جاكم الجزء الثاني .. طبعا كتابة القصه مع تعاون مع صاحبتي الي لها جزء كبير في احداث القصة
اتمنى يعجبكم الجزء و لا يوقف الدعم ياحلوين
\
يوم الاحد بداية اسبوع جديد
ما تصحى من النوم يوم الا و يومها مخطط له و ناذر تتغير الخطه او تجلس بدون خطه او هدف .. في بالها بتروح الجامعه و بعدها بتمر الصالون تسوي تنظيف بشرة و منيكير و بديكير .. وبعدها بتلقتي مع البنات بس ما حددو متى ووين، هذي خطتها بختصار لليوم و بالنسبة الى ميرال هذا هو تعريف الحياة و الجدول المزحوم
بعد ما جهزت للجامعه و جهزت للطلعه طلعت من غرفتها و هي لابسه العبايه و الشنطة بيدها و كانت منشغله بالجوال و هي تقرأ رؤس العناوين و الاشعارات بشكل سريع
زيد الي توه جاي من سهرته و قالب نومه - صباح الخير على وين ؟
ميرال - صباح النور .. على ووووويين ؟؟؟ الجامعه يعني وين ! ولا مين بيصحى من الصبح عشان يطلع !
زيد - هههههههههه يا حلو تناقضك بصراحه .. يعني انا ما عاد افرق متى تصحين للجامعه ولا متى تطلعين مع صاحباتك "وقلدها بدلع"
ميرال - يا بياختك من على ذا الصبح !
زيد - شكلها كلاسات ثقيله ولا كان تقبلتي مزحي .. اما انا واصل معي مستوى التعب و النعس الى اعلى المراحل ..
ميرال تنهدت - ايه والله صادق بس ما اقول غير الله يرزقنا ذا التعب
زيد - يعني فوق ما انا منتف بصير محسود ! شلون ياخي
ميرال و هي تضحك - نبي الاجازه لا غير .. في وش اللي بحسدك ههههههههههه
زيد ابتسم - الله يرزقك ، يالله ميمي ما عاد اشوف من التعب صدق بطيح عليك
ميرال - يعني وش مقصر معك اسمي يوم تقول ميمي !
زيد و هو يدخل لغرفته ضحك و غمز لها بعناد - عاجبني ميمي وش عندك انتي !
ميرال ابتسمت و نزلت لتحت ، كالعاده امها مجهزه لهم فطور - ياسلام ياماما .. صباح الخير
ام خالد - صباح الخير ماما .. يالله تعالي حبيبتي
ميرال و هي تتوجه لركن القهوة - احتاج الجرعه بالاول
ام خالد - بسكم في هل قهوة .. محد بيمرضكم غيرها
ميرال و هي تكب القهوه الامريكية السودا في الكوب الحراري - انتي دايم كذا معنا .. يعني تعطينا محاضرات عليها و انتي اكثر وحده تشربها !
YOU ARE READING
كنت اظنك غيث .. يا كذب السحاب
General Fictionحينما يفرض الحب نفسه على مساحات واسعه من قلوبنا رغما عنا .. لا نجد حياله او أي مقاومه فنتركه يتغلغل في داخلنا ويستوطن أعماقنا كما اراد ويلعب بالمشاعر كيفما شاء
