لطفاً ضع نجمه⭐
أتعب وأنا أشرّح لك جمال الشعور,لما أحط عيني بعينك ونبتسم "
.
صبااح يوم جديد..
في قصر ماذكرناه من قبل
.... : فهود بتودينا المول
فهد: مو وقتك وبعدين وش عندكم بالمول هالحزه
ضي: باليز طلبتك تكفى
ليان: ترى تكفى تهز رجاجيل
فهد : خلاص يلا كسرتوا خاطري قوموا البسو.... ووداهم المول
،
في المطار
كنان: متى بتوصل ان شاء الله.... والله من زمان عنك 4 سنوات مانشوفك ياخوي اشتقنالك
...... :والله وانتو أكثر.. كذا تقريبا ربع ساعه واوصل
كنان: توصل بالسلامه
بعد مرور ربع ساعه
كنان وهو يتكلم بالجوال: وينك انت ما اشوفك
.... : انت اللي وينك
كنان شرح له المكان اللي هو فيه
.....: جاي
كنان يرفع يده يأشر: طالعني ترا رافع يدي
.... : ايه شفتك ومن الفرحه سكر على وجهه
وراح لـ عنده
كنان وهو يحضنه بقوه حس ان ضلوعه بتتكسر
كنان والعبره خانقته: عزوز والله لك وحشه
عبدالعزيز وعيونه مليانه دموع: والله وكبرت وصرت رجال
كنان : اي أجل تبغاني أضل بزر
عبدالعزيز: اقول لا تكثر هرج يلا امش نروح الفندق متحمس اشوفهم
كنان: يلا مشينا
وصلو الفندق وكنان دخل لوحده جناح الشياب لقاهم متجمعين
كنان بحزن: يبه في موضوع ابي اكلمكم فيه
ابو كنان: خير وانا ابوك ايش فيه وجهك كذا
كنان وهو خارج : دقيقه بناديهم كلهم... وخرج
تجمع الكل بجناح الشياب
كنان وعيونه بدأت تدمع: الموضوع يخص عبدالعزيز اخوي
ام كنان بخوف: وش فيه ولدي
كنان: الحين جاني اتصال من المستشفى وقالو أن عبدالعزيز صار معاه حادث
ام كنان وهي تبكي: لااااا ولدي ودوني عنده الحين
الكل خاف والبنات صارو يبكون
ابو فارس : طيب احجز على اقرب طياره
كنان: خلود احجز
خالد: خلود بعينك ليش ماتحجز انت
كنان: اقول مشيعل احجز
مشعل: سلطان احجز انت
سلطان : لا والله انا الكبير
كنان: وليد تكفى احجز
وليد: لا مانــ..
قاطعته ريم وهي تشاهق: بس وش فيكم وانت يا كنان اخوك المسكين ماحد يدري عنه وانتو تتصايحون من اللي يحجز
كنان هو ميت ضحك: ههههههههههههههههه بموت هههههههههههههههه
ابو كنان بعصبيه: وش فيك انهبلت اخوك مسوي حادث وانت قاعد تضحك
كنان مستمر بالضحك: مو ههههه قادر ههههههه عزيز ادخل
الكل مستغرب من اللي يقوله
عبدالعزيز وهو داخل يضحك: لهدرجه انا غالي عندكم
الكل مو مستوعب اللي قاعد يصير
فرح وهي تمسح دموعها: الحين مو انت كنت بتموت علينا وش جابك
عزيز: تركتك اربع سنوات ولساك غبيه ماتغيرتي
ام كنان ببكاء: كذا تسووا فيني ياكنان وياعبدالعزيز وراحت بزعل
عبدالعزيز راح ورا أمه وحضنها: خلاص يمه توبه مابنعيدها
كنان باس أمه براسها: تكفين يمه سامحينا
ام كنان بابتسامه وهي تمسح دموعها: اصلاً كيف اقدر ازعل منكم
الكل صار يصفق والشباب يصفرون
فرح : بما انك ياعزيز جيت لازم اليوم عشانا على حسابك
رائد يضربها بكتفها: استحي على وجهك توه وصل
عبدالعزيز : انتي كل همك بطنك.... ماسلمت عليكم سلم على الكل ولما وصل عند تركي
عزيز: عمو وحضنه
تركي: عموو بعينك لا تنسى أن حنا بنفس العمر
عزيز وهو مبقق عيونه: انا بعمرك انت يالشايب
تركي: اقول انقلع لا اتوطى ببطنك
مشعل وهو يغمز له: شخبار الشقر اللي عندكم
عزيز وهو ماسك على قلبه: ااااه بس... بقولكم بعدين
نوف: بس انت وياه ماراح تلاقون احسن مننا حنا السعوديات
ابو كنان: يلا روح ارتاح الحين..... وبعدين قول لهم على الشقر وغمزله وبهمس وحنا معاهم
ام كنان بغيره: وش قلت له
ابو كنان يمثل التوتر: لا يالغاليه ماقلت شي
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
