မန္တလေးတံတာဦးလေဆိပ်၌ တရုတ်နိုင်ငံမှ ပျံသန်းလာသည့် လေယာဉ်တစ်ဦးဆိုက်ကပ်လာသည်။ ခြစ်ခြစ်တောက် ပူပြင်း သည့် Aprilလဖြစ်သည့်အတွက် မြန်မာပြည် အလယ်ပိုင်း ရှိ မန္တလေး၌ အပူဆုံး ဖြစ်သည်။
မြန်မာနှစ်ကူးချိန်ဖြစ်တာကြောင့် ထိုလေယာဉ်၏ ခရီးသည် အများစုမှာ မြန်မာနိုင်ငံသားတွေ ဖြစ်ကြ၍ အနည်းစုမှာ တရုတ်နိုင်ငံသားတွေ ဖြစ်ကြသည်။ ထိုအထဲမှ သာမန်ထက် မြင့်မားသည့် အမျိုးသားက ထင်း၍ ထွက်နေသည်။
Luggage အနက်ရောင်အား ဘေးမှ ဆွဲလာကာ နေကာ မျက်မှန်အနီအား တပ်ထားသည်။ ရာသီဥတုက ပူတာကြောင့် ကိုယ်ကျပ် စွပ်ကျယ် အဖြူသည် ဖွံ့ထွားသည့် ကိုယ်အပေါ် ပိုင်း ၌ ချပ်ရပ်စွာ ရှိ၍ ဂျင်းပြာအပွကြီးအား ခါးပတ်အမည်း ဖြင့် ၀တ်ထားသည်။ လည်ပင်း၌ Canon camera တစ်လုံး အား ဆွဲထားသည်။
ထိုသူသည် ဖြေးဖြေးချင်း လာကြိုဆိုနေသည့် သူတွေ ကိုင်ထား သည့် ဘုတ်ပြားလေးကို ကြည့်ရင်း နောက်ဆုံး မန္တလေး က ကြိုဆိုပါတယ် ချန်ဖေးယွီဆို၍ တရုတ်လို ရေးထားသည့် ဆိုင်းရှေ့၌ ရပ်သွားသည်။
ထိုဆိုင်းအား ကိုင်ထားသူသည်လည်း တရုတ်အမျိုးသား ပင်ဖြစ်သည်။ ထိုအပြင် ထိုသူ၏ လက်ထဲတွင် များစွာသော ပန်းပိတောက် တွေအား ထွေးပွေ့ထား၏။
" ဒီက.. "
" ကျွန်တော်နာမည်က လော်ယွင်ရှီးပါ။ "
ထိုအမျိုးသားငယ်က ချန်ဖေးယွီအား ပြုံးပြရင်း မိတ်ဆက် လိုက်သည်။ ဖြူဖွေးသော အသားရည်ရှိပြီး မျက်၀န်း တောက်တောက်လေးတွေရှိနေသည်။ လက်ထဲက ပန်းတွေနှင့် အပြိုင် လှ နေပါကော လား..
" အန်တီမာမာအေးကရော.. "
ချန်ဖေးယွီသည် သူ၏မွေးစားအမေ ဒေါ်မာမာအေးကို မေးလိုက်သည်။ အန်တီမာမာအေးနှင့် သူ၏ မိခင် နှစ် ယောက်လုံးသည် ပေကျင်းနိုင်ငံခြားဘာသာ တက္ကသိုလ်၌ ကျူတာဆရာမ တွေဖြစ် ခဲ့သည်။ သူ့မိခင်က ပြင်သစ် ဘာသာ ကျူတာဆရာမဖြစ်၍ အန်တီမာမာအေးသည် ဗမာဘာသာကျူတာဆရာမဖြစ်သည်။
အမေအလုပ်ကထွက်ပြီးတာတောင်မှ အဆက်အသွယ် မပျက်သွား ဘဲ ညီအစ်မဆက်ဆံရေးထက်ပင် ပိုခဲ့ကြသည်။ နောက်ပိုင်း သူအသက် ဆယ့်ငါးနှစ်မှာ အန်တီမာမာအေး သည် မန္တလေး နိုင်ငံခြား ဘာသာတက္ကသိုလ်အား ဌနမှူး ရာထူးဖြင့် ပြည်တော် ပြန်သွားသည်။
YOU ARE READING
Padouk
Fanfictionသင်္ကြန်ချိန်မှာ မွေးစားအမေရှိရာ မြန်မာပြည် မန္တလေးကို ချန်ဖေးယွီ အလည်လာစဉ် မန္တလေးသား တရုတ်ကလေး လော်ယွင်ရှီးနဲ့ တွေ့ကြတယ်။
