كي خرجت من المخيم ...تكيت يديا على الباروداج ... حتى سمعت صوتو يعيطلي ... طلعت راسي لقيتو قاعد فوق القرمود ... تبسمت كي ورالي الدروج لي طلع منهم ... طلعت قعدت قدامو ... قعدنا ساكتين ...حتى قطع هاد الصمت
رؤوف : هدرتي مع عبد الكريم ...حابة تروحي
انفال : توحشت دارنا
رؤوف : ادا هلى لي صرا ليوم ... مانزيدش ندخل روحي ... درت في بالي بلي كان يتبلى فيك
خزرت فيه و قلت : و مالا...
شاف فيا و قال : علاه دافعتي عليه ؟؟
انفال : غاضني برك ..
تنهد و قال : أنفال ديري في بالك حاجة ... بلي لي غلط لازم يخلص ... سورتو وين رانا ... معلاباليش وش لي دفع وحدة في عمرك تجي هنا ... و مايهمنيش ... يحيى مدام لحق تجرأ و لمسك ... معنتها شاف حاجة منك
خزرت فيه بعدم تصديق ... قاطعني قبل مانهدر ... و كمل : مرانيش نتهم فيك ... بصح أي واحد يقارن بين معاملتك معايا و معاملتك معاه يفهم وش فهم هوا ... و زيد رايحتلو بنص تريكو ... كرشك كامل تبان ... وش ستنيتي منو ..
انفال بقلة صبر : راك تحاسب فيا ... افهم ماشي المشكل فالبسة ... هوا استغل الوضع كي كنا وحدنا ... يعني لوكان لبست مانعرف واش كان حيدير نفس الشيئ ..
شاف فيا و تبسم بجنب و قال : راني نحاسب فيك لأنك الوحيدة لي راح تتفر فيك .. هوا دخل للحبس ... شهر شهرين يولي لحياتو عادي ... و من جيهة اللبسة كي تلبسي لبسة محترمة و ماتجدبش ... وديري حدود فالتعامل ديالك ... و لي يغلط معاك تمديلو حقو ... واحد مراح يتوشيك ...
جيت حنهدر قاطعني مرة ثاني كي قال : مراحش تفهميني دوك ... سكت شوية و ناض : الشوفور دوك يجي ... روحي بدلي ... و السمانة الجاية حنبداو نخدمو على هاد الجانب ... عقدت حواجبي ماشي فاهمة كلامو ..
نضت تبعتو نوجد روحي للمسيد ... مالغري مانيش حابة نروح ... لبست لي جات و خرجت ...
لحقت شويا روطار ....دخلت نجري ... قابلتني أسماء تهدر مع البروف تاع فيزيك ... رحت ليها نجري كي شافني لبروف .. راح وخلانا ... خزرت فيها ... لقيت وجها حمر و غايسة ... هزيتها خزرت فيا مستغربة ...
أنفال : وشبيك وش كاين ... كاشما قالك
أسماء : ديمونداني
أنفال : ايه هدا مكان خلعتيني سكت شوية ... نستوعب في واش قاتلي ...درت ليها نجري : وشنو وشنو وش قالك ...
هزت أسماء كتافها ...
سكتت نخمم شوية و قلت : وش عندنا دوك
هزت اسماء كتفها و قالت معلاباليش ..
عوجت أنفال فمها و قلبت عينيها ... شدتها من يدها و راحو لحمام البنات ...تاكدت بلي مكان حتى واحد ... و قالت : عندي شحال نشوف فيك انورمال ... كي تجي حصتو تتفرفشي ... او وليتي تغيصي بزاف .. وش صرا .. ماشي كان يكرهك و ديما يحوس على السبة باش يعيط عليك ...
تنهدت أسماء : مام انا مافهمتش .. شفتي بعينك كيفاش يعيط عليا هنا ... بصح كي نتلاقاو فالدار ... يتعامل معايا نورمال ... و فوق النورمال ... يضحك يقسر ... او ولا هو لي يديني و يجيبني .. كي نخرجو كيفكيف ... وخويا ماعندوش مانع ... و البارح اقترح عليه يقريني ... او يدير عفايس بيزار ... يشوف فيا بخزرة مافهمتهاش و مانيش حابة نفهمها ... و خطرات يقول هدرة ماشي مفهومة ... و يتقرب مني
حطت يدها هلى وجها .. و قالت : والله مافهمت
أنفال : .....
أنت تقرأ
كرونيك لصة قلبي باللهجة الجزائرية
Actionلصة قلبي اول كرو من سلسلة《 قيود الحب 》 عندما يحيا القلب بحب خارج عن القانون هل سيكون سجين حبه ؟ ام يقيد حبه بأصفاد المادة رقم 1 عنده ؟؟ كرونيك لصة قلبي حب ❤ضحك 😂غيرة 🔥صداقة 💙كره🖤 انكار💣 صدق💥 تضحية 💢خيانة 💔 ❌❌❌ممنوع النقل منعا باتا❌❌❌ ❌❌❌❌...
