// Unicode //
~~~~~~~~~~
အတာသင်္ကြန် အကျနေ့ ။
ဒီသင်္ကြန်ရက်များမှာ ရယ်စရာနဲ့ စားစရာ..
ပျော်ပျော်ပါးပါးအားပေးလိုက်ကြစို့ လာပါမိတ်ဆွေကြီး
စေတနာနဲ့ကျွေးတာ ခင်မင်ရင်တော့စားပါ
ကံထူးတဲ့တစ်ယောက်တော့ထိမဲ့ ကျီစယ်တဲ့ငရုတ်သီး !
သီချင်းလိုက်ဆိုရင်း ခုန်ပေါက်နေကြတဲ့ ကလေးငယ်တွေ။ ရေသေနတ်နဲ့ ခွက်တွေကိုယ်စီကိုင်ပြီး ပျော်ပါးနေကြသည်။
ထိုကလေးတစ်သိုက်ဟာ အနားကိုရောက်လာကြ၏။ ရေလောင်းချင်တဲ့ ချာတိတ်တွေမှီအောင် ခါးကိုင်းပေးလိုက်တော့ သကောင့်လေးများက ခေါင်းကနေစလောင်းလေသည်။
" ကိုကြီးသွေးသစ် "
" ဟေ "
" မုန့်လုံးရေပေါ် "
ကလေးပေါက်စကခွံ့ကျွေးတော့ သွေးသစ် ပါးစပ်ဟပေးကာ အရသာခံစားလိုက်၏။ စားပြီး မျက်နှာကိုရှူံ့မဲ့ရင်း..
" ကောင်းလဲမကောင်းဘူး "
" ကိုကြီးဇေယျ လုပ်ထားတာလေ "
ကိုကြီးဇေယျ... ဟင်.. အကိုပေါ့..။ အကိုရှိတယ်ပေါ့။ ညီမက သင်္ကြန်ကားနဲ့ပါသွားတော့ ညီမကိုသည်းသည်းလှုပ်တဲ့အကိုလည်း လိုက်သွားမယ်ထင်တာ။
" မဏ္ဍပ်ထဲမှာ ကိုကြီးဇေယျရှိလား "
" ရှိတယ် မုန့်လုံးရေပေါ်လုံးနေတာ.. "
ချာတိတ်ရဲ့အဖြေအဆုံးမှာ သွေးသစ် ပြုံး၏။
" ခဏနေဦး "
အိမ်ပေါ်အပြေးအလွှားတက်ပြီး ဖောင်တိန်တစ်ချောင်းရှာသည်။ ပြီးနောက် အမေခူးထားတဲ့ ပိတောက်ခက်တွေထဲက စိမ်းစိုနေတဲ့အရွက်တစ်ရွက်ကိုယူလိုက်၏။
" ချစ်တယ် အကို "
ပိတောက်ရွက်ပေါ်က စာလုံးဝိုင်းဝိုင်းတွေကိုကြည့်ပြီး သွေးသစ် အပြုံးတွေကိုမရပ်တန့်နိုင်ပေ။ အမေ့ပန်းတွေထဲက ပိတောက်ပန်းလေး ခပ်သေးသေးတစ်ခက်ကိုယူပြီး မြောက်ကြွကြွထွက်လာတဲ့သူ့ကို ချာတိတ်တစ်သိုက်က ရပ်စောင့်နေကြ၏။
" ဒါ ကိုကြီးဇေယျကိုသွားပေးပေး "
" ပစ်ပေးရမှာလား ကိုကြီး "
YOU ARE READING
ပိတောက်တစ်ခက် ချစ်တစ်သက်တာ { Completed }
Short Storyနောင်နှစ်နွေမှာတော့ နှလုံးသားထဲ ပိတောက်ပန်းတွေပွင့်စေချင်တယ်။ ချစ်ခြင်းတရားကို ကျွန်တော်အပြည့်အဝခံစားပါရစေလား ခင်ဗျားရယ်...။
