لطفاً ضع نجمه⭐
أحببتُك لأنك جعلتني أشعر بما لم أكن أشعرُ بهِ من قبل، لأنك الصلةُ ما بين قلبي و الفرح و ما بين ثغري و الإبتسامة
..
في السياره عند لمى وريان
لمى طول الطريق وهي تبكي
ريان : لمى خلاص ماصار شي اهدي
لمى وهي تشاهق : والله ياريان لو عرفو بابا وفهد والله بيذبحوني
ريان بحنان : مو انا قلت لك مابكلم حد وماعاش من يجرب يمد يده عليك
لمى وهي تبكي : وإذا شافوني معاك وش بيقولو
ريان : عادي بقول لهم ماعرف وش يقول
لمى غطت وجهها بيدها و صارت تبكي بشكل يقطع القلب
ريان وقف السياره ولف لها مسك يداتها اللي على وجهها وبعدها ومسح دموعها باصابعه : لمى اهدي انتي ماكنتي تدرين انها حفله مختلطه صدقيني انتي مالك ذنب
لمى تمسكت بيده : بس
ريان قاطعها : اششش لا بس ولا شي خليها علي لاتخافي انتي وخليك عاديه
لمى هزت راسها ودموعها لسى تنزل
ريان وعيونه تلمع بحب : خلاص ماعاد ابي اشوف دموعك تراها غاليه
لمى صارت تناظر عيونه حست ع نفسها ونزلت راسها وبهمس : مشكوور ريان ماقصرت والله ومستحيل انسى جميلك ذا طول عمري
ريان : ماسويت شي وش رايك نروح مطعم نتعشى
لمى بتوتر : لا ماله داعي
ريان ضحك ع توترها : مو بكيفك ومنها عشان تغيرين جو
لمى وشوي وبتبكي مره ثانيه : لا ريان تكفى مالي خلق وشوف الحين صارت الساعه ١١ إلا ربع
ريان لما شافها بتبكي : خلاص خلاص لاعاد تبكي طيب اسمعي وقال لها الخطه
'
في بيت الجد
وصلو تركي وغزل وامها البيت
تركي نزل وفتح لهم باب السياره : تفضلو
امهاو غزل كانت منبهره من البيت : زاد فضلك
تركي للخادم : خذ الشنط وطلعها فوق
الخادم هز راسه واخذ الشنط
تركي دخل البيت ودخلو وراه ام غزل وغزل
تركي بصوت عالي : يبه يمه
الجد : تعال يبه حنا بالمجلس
تركي راح لهم : السلام عليكم
الجد والجده : وعليكم السلام
دخلت غزل وامها وبهمس : السلام عليكم
الجده وقفت : هلا هلا والله تو مانور البيت
ام غزل : منور باهله
تركي : يمه يبه ذول غزل وامها
الجده بحنان : اي قال لنا عزيز
الجد : إلا تعالو اجلسو ليه واقفين
تركي : يبه خليهم الحين يروحو يرتاحون وبكره اجلسو معاهم
الجد و الجده : اوك الله وياكم
تركي بحنان : خالتي الجناح اللي فوق كله لكم خذو راحتكم وبنسبه لغزل انا مابكون متواجد بالبيت باستمرار عشان تاخذو راحتكم
ام غزل : تسلم ياولدي ربي يحميك بس ماله داعي تكون تطلع من البيت انا وغزل مابنكون ننزل عشان تاخذو راحتكم انت وابوك
تركي : افا ياخالتي اصلا انا مااجلس بالبيت كثير
ام غزل : ترا يا تركي برجع ازعل عليك والله
تركي راح باس راسها : لا يمه كله ولا زعلك خلاص اللي تشوفونه
الجده : يلا بطلع اوريكم جناحكم
ام غزل وغزل : تمام ومشو وراها
بعد ماطلعو
الجد : خير ماسويت يايبه
تركي راح جلس جمب ابوه : ماسويت غير الواجب وبعدين هم ناس طيبين حيل ومايستهلون إلا كل خير
الجد يطبطب ع ظهر تركي : تدري اني اول مره احسك قد المسؤليه
تركي شهق بمزح : ليه ماكنت قدها
الجد وهو يضحك : بصراحه لا
تركي ضحك
الجد : تدوم هل ضحكه يارب
تركي : يدوم عزك يالغالي
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
