بطلة القصة هي ميرال و راح تدور احداث الروايه كلها عنها و عن الي حولها و عن الي صار معها "ميرال شخصيه حقيقة"
اتمنى دعمكم ..
\
علياء و هي تسمع في نبرتها عدم التصديق - ايه والله قال خلها تجي يوم الاحد الصبح بدري عشان المقابله
ليان الي مو مصدقه في وين توسطت لها في شركة ولا تحلم انها تتوظف فيها لا و فيه مقابله بذي السهولة - انتي متأكدة؟
علياء ضحكت - ايه والله عبدالرحمن بنفسه كلمه و قاله خليها تجي .. يالله ليون عاد مهمتك تبهريهم في قدراتك
ليان - والله يا علياء مو مصدقه و مدري شلون اشكرك انتي و عبدالرحمن جميلكم كثيره علي والله
علياء- اشكرينا بعد ما تتوظفين رسمي مو الحين
ليان - تم والله تم
علياء وهي تنقل كلام عبدالرحمن الي فهم ان ليان مو مصدقة قال يضحكهم شوي - عبدالرحمن يقولك لما تتوظفي يبيك تتوسطين له يبي يشتغل معكم
ليان ضحكت - واسطته اقوى
-------------------------------------------------
كانوا البنات طالعين يتغذون بعد الجامعه و هذا شي ناذر لجماعتهم في ذا الوقت
جوري و ميس مع بعض في جامعه حكومية بس ما يلتقون كثير لان تخصصاتهم مختلفه و كلاساتهم تعارض بعض كثير
لينا و ميرال في نفس الجامعه بس كلاساتهم مختلفة و قليل يلتقون
و رغد تدرس في كلية مختلفه ..
لينا : تدرس هندسة معمارية بحب و شغف .. تعتبر عاقله كثير و عقليتها متفتحه كثير و متفهمه و متواضعه مره .. تعتبر هي الي رابطه الصديقات في بعض .. هي اكثر وحده يلجأون لها بالمشاكل مهما كانت .. تعتبر قريبه منهم كلهم كثير
ابوها معه خير كثير و دايم يسافر بسبب شغله .. امها متوفيه و ابوها تزوج بعد وفاة امها و هي بعد وفاة امها مالها غير ابوها و اخوها "وليد" و هي عايشه في قصر للاسف كبير كثير عليها .. حياتها مش بيرفكت و هي تحس بالوحده دايم حولها على الرغم ان معهم خير يغنيها بس ما يسعدها ..
رغد : بسبب تهورها و تمردها فشلت في دراستها و هي بالثانوي و لطيشها و صغر سنها و تفكيرها و لان ظروف عائلتها الماديه محدودة ما كان عندها خيار غير انها تدرس بالشي المتاح قدامها و انقبلت في كلية التقنية و راح نتعرف عليها اكثر مع الاحداث ..
YOU ARE READING
كنت اظنك غيث .. يا كذب السحاب
General Fictionحينما يفرض الحب نفسه على مساحات واسعه من قلوبنا رغما عنا .. لا نجد حياله او أي مقاومه فنتركه يتغلغل في داخلنا ويستوطن أعماقنا كما اراد ويلعب بالمشاعر كيفما شاء
