رواية : جبروت _أبن_ عمي
بقلمي : بتول أبو الليل
مهم " ⚠️ تصووويت + تعليق بين الفقرات متابعة لحسابي user84505518
يبن الناس غيرك ماكو موضوع
وهلبت بالجذب شخصك ذكرنه
_جبار رشيد
◎❵══─━━──═∞═──━━─══❴◎
جلال "
رجعنه من اهل دنو صعدت لغرفتي ارتاح شويه بدلت ونزلت حته اتعشه ويه امي وخواتي
لگيت العشه جاهز كعدنه تعشينه سويه خلصنه ورحنه كعدنه بالصاله سويه صارت ساعه بـ 10 تقريبا اندك الباب وراحت كرستينا تفتح شويه ودخل ثائر هوه ورود
متغيره ورود بس هل تغيير محليها اكثرر وبطنها مبين سلمو علينه وكعدو ويانه اول ماكعدو امي استلمت ورود وبقت تحجي عليها
حاول ثائر يسكت امي بس امي مقبلت وبقت تحجي علئ ورود وتسألها ليش طلعت من البيت بدون علم احد
صارت ورود تحجي ودمعه بطرف عينها كلش انقهرت عليها هل بنيه خلصت ايامها بهل بيت كله بچي وقهرر عافتنه وصعدت للغرفه وهيه تمسح بدموعها باوع ثاائر علئ امي وكال
ثائر : لخاااطر الله ليشش سويتي هيج اني ماصدكت حليت المشكله تردين نرجع من جديد
صبا : هسه اني شگلت بس سالتها لو تخاف علئ مشاعر الست تنجرح ما تتحمل عيوني
ثائر : شنوو مشاعر الست ييييمه شبيج اذا ناسيه هاي مرتي وماسمح لاي شخص يحچي عنها لاعبالكم اخرر فترا ضربتها وصارت بينه مشاكل ترا احبها وماسمح لشخص يمسها بحجايه مفهوم
صبا : علئ كيفك اكلتني وبلعتني والله بعد وبعد تعال اخذلك راجدي مني فدمره كُل هذا لان فتحت حلكي وسألتها
ثائر : استغفرلله ياربي يوم انتِ تعرفيني كلش زين شكدد احبچ واحترمج ولاعبالج اني افضل مرتي عليج بس انتٍ هم كوني عادله وياها تراها ما غلطت
بشيء اني لغلطان هناا واذا عندج كلام وجهي الي مو الهاا
دارت امي وجهه من ثائر وهيه ضايجه ما حچت شيء بعد كام من مكانه وكعد يمها وباس راسها
ثائر : اني اسف لان عليت صـوتي عليج بس اذا تحبيني من اليوم غيري اسلوبج ويه ورود اذا تحبيني لخاطري اني مو لخاطر احد
صبا : أي خوش
ثائر : مزعلانه مني؟ ؟
