أوجس القلب فزعا
بقلم: غرور العراق
انه المَحد عُرف وَضعه
صوتي مَن التعَب
محَد يگدر يسَمعه
عَيني صارت عَين مَيت
طَفن،بعَد مابيهَا اي لمّعه
ويسألني الما دره بحَالي
دمِعتك تنزل بسرعه
.......
بأحد القصور الفخمة في أحد أرياف الحلة بتصاميمة الزاهية التي تشبه الگنائس الي يشوفة من الخارج
يتمنى يعيش بداخلة لكن الوضع يختلف بالنسبة لعايش بداخلة فهو گالسجين يتمنى التحرر منه
عادات وتقاليد وسناين ما أنزل به من گتاب تحگمنة فرضه سيد سلمان وطبقه علينا والي يخالف يتبرة منه
طبعا هذا الگلام يطبق على ولد العائلة أحنه گـ بنات مالنة رائي أصلا ولا بشي
نحرمنة من ابسط حقوقنة الي هي دراسة الان صوت البنية عورة وطلعته خارج البيت واجنبي يطل النظر بيه
حرام وزيارة لاقارب ماكو خاف يصير تلامس بالمشاعر او نظرات لا سامح الله وهل شي حرام بنظر السيد
و اهم فقرة زواج السيد من عامية غير مقبول ولا العلوية تاخذ عامي الازم سادة هذا أگثر
قرار تعسفي بحقنة وهواي غيره بس هاي جانت ابسط شي
اليوم ألعلوية مدري شعجب كالت أخذج وياي لسوك تشترين ملابس
الان على أبواب محرم ونسوي مجلس كل سنة بيتنة وناس تجينة بالاظافة الخدمة بالمواكب
بس هي جانت تروح تسوك ويا واحد من أخواني النا كلنة اني وجناين وهل مرة مغيرة رائيه يمكن
الان أبوية مو هنا بالعمرة قبل فترة سافر.. أمانة گيفت عيد والعباس جابة
طلعت أتعثر بعباتي ورافعة البوشية فوك راسي أمشي ورة أمي باوعلنة بتفحص من فوك ليجوة: نمشي يمة
عظيم: هاي بتج هيج تروح
فكيت حلگي لابسة مستور وگش ما طالع مني يعني شيريد الا البس بطانية بعد ماكو غيرهة
ضيقت عيونه وحجت بستفهام: شبيه
عظيم: شني هاي عباته جنه دشداشة بابة البسي شي مستور هاي مفصلتج تفصال
هيلة: على گيفك يمة لبسه مستور وهاي عباة الشابات جا شتريدهة تلبس مثل عباتي
عظيم: لا لا مممنوع بس انتي ترحين وانتي ارجعي وصي امج اجيب لج
سگيت سنوني بعصبية: اييي كول هيج ما تريد تاخذني لا تكعد ادور حجج
فتح الباب لامي وأشر له تصعد متجاهل وجودي من يوم يومة نحس بقيت وأگفة مگاني حجت ماما بحنيه
أنت تقرأ
أوجس القلب فزعأ
ChickLitاسرار لاتعرف للنور طريق خبث و ونظرات تتبع الاخطاء طفلة هربت من رماد الوطن لاحضان الايمان حب نبع من خلف تلك الجدران مايقف بينهم هو اختلاف الافكار وتباين النضج و صفات الكمال لاينبت الحب من داخل التفرقة و النقص لا يكمل الانسان دون ام و عائلة ل...
