أوجس القلب فزعأ

part 35

-35-
البارت ماقبـل الاخيـر

Instagram:- mc. al_22

الكـاتبة:-غـرور العــراق

لا تنسـون تصـويـت والتعليـق البـارت طـويل تفـاعلو
------------------------------------------------

رجلية ما تعينـي مشيـت خطـوات متعثـرة
وأني أركض ورة عظيم شايلـهة بحضنـة وهي جثـه هـامـدة

كل عقـلي صـار عـد أخـوية اليـاس مستحيـل ميتحمل فقـدان مـرة ثـانيـة

هـوة باليـاويل أتخطـة مـوت زوجتـة ورد وكمل وهو يـداري لهفتـة وحـزنة وكـرس حياتة لمشكان

الجـان يشـوف بيها أمهـة.. هستوهـة الدنيـا ضحكتـلة وتعـوض بسـوزان اذا خسـرها ميتحمـل بعـد ينتهـي
ويلـي على حظـك اليـاس اخـخ

دخلـنة لطـوارى وأخذوهـة من أيـد عظيم ماكـدريت أتحمـل بشـاعة المنظـر حيلـي نهـد

كعـدت أبجي بحـركة بالكاع وأجـة عظيـم كومنـي طلعنـة أنتظرناهم بالاستشـارية

رفعـت راسـي بخنـكة أشهـك وعظيم لازمنـي لا أوكـع
تيهـت أيدة وكعـدت بالكاع

اريـد أخذ نفس مخنوكة حطيت أدية على وجهي أفـرك بعيـوني وراسي اليـوجعني

وعظيـم يفتـر حايـر يجـي منا يروح منا وكـل شوي يكـول أخابر الياس لـو أنتظـر الدكتور

ونشـوف شنـو وضع البنيـة.. هزيتـلة راسـي بـمعنى "ايـي"

بعـدين طلـع الدكتـور كـال عـدهة عـدهة كسـر بيدها اليسـرة
وتمـزق بالكتف...ورجلـهة هم متضـررة بعـدين أخذولهـة أشعـة لجسـم كلة والدكتـور

جـان شـاك يكـون عـده نزيف داخلي بس الحمدلله ماكو شي

شـوية ودخلـو أهلي كلـهم فـازعين ورانـة لمستشفى مـاما وبابا وابراهيم وبيت عمـو ابو جعفـر

هو وولـدة ساهر  ودغفـل وأيمن وخالتـي هم جايـة وياهـم وحتى طيبة مالي حيل أحجي شي ولا أكـوم

وبالي ضـل يم مشكان وجهـالي عفتـهم بالبيـت وأجيت لمستشفى حـافي وبجادر الصلاة مالحكت البس عباتي

ولا أفكـر بشي حتى ماضل براسي فكـر... حضنتني طيبة مفرفحـة وتبجـي ويمكن طيبة

جانت أكثـر وحـدة منهـارة عليها.. سوزي صديقتها من أسنين من قبل لا تتزوج الياس

كـوة سكتهـة دغفل... سالنـي بابا عن سوزي شلون وكعت

المنظـر ما يروح من بالي.. جنت دا اريـد أصلي الغـروب وكتله تعاي نصلي

كالت تعبانة ترتاح وتنـزل تصلي حتـى لو ورة العشـة وبعدين هيج ثـواني

توهـة صعـدت وسمعـت صوت صرختها من فـوك
كطعت صـلاتي وركضت أشوفهـة