رحيق قلم

••مش هقدر••

وقفت امام قبره بثوبها الاسود وقد بدات عيناها تلمع بـ الدموع الي ان اصبحت تهطل بغزارة وهي تقول:

اهو بضحك وبهزر بقيت البنت القوية إلي عندها كبرياء يخليها  متعيطش ولا تضعف قدام اي حد، وفي الأخر ايه، ولا حاجه، ولا حاجه، بقيت زي ما انت عايز لدرجة ان محدش بيقدر يعرف اذا كنت بهزر بجد ولا بمثل، شوفت بقيت بعرف امثل
تعرف أني لسه فاكرة اخر يوم، ساعتها سبتني ومشيت وتاني يوم يجي صحبك يديني جواب ويقولي، مات، أخوكي مات، ضهرك وسندك مات، روحك إلي بتتنفسيها، ماتت، مات وسابك لوحدك، وتيجي انت بكل قسوة تقولي متزعليش ياست البنات دا انا بقيت شهيد، متبكيش دي دموعك عندي اغلى من الماس،... حاولت، حاولت ومقدرتش
مش قادرة أكمل، مش قادرة أكمل تمثيل تعبت، د دا صحبك إلي اسمه راجل فضل شهور حزين ومابيتكلمش، طب دا صحبك وانا ألي بنت والمفروض اني اختك أعمل ايه، سامحني مش هقدر أكمل........