نلتقي في كل ود ومحبه..
في روايتي الثالثه (٣)
بعنوان "كنت اظنك غيث يا كذب السحاب"
و بالنسبة للرواية (شفت الحياة في عيونها ) راح تكتمل بعد فترة و تنزل كامله .. اتمنى دعمكم و حبكم مثل ما تعودت عليه في روايتي الجديدة
\
"حينما يفرض الحب نفسه على مساحات واسعه من قلوبنا رغما عنا .. لا نجد حياله او أي مقاومه فنتركه يتغلغل في داخلنا ويستوطن أعماقنا كما اراد ويلعب بالمشاعر كيفما شاء .."
هذي قصتي بإختصار.. ان شاءالله تعجبكم
\
نرجع بالزمن قبل ٣ سنوات (2015 )
كانت متحمسه وحماسها يفوق كل شيء في هذي اللحظه .. اخيراً تخرجت ميرال من الثانويه و بتبدأ تحقق احلامها حلم ورا حلم .. و اولهم راح تسافر عشان تكمل دراستها في بريطانيا مثل ما وعدها والدها قبل ما تتخرج و اوفى بوعده لها
ام خالد - يا ماما يا حبيبتي ما يصير ما تاخذين معك شي .. شلون بتدبرين وضعك اول ما توصلين
ميرال - ياقلبي كل شي عندنا موجود عندهم و و احسن بعد .. ماله داعي ازحم نفسي مثل كل سفره و بالنهايه تذكري شلون نكتشف ان منتجاتهم احسن و افضل من منتجاتنا لما نسافر ! تذكرين ولا لا
ام خالد بالخوف الطبيعي و القلق الي يجي الى اي ام في مكانها في هذي اللحظة - حتى لو .. تدبرين نفسك في ذي الاغراض حق اول اسبوع .. مفروض تروحين و ترتاحين و بعدين ترتبين الوضع و تشترين النواقص .. وانا امك و اعرفك زين ما راح تنشرين على طول و تعرفين ما ابي اقلق عليك و انتي في غربة
ميرال عشان خاطرها وافقت ولا هي تدري ان امها زعلانه و متأثره كثير من ذي السفره - طيب الي يريحك يا قلبي
ام خالد - احس المفروض ما اتركك تروحين بروحك لازم اجي ارتب معك الوضع الله يسامحك يا بو خالد ليه ما طلع لي فيزة
ميرال - مامااا يا حبيبتي يا روحي انتي .. معي صاحباتي .. اتركيهم كلهم عنك بس المهم معي لينا
ام خالد - ايه عشان ارتب وضعكم كلكم.. ما جيتي تنقذي وضعك الا في لينا ! و انتو كل وحده دلوعة اكثر من الثانيه
ميرال ضحكت لان فعلاً ! هي دلوعة ابوها و صديقتها معها فلوس تقدر تدفع للرايح و الجاي عشان يرتبون لها كل شي بدون تعب ولا تحرك ساكن ..
YOU ARE READING
كنت اظنك غيث .. يا كذب السحاب
General Fictionحينما يفرض الحب نفسه على مساحات واسعه من قلوبنا رغما عنا .. لا نجد حياله او أي مقاومه فنتركه يتغلغل في داخلنا ويستوطن أعماقنا كما اراد ويلعب بالمشاعر كيفما شاء
