#Unicode
လွမ်းပုံပြင်...အပိုင်း(၁)
အတိတ်ပုံပြင်တွေက မလှပခဲ့ပေ
သို့သော် လွမ်းမောဖွယ်ရာအပြည့်။အချစ်တွေသည် အတိတ်တွေ၌
ကျန်ရစ်ခဲ့သော်လဲ
နှလုံးသားတွေသည် လတ်ဆတ်နေသေး၏။__________လွမ်းပုံပြင်__________
တောင်ပေါ်မြို့လေးတွင်ရှိသော
ခြံဝန်းကျယ်တစ်ခုအတွင်း၌
သစ်သားနှစ်ထပ်အိမ်လေးတစ်လုံးရယ်
နှင်းဆီပန်းခင်းကြီးရယ် ...။ခြံဝန်းကျယ်အတွင်းတွင်ရှိသော
သစ်သားအိမ်လေး၏ အိပ်ခန်းအတွင်း၌
3နှစ်အရွယ်ကလေးလေးတစ်ဦးရယ်
အသက်30အရွယ်အမျိုးသားတစ်ဦးရယ် ...။ထို့အတူနံရံပေါ်တွင်ဘောင်သွင်းထားသည့်
ဘုရားကျောင်းထဲ၌ လက်ထပ်ထားသောဓာတ်ပုံလေးရယ်
လွမ်းစရာအချို့ရယ် ...။
__________လွမ်းပုံပြင်__________နွေဦးရာသီမို့ မပူလွန်းမအိုက်သောအပူချိန်ဖြစ်သော်လဲ တောင်ပေါ်မြို့လေးမို့ လေထုကလတ်ဆတ်နေ၏။
ပတ်ဝန်းကျင်ကလဲ တိတ်ဆိတ်ငြိမ်သက် အေးချမ်းနေ၏။တိတ်ဆိတ်နေသောပတ်ဝန်းကျင်ဖြစ်သည့်အလျောက်
အေးချမ်းမှုကလဲ နေရာတိုင်းတွင်အပြည့်။တောင်ပေါ်မြို့လေးမို့ လေတဖြူးဖြူးတိုက်ခတ်နေသလို
သစ်ပင်များကလဲ စိမ်းစိုနေ၏။နှစ်ထပ်သစ်သားအိမ်လေး၏အပေါ်ထပ် အိပ်ခန်းထဲတွင် 3နှစ်အရွယ်ကလေးလေးတစ်ဦးကို အမျိုးသားတစ်ဦးက ရင်ခွင်ထဲတွင်ထည့်ထားကာ ဖက်အိပ်နေ၏။
မနက်ခင်းနေရောင်ခြည်နွေးနွေးလေးက မျက်နှာကိုဖြာကျလာသည်မို့ အိပ်ရာမှထရတော့မည်။ ရင်ခွင်ထဲမှာ ထည့်ဖက်ထားသည့် သားလေးနိုးမှာစိုး၍ ချော့မြူရင်းအိပ်ရာပေါ်ကထရသည်။
ရေချိုးခန်းထဲဝင်ကာ ကိုယ်လက်သန့်စင်ဆေးကြောပြီးတော့ မနက်စာပြင်ဆင်ရန် အောက်ထပ်ရှိမီးခိုခန်းသို့ဆင်းရသည်။
သားလေးနိုးလာရင် အဆင်သင့်စားရအောင် နွားနို့ပူပူလေးတစ်ခွက်ရယ် ပေါင်မုန့်အိအိလေးတစ်လုံးရယ် စားပွဲပေါ်တွင်ပြင်ပြီးနောက် သားလေးကိုသွားနှိုးရသည်။
YOU ARE READING
လွမ်းပုံပြင် [VOPE] || Short Story
Fanfictionလွမ်းပုံပြင်... အတိတ်ပုံပြင်တွေက မလှပခဲ့ပေ သို့သော် လွမ်းမောဖွယ်ရာအပြည့်။ အချစ်တွေသည် အတိတ်တွေ၌ ကျန်ရစ်ခဲ့သော်လဲ နှလုံးသားတွေသည် လတ်ဆတ်နေသေး၏။ [VOPE]