Dzisio Frida ni miala dobrej lałny. Wlajzła na swoji konto i se ustawiyla klara na "Nie nerwuj mie". Chciala se połoglondac jakigo piyknego filma.
Napisol do ni Alojz zas. Dziołcha miała na niego trocha z görki bo łon zacznył i wyliczać wiela krepli zeżarła.
Alojz: Witom Cie ty moj krepelku!
Frida: Jak mosz tak pisac to lepszy stond pitej bo ci zaroski ozukom.
Alozj: Wybocz.. durch żeś je na mje nawrano?
Frida: Ja! Bo giździe mi przeciepujesz wielach se krepli zeżarła. Jo ci nie licza wiela żeś ćwierciokow wychlastoł..
Alojz: Jerona dobre Frida ni nerwuj sie tak bo cie jeszcze chycom jaki
hercklekoty i bydzie tela.
Frida: Dobre teroski mje nie zawadzej bo byda film łoglondac.
Alojz: Jerucha a jaki?
Frida: "Hołdy majom ślypia" * nie zawadzej..
Alojz: Nie bydziesz sie boła?
Frida: A kaj tam.. najwyży sie zesrom w galoty i tela. Nie zawadzej bo zaroski Fater z gruby po szychcie przidzie i bydzie kozol mje łobiod warzyć.
Alojz: Łosz pierona ty bydziesz musiala łobiod warzyc a jo gnöj ciepać.. a pod wieczor bydymy gusioka zbijać. Hehe piyknie jak zejrza te wszyski bebechy to sie chyba zerzigom..
Frida: Alojz skoncz fandzolic i se tyż łobejrz jakigo filma.
Alojz: Ale jakigo?
Frida: Jerona tys je tako rzić w kraglu wiysz.. nie wiym.. "Pitać, yno kaj" * abo "Familok na pieruńskij kympce" * abo "W piochu a we krzokach" * abo jak żeś jeszcze nie widzioł to "Kaj leziesz" *. A tera dej mje pokoj.
Alojz: Dziynki Frida! My se przajymy pra?
Frida: Toc ze se przajymy ale dej mje pokoj.
Do swojigo dobra Alojz juz nie pisoł. Dopiyro na wieczör napisoł do Fridy i i połopowiadoł jako to tego gusioka zbijali i że musioł ze swojom Omom piyrzi szkubac.
Wiycie... lepszy nie liczcie swojim babom krepli bo jeszcze pierona trefisz nie na ta lałna i ci ozuko. Dobre to miyjcie sie!
*tak w tłumaczyniu tytuły tych filmow co Frida podowała
"Hołdy majom ślypia" - "Wzgórza mają oczy"
"Pitać yno kaj" - "Uciec ale dokąd"
"Familok na pieruńskij kympce" - "Dom na przeklętym wzgórzu"
"W piochu a we krzokach" - "W pustyni i w puszczy"
"Kaj leziesz" - "Quo vadis"
