صلوا على النبي صلى الله عليه وسلم 💙 🦋
دخلت حياتي فجأة، لخبطت حياتى، وفكرت ساعتها انى اعرفك، بس إلا حصل اثبتلى اني معرفكش، كونت دايما تقول انا دخلت حياتك علشان أحسنها؛ دخلت حياتك علشان نفضل سوي ونكمل سوى، وعدت بوعود مش قداها ليه...
فى لحظة دخلت حياتي بنيت لنفسك مكان فى قلبى، وفى لحظة بردوا خرجت ولا كأنك دخلت، كونت مفكره انى اعرفك؛ وانى فهماك؛ وانك مختلف عن أي حد، عطيتك مكان عمرى ما عطيته لحد، اديتك قلبي الا اتمنيت سنين انك تحصل عليه؛ بس عارف اتأكدت ان كل كلامك كان كذب، حتى حبك كان كذب، وعدك كان كذب، كل حاجة حصلت كانت كذب..
كل ما انسى ترجع تفكرني بيكي، ومش راجع ندمان او زعلان على الا حصل لا، دا انت راجع بكل برود تقولى كل شيئ انتهى؛ ومفكر ايه اني هقولك لا والنبي اوعى تمشى، خليك معايا، خليك سندي وظهرى، مش هقدر اعيش من غيرك، بس خليني اقولك حاجة انك خرجت من قلبي فى نفس اللحظة الا دخلت فيها، صح هتعب شوية بس مش علشان حبيتك لا، علشان اديتك ثقة وأمان واديتك مكانة الأب؛ ايوااا اديتك مكانة الاب الا مهما حصل مستحيل يتخلى عن بينته؛ بس زي ما قدرت ادخلك قلبي و احطك فى مكانة بعيدة عن الكل، زي ما خلتنى اتخيل حياتنا سوي، زى ما خلتني ادخلك في قلبي الا مقدرش حد يدخله غيرك؛ اقدر بكل سهولة اخرجك..
اوعى تفكر ان الانسان بيعيش على الماضى؛ لا ابدا الإنسان دايما بيرمي اي حد كان سبب بس فى حزن اتخلق جواه، فى دمعه نزلت من عيونه؛ وكمان انت متستهلش ازعل عليك،
فكرني هبكي واقوله اقعد خليك، لا تبقى اكبر مغفل..
بس عارف مش ندمانه على حاجة، غير سمحت لشخص ميستهل انه يدخل حياتي، شخص اناني وظالم مش بيحب غير نفسه؛ شخص كذاب مفكر نفسه ملاك، شخص ميستهلش ثقة اي مخلوق فيه حتى اهله...
وخليك فاكر اني هنساك، دا لو مكنش اوردي نسيتك وخرجت برا حياتي، لأنك والحمدلله متستهلنيش لاني جوهرة والجوهرة للملوك بس، مش اي شخص يمتلكها، دايما واثقه في ربنا، لأن مهما كان الا بيحصل فى حياتى خير ليا.. 💙 🦋
emoo ✨
