Frida musiała dzisio wczas stanyć bo był pjontek a we pjontki zawsze je torg na kery Frida jezdzi.
Ostatnio jak leciała bez pole za kozom kero i pitła to se laczka o jakis pieroństwo roztargała i po chałupie łaziyła we fuzeklach. No. To se musiala kupic jaki lacze i miech kartofli.
Stanyła, przeczyła ślypia i poszła do ustympu. Wyblykła sie gryfnie. Koszula na knefle, keca i jakis piykne szczewiki. Gynał jak sie zchylyła żeby se rajtuza na kicie poprawic to i szczelył knefel przi cyckach.
- Niech mie pieron! - rykła.
No jaa.. Frida je fest cycatom babom i ni we wszyski koszule wlazuje. Nie srała sie z tym dziadostwym yno prziblykła se na wiyrch cwiter, zawżyła dźwiyrze i pojechała na kole na torg.
Dzisio jakos pieronsko miała pecha.. bo w drodze nazot i keta spadła. Ale łona je zaradno i se to naprawiyla.
Jak już przijechała du dom z tego usranego torgu to szła do chlywa kury wypuścić bo kokot dar już ryja od czwortej rano. Myslala ze jak tam zańdzie a go pucnie w łep to i jajco zniesie. I co? I jak wyłaziyła stamtönd to w kurziniec wlajzła. Smröd na cało chałupa.. tak to je jak sie mo pamiyńć z knefla i nie pouciyro sie tych obesranych pantoflöw jak sie wylejzie z chlywa.
Powyciyrała ta delowka kaj tyn kurziniec rozdeptała i stwierdziyła że wiynkszego pecha już nimoże miec. Poszla do swoji izby i odpolyła komputer żeby napisać do Alojza.
Wyswiytlyło i sie:
Windows xp
Professional Wersja Ślönsko i napis:
Czekej ino, zaroski sztartna...
- Nosz pierona gorzy chyba być nimoże! - zapieroniyła na cało chałupa i łobulyła sie na wyro.
Mogło być gorzy.. ledwo legła na te łöżko to tam fedra szczelyła.
Teroski wyro nadowało sie yno na hasiok.
Witom Was roztomili!
Powiym Wom żeście mie zaskoczyli.. jerona do tera sie spamiyntać nie umia! Ani żech nie słuchała farorza na kozaniu XD ( i tak, tak dżisto że aż w rzici szczypie)
Dobre no to myśla ze dzisio obowionzkowo wszyski Hanysy na obiod majom kluski, mordy szałot i rolada! To pojydzcie se yno sie nie przeżercie bo Was bydzie jeszcze puczyć!
To do zaś! Miyjcie sie!
Pamiyntej aby dziyń świynty obloć! :D
