لست رقيقة

٤

عيونها كانت زي الغابة المستحيل تدخلها من غير إحتياط لازم تكون مسلح بكل انواع الاسلحة ويدها في يدي حسيت انو دي نهايه العالم ولما سحبت يدها حسيت اني مخنوق وما قادر اتنفس وقدر ماتتكلم كلامها كان بدخل قلبي طوالي وبحس بي أثره كزيادة في الضربات 

كيف أنا ما قدرت أشوفها طول السنه الفاتت دي معقول بت تعمل فيني أنا كده مستحيل ، احسن حاجه اني ما افكر فيها كتير او احسن اني ما افكر خالص واحسن اشوف لي برنامج اتلهي بيه والحمدلله دقة الباب دي رحمه لي اشوف منو الجاني إنقاذ ده 

_نسرين ؟!!! 

_اي نسرين ياهاشم وين انت مختفي 

_مامختفي ولا حاجه قاعد ، وانتو مؤجزين 

_يعني لو عايز تلاقيني ح يغلبك ولا بس امور منك 

_نسرين كدي ادخلي بدل يشوفك زول في السلم يعمل موضوع وانا ما ناقص

_المهم أنا عندي مادة شايلاها وعايزاك تراجعها لي 

_وشلتيها كيف دي وبتين بتشيلي مواد دي جديده دي 

_إنت السبب 

_ههههههههه لابالله ده اهمال منك يادكتوره 

_عاين انا ما عايزه معاك أمور المهم انا كل يوم ح اجيك تراجعها لي بما انك مابتحب تمش معاي الاماكن العامه او حتي مكتبه الجامعه 

_يعني الموضوع ح يلف يلف يجي للنقطه دي 

_لا النقطه دي لا الغيرها ، وانت السبب لانو اليوم داك انا ماقدرت احصل الامتحان ولما حصلت الامتحان وقعت دايخه في القاعه

_خلاص يازوله ماتنفعلي مش الماده دي تلاته ايام وبظبطها ليك يامريم 

_مريم دي منو 

_ماعارف والله 

_كيف ما عارف وصلت للدرجه دي ياهاشم 

_شنو هي يانسرين الوصلت للدرجه دي والله زله لسان ما اكتر

_زلة لسان كيف وانت بتقول مريم والاسم ده ماعنده علاقه بين بي اسمي 

_مريم دي بت شغاله في العماره هنا بتجي تشيل هدومي للغسيل امكن جاات علي لساني لانو الصباح جات 

_اي شفتها مره بس كان اسمها عائشه 

_لا ديك طولت ما جات 

_عارف ياهاشم لو يوم بالغلط عرفت انك بتخوني بحصل شنو 

_لا ما عارف وريني 

_بقتلك 

_هههههههه لا خوفتيني يالبتكوني تحتي زي بت الليون ما حاسه بي حاجه 

_ده شي وداك شي تاني 

_شوفي اسمعي كلامي ده هنا كويس تهديد أنا ما عايز وانا راجل أعمل الانا عايزه وانتي عبده تحتي