رواية : جبروت_ أبن _عمي
بقلمي : بتول أبو الليل
مهم " ⚠️ تصوويت + تعليق بين الفقرات متابعة لحسابي فضلاً user84505518
اليَصير مرايتك يندلحِسّرتك وين
يعرف ويـنَ بيك مچودرة الوجعه
- علي رشَم
◎❵══─━━──═∞═──━━─══❴◎
بقيت اباوع لثائر منتظره يجاوبني او ينطيني كلمة تريح بالي سحب نفس قوي وكال
ثائر : تكونين كد كلامج؟
_شلون يعني
ثائر : قصدي واضح يعني اكون اني الأولوية بحياتج محد غيري لا تفكرين باحد ولا تصرفين أي تصرف من ورا ظهري ولا حتئ كلمة تحچين واني مالي علم بيها
_من يوم تزوجنه اني ما فكرت باحد غيرك بعد
ثائر : ورود لا تحفرين الكلام انطيني كلمة واضحه
كعدت علئ حيلي واني انظرله شغل الضوه وبقه يباوعلي بهدوء
_ اوعدك من ليوم مراح تسمع شيء يخص وسام ولاراح احب شخص غيرك راح تكون انتَ الاولويه بحياتي راح اصير انسانه ثانيه واخليك تحبني واقدملك كلشي تحبه
ابتسم من حچيت هيچ لزم ايدي وبقى مركز داخل عيوني سحب نفس قوي وكال
ثائر : لو من الاول متفاهمين وما مخليتني شايل بگلبي عليچ
_ثائر خليني اشرحلك كلشي صاار فدوة واسمع مني
خله ايده علئ حلكي سحبني من ايدي خلاني بحضنه لف ايده علئ بطني نزل راسه قريب من ركبتي وهمس
ثائر : اشششش كافي خلص ماريد اسمع شيء مو قبل دقايق گلتي ما اذكر اسمه ولا احچي بهل موضوع مره ثانيه
رفعت راسي اباوعله مديت ايدي خليتها علئ خده احركها بهدوء
_خلص تمام مراح احچي شيء
ابتسم دنك راسه حرك خشمه علئ خشمي غمضت عيوني بتوتر بلع ريكه ابتعد عني شويه وسحب جكاره استغربت شبي بثواني تغير
_شبيك
ثائر : ماكو شي اريد جكاره
_بعدك ضايج مني
ثائر : كُل ما اكون وياج واتقربلج تجي بالي حجايتج من گلتي ما احب ثائر مادري ليش ما راحت من بالي ولحد الان بگلبي تلعب
_مو كلنه نفتح صفحة جديده ونعوف الموضوع
سحب نفس من الجكاره سحبني لحضنه خله راسي علئ صدره بقه يمشي ايده بخصلات شعري
ثائر : بعدج ما تعرفين ثائر روحي حيل عزيزه ومن تكش نفسي من شيء لو شيصير ما اكدر ارجع عليها بس انتِ غير اريدج بحياتي وما ريدج حرت وياج وعيونچ خربطت كُل اوضاعي
