علي ,صعدنا بالحافلة وطبعا حجزت مكان لارا يمي تكعد اخاف عليها وخصوصا هي حلوة وكلشي تلبس يلوك الها كعدت يمي ومشينا طبعا الطريق بعيد ماحسيت الا شي ثكل ع اكتافي اباوع لارا نايمة ع كتفي وشعرها ع خدها عبالك طفلة وجبس بايدها ضحكت عليها اني طبيعتي البس رسمي والجاكيت انزعه اشيل بأيدي شلته وغطيتها بي بقت نايمة وجتفي احسه انخلع بس مانطاني قلبي اكعدها الى ان ردنا نوصل وجان حست ع نفسها باوعت عليها كلتلها خوش مخدة لكيتي لج ماحسيتي ياظالمة جتافاتي راحت من وراج كامت عدلت نفس وطلعت مراية ولاعبالك كالتلي شسويلك بس,تدري صدك جتافك مريحة عبالك مخدة ام ريش وضحكت ضحكت عليها وع خبالها وصلنا مكان الي راح نبقى بي والتدريب كلمن نزل ونزل غراضه طبعا اكو كرفانات نام بيها خلينا غراضنا بيها ونزلنا ارتاحينا وطلعما العصر تدربنا شوية ع الكامرات والاساتذة ينصحون شنسوي بلمواقف الي تصادفنا بقينا للمغرب جنا كلش تعبانين تعشينا والبنات راحو بجهة واحنا جهة ثانية الكرفان مالتنا ارتاحينا وما اجاني نوم خابرت ع لارا كلتها استاذني واطلعي حتى لاياخذون فكرة مو حلوة عليج حتى لو اني ابن خالتج كالت اوك شوية وحسيتها جت جنت كاعد ع حجارة كمت كلتها تعاي اكعدي كعدنا كتلها اي ست لارا تونستي اليوم كالتي اي والله كلش دامك وياي انت اكيد اتونس,صفنت بوجها كلتها لارا كالت اي علاوي كلتلها صار لازم اعترف الج بشغلة كالت الي احجي شمسوي ياالله خوفتني كتلها لارا بدون مقدمات اني احبج وبعد ماتحمل اضم حبي الج انتي اغلى شي بحياتي صدكيني من جنا صغار احبج وحتى امي تعرف تكول جنت اعرف بيك تحب لارا من وانتو صغار ,لارا بعد حجي علي واعترافه احس الدنيا ماواسعتني من الفرحة معقوله امنيتي تتحقق وعليوي يصير من نصيبي اوووف احلى شعور لمن التحبه يطلع يبادلك نفس الشعور ...
كتله علي تعرف انت شنو بالنسبة الي انتى النفس الي اتنفسه صدكني الي بيناتنا شعور متبادل اني احبك ومستحيل جنت متوقعة انت تحبني وتبادلني نفس الشعور تقربت يمها وحطيت ايدي ع ظهرها كلتها خلص لارا بس نرجع راح افاتح امي بالموضوع واخليها تخطبج الي اريدج حلاي لان صبرت هواي وانتي صدك اذا تحبيني ليش,مابينتي الي ,لارا دنجت وكتله حبك عماني وماخلاني اشوف غيرك بس استحي ,وكمت دا اكوم كتلها لحظة وجريت ايدها كالت علي لازم اروح كلتلها مو قبل ماتنطيني هديتي كلتله ياهدية كلتلها انتي وعدتيني وكليلي اذا قنعت ابوج تنطيني جائزة وصار وقتها هسة كتله شتريد كالي بوسة بريئه طبعا ,,,للتوضيح جنا كاعدين بالجهة الثانية من مكان الي نازلين بي يعني بوحدنا ,,,كالتلي لا علي ماتفقنا هيج راحت ركضت كمت رجعت جريتها بحظني وبستها براسها كتلها خلص حبي روحي انتي مصيرج راح تصيرين حلالي ,,,من حظني علي ماعرف شصار بية حسيت نفسي بعالم ثاني وماريد اصحى منه بعدين افترقنا ورحنا كلمنا لمكانه ,,,,,
يتبع....
