Frida cołki dziyń była jakoś prziklupano. Morzyło jom bo w nocy nie umiała za bardzo usnyć. Cołki czas jakiś klakier i miałczoł pod łoknym. Myślała że jak tam zandzie a mu zapnie ze szlojdra to już mu sie odechce otwiyranio tej fonsatej mordy. Mierzło i sie i napisała do Alojza.
Frida: Witom cie Alojzku!
Alojz: Noż witom cie Fridko! Już żech se myśloł że mje nie przajesz.
Frida: A kaj tam! Przaja ci! Yno żech je słabo jak cwist.. Jeszcze bezmała mo do mje przijechać kuzynka.
Alojz: To chyba dobrze ni se śniom pogodosz.
Frida: Prosza cie Alojz! Wiysz jaki to je gizd pierönski! Ślypia mo zielöne choby jako szcziga, kichol choby kalmka łod zakrystie a kudły długi a czorne.
Alojz: Pierona a pyskato je?
Frida: Pyskato a smarkato! To je tako mało wsza! Loce to po cołki chałupie choby jaki podciep! Ostatnio jak sam była to starzikowi gybis wziyna i oddac nie chciala.. i se musioł Opa jechać odloć drugi..
Alojz: Ale to jako to? Z gymby mu to wytargała?!
Frida: Yhm.. Alojz.. we nocy jak starzik do szolki se go wsadziył to mu go gwizdła..
Alojz: Pieröński gizd rychtyk..
Frida: A by sie by yno w żadle przeglondała.. roz żech i padała nie przeglöndej sie tak bo ci dioboł sago rzic pokoże. Fyrlino jedna..
Alojz: To bydziesz miała rychtyk uciecha. Coś dzisio miała na obiod?
Frida: Jo miała grochöwka a ty?
Alojz: Jo mioł karbinadle, kartofle a marekwia. Ale żech nie pojod.
Frida: Czamu?
Alojz: Bo żech sie yno łobrociył a Zefel mje cołki obiod wtranżolył..
Frida: Kto?
Alojz: No Zefel möj pies.
Frida: Aha. Jo tam też żech se nie pojadła za dużo grochowki.
Alojz: Czamu? Baba mo żrać dużo bo chop jom musi mieć za co chycic.
Frida: Nimiałach szmaku. A ty co? Chop ślönski w barach szyroki w rzici wonski.
Alojz: Te ostatnio żech spodkoł swojigo kömpla Ecika i tyn padoł że mo tam jakoś nowo frela ale ponoć tako bachrato że nie umiała przelyś bez futra w dźwiyrzach!
Frida: Jerona! Rychtyk jakoś masara! Rzić mo pewnie jak londöndery a pysk jak miesionczek.
Alojz: Jo żech jom jeszcze nie widzioł wiync ci nie powiym ale na pewno ja. I padoł że jak sie jom klepnie a sie fala rozyndzie to kicholym i jeszcze potym 10 minut szkubie!
Frida: Toż to jakiś armatni miynso a ni człek..
Alozj: No godom ci.. skond łon też tako babica wyczas.. a teroski bezmała majom jechać nad morze..
Frida: To na łod ni konpielöwki chyba cało plandeka podzie..
Alojz: Jo nie wiym jako to bydzie.. dyć jak to nura do morza do to taki tsunami zaś bydzie że...
Frida: Jak bydom we telewizorowni godać to sie dowiymy. Tyż bych se kaj wyjechała na jaki Bajery.
Alozj: Jo tyż bych se chocioż dychnył od wszyskigo, bych se podychoł świyżym luftym. Ale nima kasiory..
Frida: No właśnie.. ale möj ujec zagroł w totolotka.. poszol do jakis heksy i ta mu pedziala 6 cyfrow i tyn je wyslol i rzykol dziyn a noc zeby cosik wygrac. Łon je rychtyk taki gupi ze to je nimożebne.. jakby za gupota placiyli to łon by fiurgoł nad naszom hołdom.. Nawet obiycoł Pon Boczkowi że na pielgrzimka pudzie do Czynstochowy.
Alojz: I co wygroł?
Frida: A ja prosza cie łon to je tako rzic w kraglu. Myślisz że jak łon sie nie umi od cycka odetnyć i durch z matkom miyszko to w totolotka wygro? Nie rob gańby.. Nawet Oma pedziała że jak łon sie wykludzi od mameczki to łona bydzie kołocz piykła.
Alozj: Szkoda godki..
Frida: Dobre Alojz ida bo jakoś mje łep boli i wogle ta mało wsza przijechała.
Alojz: Hehe łep boli rzić rośnie.. już mje sie to podobo.
Frida: Alojz ty se nasrosz w papiöry i bydziesz mioł tela. Stroć sie..
Alojz: Miyj sie Fridko!
Frida: Nie przichlybiej sie pieronie!
Witom Was piyknie po tej doś długi przerwie ale no coż.. miałach te usrane egzaminy i nimialach lałny pisać myśla ze mi wyboczycie :)
Miyjcie sie a ciście na dwör bo momy piykno pogoda! Klara sie łod rana sie do nas uśmiycho! :) To by było na tela.
