دمار الريماس

البارت الأول

السـلام علـيكم ورحمت الله وبركاته
اسعـد الله مسـاءكم احبتي المتابعين ❤️

# الكاتبه _شـفاء_ الـ ياسين
# دمـار _الريمـاس

صباح يوم مشرق
على بيت يَعم عليه الهدوء

صوت والدي وهوَ يرتل القرأن بكل هدوء

واني واكفه اسوي ريوكَ أللـــي واله

كملت تقطيع الجبن وصحت بصوت

- باباا يالا تعال تريكَ كملت

رد عليه بصوته الحنون والدافي

- جاي باباتي

خليت الچاي ؏ السفره وكملت
انتضرت بابا يجي

اجه يمشي وهوَ لابس تراكسود اسود
وكم شيبه صايره بشعره بـسہ ڪُـلش حلو بابا اسمر ضخم يلعب رياضة ومعتني بنفسه

الي يشوف ميكول عمره ٤٠ سنة..

باوعلي وكال بـ ابتسامه

- ها قُرة عيني شلونها

ابتسمت يومية بابا يسميني بـ اسم
حضنته

- روحها ، بخير بابا مادام انته بضهري

مسح ؏ ضهري

- دوم ابويه انه بضهرج

رجع كال بضحك

- باباتي ما تطولين انتِ؟

باوعت عليه بزعل

- بااااباا انته طويل باع شطولك الباب بلگوه تعبره شوف اني وين واصله يالا لصدرك

- سكتي ابويه انتِ گصيره جنچ درنفيس

- باااباا راح ازعل

ضحك ..

- ههههههه اشاقة ريماسي

بدينه نتريكَ وهوَ يجيب ويخلي گدامي
همست بتذمر

- كافي بابا والله حصير بطه ؏ دلالك هذا

ضحك وبانت غمازته

- تدللي ابويه انتِ ﺟـٰ؏ــݪ محد غيرج يدلل عليه

همست بخجل

- كاافي بابا تخجلني

ضحك واني ادعي ربي يحفظه الي

بكل صلاة وبكل دعاء لان بدونه اني اضيع
بابا مثل الذيب بضهري..

حجيت واني اشرب الچاي

- بابا يمته تخلص اجازتك

- بعد كم يوم لان قطعو اجازتي ذيج المرة مـטּ وره الانذار لهذا انطوني اجازه اكثر

كلت بفرح

- اييي عفيه مشتاقتلك ڪُـلش اࢪيد نطلع نشتري اني وياك كم زرعه اخليهم بـ الحديقه

- تدللين باباتي ؏ـيـُونـي الچ

- تسلم عيونك حبيبي

- بابا هي عمه گعدت نگلها تروح ويانا
- صباح الخير عمه