وتسولف ويه البنات انه أريدك اليه لوحدي ماريد هيج شي

أباوعلك تضحك وياهن ومخلي گلبي يحترك تعبت تعبت

جود /اموت ولا أخلي الحب يحترك

توت /كلش واضح

جود /دكافي كومي غسلي وجهج من الدموع وتعالي

توت /ماكوم ماكوم انته لازكلي كل ما أبجي دكلي غسلي وجهج