لارا,,قنعت علاوي بروحتي وهو بدوره يقنع ابوي لان ابوي كلش يحترمه ويحبه ومعتبره ابنه وصلنا البيت طبينا اني وياه شفت ماما بالمطبخ سلمت شافت علاوي ورحبت بي وهو باسه راسها وكالتله طب حماتك تحبك دا اصب غدا كاللها ماشي خالتي طب علاوي ورحت اني غسلت واجيت اساعد ماما طبعا جان عدنا باسم ابن عمي جاي ويا جاسم نازلين من الواجب صبينا غدا واتجمعنا كلنا سوى وسوالف وضحك وجنت كاعدة يم علي شفت الكل ملتهين كرصته من ايده وصاح كالو شكو كاللهم ها لا بس اعتقد اكو نملة بقميصي وكرصتني ضحكت بقلبي ونغزته مرة ثانية جان يكول لابوي اي عمي باجر عدنا درس عملي ولازم يتطبق احنا جماعة الرابع ولازم الكل تحظر وراح تكون همات نزهة ترفيهية طبعا الاساتذة كلهم يحظرون واني راح اروح ولارا لازم تحظر بعد اذنك طبعا علي ,استاذنت عمي وكالي والله ياابني صعبة بهاي الاوضاع البنية تطلع وتبات بغير مكان بس دامك موجود اكيد ماعندي مانع كتله وجاسم انت شتكول خوية كالي ولو انت موجود واني اخاف عليها صدك جذب خلي تروح بس خلي بكروبك كتله اكيد شلون لعد شفت ابن عمه عصب وكال شنو هاي بنات اخر وكت يطلعن يباتن بغير بيت مامرجية منك عمي كاله لاباسم مادام علاوي وياها اني ماعندي اي مانع هو يخاف عليها من الهوى الطاير وخليها البنية هم هذا مستقبلها اخذنا الموافقة واباوع ع لارا عيوني تضحك وكامت للمطبخ كمت تححجت وراها كلت اروح اغسل اباوع عليها تكمز وتغني بالمطبخ كلتلها اي عيني اني شمستفاد منج شنو هديتي اريد مقابل كالتلي الي تريده اني حاضرة كتلها وعد كالت وعد والله الي تريده كتلها اوك من يجي وقته بعدين ماتمانعين ولاتزعلين ضحكت وكالت اي استاذنت منهم ورحت للبيت بوست امي وحجيتلها ع روحتي وجانت خايفة علية طمنتها وكلتلها ماكو داعي للخوف بست راسها وطلعت لغرفتي نمت ,
لارا ,,,بعد ماحصلت الموافقة كلش فرحت وخصوصا علاوي راح يروح اويلي يابه شكد احبه بس هو ولايمي حظرت ملابسي وصارالليل خابرت ع البنات بيناتنا سولفنا نعست ونمت من وكت كعدت ثاني يوم الصبح بدلت لبست تنورة قصيرة بس موحيل وقميص وطلعت شفت علي داينتظرني شافني وجان خنزر علية كتله صباح الخير كالي من ورى خشمه شدعواج هيج مكمطة نفسج لج بابا والله اذا مابدلتي انزل اكول لعمي عليج وماخليج تروحين ضجت منه وكتله خلص جايبة وياي ملابس ,هسة ابدل بالجامعة بس خلصني خلي اروح طلعنا للجامعة وجان الحافلة دتنتظرنا صعدنا كلنا بعد ماقسمونا مجموعات ورحت ويا علي صعدنا شفت علي كاعد ويمه مكان ميخلي احد يركب يمه ضحكت شافني اشرلي اكعد يمه رحت كعدت كتله بعدك زعلان كال لا ويباوع ع ملابسي كالي عود شسويتي ويأفف كتله خلص علاوي خلينا نتونس لاتعكرها علينا عوج حلكه وكال ماشي
يتبع....
