المجرم (كامله)

النهايه

#المجرم
#النهاية
_______________________________

سلطان بعدم تصديق:"يعني اي مش هينفع نكمل.'

صمتت فتحدث بحده :"ردي عليا يا جويريه يعني مش هينفع عايزه تسبيني بعد ما حبيتك دا انا اول مره احب في حياتي."

بدات تسيل دموعها بصمت فقال هو بحزن:"اكيد عايزه تسبيني بعد خطفك قولتي هقدر اعيش في الرعب، وانتي مش عارفه اني ممكن افديكي بروحي."

جويريه بدموع:"انا عارفه كل دا بس انا حقيقي مش هقدر اكمل كده سامحني مش هقدر اكمل في علاقه فيها قلق وتوتر مش هينفع اكمل في علاقه فيها رعب بالشكل دا، سلطان انا اول مره اعيش حاجه زي كده ومتتصورش اد اي انا كنت مرعوبه يوميها ومش عايزاه يحصل تاني.'

مسحت دموعها بكف يديها ثم نهضت وهي تقول:"انا اسفه يا سلطان ان شاء الله هتلاقي البنت المناسبه ليك."

"ثم تركته ينظر في اثرها بتنهيده صعبه وحزن"

********************

"كان يجلس ينتظر الباص حتي ينقله الي المكان الذي سيذهب له وهو ينظر امامه بشرود لاحظ شخص يجلس بجانبه نظر تجاه الشخص وجده جويريه تنظر له بتذمر"

سلطان باستغراب:"جوري بتعملي اي هنا؟."

جويريه:"هو انت ازاي كده ازاي بتستسلم بسهوله كده."

سلطان:"وضحي كلامك انا مش فاهم منك حاجه."

جويريه:"يعني لما لما قولتك مش هينفع نكمل ليه مش مسكت فيا ها؟."

سلطان بدهشه:"جوري انتي عبيطه ولا اي يعني سايباني وعايزاني امسك فيكي كمان،لا مش انا اللي اعمل كده."

ضربته في كتفه بغيظ ثم قالت:"انت بني ادم مستفز."

نظر لمكان ضربتها ببرود استفزها وقال:"انتي قد الضربه دي يعني؟."

جوري:"مش مستفز بس كمان بارد وغلس يا غلس."

سلطان ببرود:"يا جوري انا مش فاهم انتي جايه عايزه اي دلوقتي مني لو افهم بس."

جوري بحده:"انا عايزه انساك ومش عارفه."

سلطان:"خلاص محلوله انسيني."

جوري:"بس انا مش عارفه حاولت والله."

سلطان:"خلاص مش تنسيني."

جوري وهي تشد خصلات شعرها بغيظ منه وقالت:"عااااا
بص انا انا مش عايزه اعرفك تاني فاهم."

"ثم تركته ونظر في اثرها بذهول ثم ضحك بشده عليها"

***************************

وليد:"يعمي دلوقتي عايز افهم يعني سبتو بعض ولا لسه مكملين."

سلطان بهدوء:"احنا سبنا بعض بس مكملين."

صبري بعدم فهم:"ازاي دي يا سلطان منين مكملين ومنين منفصلين."

فؤاد:"هذا لغز سلطان وجويريه صعب تفهمه."