الحبيب الذي لا ينسى

البارت 26

ها أنا أكتب لم في وقت متأخر مت الليل رسالتي لك سوف أرحل عنك و أودع كل شيء كان يجمعنا وأ أخذ معي شوقي المتبعثر في كل مكان سأقوم بمصافحه يدي للأودع آخر لمساتك المتبقية عليها من آخر لقاء أنا حائرة هل أواسي نفسي ام اواسي ذكرياتنا والأماكن التي كانت تجمعنا كل منا مكسور ويعم بالضجيج انا سأبقى على وعدي لك وسأبقى أحبك سأجمع شتات قلبي المتناثر وأرحل بعيداً لأني اصبحت مدركه وجودي في حياتك مصدر ازعاج لك
وأنا لا أحب إن أراك منزعج وصيتي لك

اعتني بنفسك جيداً فأنت تعني لي الكثير

وها أنا سأقول وداعاً إلى إن تجمعنا صدفه ما

الكاتبة /آيات الموسوي

________________________________

ورى مرجعت للبيت لكيته ناشر ستوري صوره هو وحبيبته وبنيه وياهم يعني جان يمهه اليوم

بسيييطه ماأطلع أسمي ميامين أذا ما أخلي يتركها وراويهه الويل

ميامين /يمه أنه بعد ماأتحمل أمشي نروح للسحارة خلي سويلي صخام لطام لهذول أريد اجيبه للطريق بعد

ام ميامين /مو كتلج من زمان المن تعبتي نفسج وتخططين

ميامين /مالي خلكج يلا أمشي

دخلت للبيت مال السحارة المكان مقرف ويخوف وريحه تخنك والبيت قديم ومخصص بس لهاي الأعمال دخلتنه الغرفه صغيرة ومابيهه ضوة وشموع بكل مكان بالغرفه الحيطان عبارة عن طلاسم وكلام ممفهوم دم بالحايط التفتت وخترعت من إلي شفته جمجمه أنسان وينگط شي منهه أسود
تقززت نفسي بس لازم أسوي هيج شي

دخلت السحارة وكعدت

عمرها تقريباً خمسين سنه شعرها اشعث وبي شيب هواي عيونها كبار وتخوف نظرتهه حادة

سمعت صوتها تحجي بصوت خشن ويجي مثل الفحيح

__كولي شرايدة أسويلج وشنو قصتج

ميامين /شوفي انه اكو شخص اريدة يكون إلي بس مشكلتة هو يحب وحدة وهيه هم تحبه و بعد كم يوم ويخطبها اريدج تسويلي حل وتخلي يتركها ويجيني

__ بأبتسامة شريرة

شغلتج يرادلهه شوي تعب لازم بالبدايه نسوي عمل حتى نخرب علاقتهم ويتركها ونخلي يكرها وبعدهه نسوي واحد ثاني حتى أخلي يموت عليج ويكون محبس بيدج وانتي هم حاولي تقشمرينه بسوالفج بس ترى هذا الشغل يكلفج هواي

ميامين /عادي المهم مضبوط وشكد ما تردين أنطيج

__ ما مسموحلج دكولين شغل مضبوط الي داير مدايرج هسه يسمعونج ويعصبون ميقبلون أحد يهين شغلهم وأحتمال يئذوج

ميامين /بهل أثناء ما أحس اله صرخه وشي ظربني من ورى وصارت نسمه هوى حارة بوجهي

نداريت أباوع ماكو أحد بس الساحرة كبالي منو ضررربني! !