ذات العيون الكحليه

البارت الاول

قراءه ممتعه
ذات الـعيـون الكحلـيه
للكاتبه: دره الـ حسن
البارت الاول
...........................................................

سلام اني اسمي ماريان عمري 17 سنه ادرس خامس علمي احيائي يعني الضيم ههههه مواصفاتي حنطاويه عندي خدود عيوني مكحله رموشي كثيفه وطويله طولي 160 جسمي وسط عندي اخوان 2 وبنيه اخويه الجبير تميم عمره 26 ممزوج ضابط والثاني اسمه يزن عمره 21 طالب جامعي سنه اولئ هندسه (تارك كم سنه ) ونجي الاختي حبيبه روحي ياسمين عمرها 15 سنه والدي اسمه حسام والدتي اسمها وفاء طبعا والدي جبير اخوانه عنده 3 اخوان الاول اسمه كاظم وعنده 2 ولد وبنيه الجبير مهيمن عمره 25 ووسام عمره 20 وزمرد 17 سنه وزوجته الورده اسمها رجاء عمي الثاني اسمه رسول وعنده ثنين مخابيل جاد عمره 22ويقين 19 سنه وزوجته الحلوه اسمها زينب وعمي الاخير الصغيرر اسمه باقر عنده اوس عمره 25و ورد عمرها 17وزوجته الكيمر اسمها ياسمين ولهنا نكون خلصنه التعريف اهلي وبيت عمو رسول جوارين اما بيت عمو كاظم وعمو باقر بغير منطقه
...........................................................
ماريان: نايمه واحس امي تكعد بيه
ام تميم : لج كومي تااخرتي كومي يمعوده تنبل مال نوم كعدي اختج وياج
ماريان: يي يوم كعدت ولله هسه ولج ياسمين كومي بسرعه تااخرنا يمعوده راح اذب عليج مي كومي
ياسمين : بانزعاج كمت عوفيني
ماريان: يلا حبيبي هاي هدومج كومي يلا
ياسمين: تعاي خلي ابوسج الله يحفظج الي يارب
ماريان: امين ويحفظج يارب
نزلت جوه لكيت ماما دتسوي ريوك وتميم جان كااعد رحت سلمت علي شوكت اجيت مشتاقتلك
تميم: هلا بحبيبتي تعاي مساع اجيت ولله
ماريان: الحمدلله ع السلامه يلا ماما اني رايحه
ام تميم : ماما اكلي وروحي
ماريان: ماما ماالحك ولله تاخرت
ام تميم:الله وياج حبيبتي
تميم:اجه خطج
ماريان: يي اجه
رحت للمدرسه التقيت بصديقتي زينب اجت لبغداد قبل فتره وصرنه صديقات اني وياها ويقين حبابه كلش ومؤدبه
زينب: يقين وين مو وياج شو
ماريان: يي متداوم اليوم بلش يومنه بلامتحان امتحنه وطلعنا
زينب: ها ميمو جاوبتي
ماريان: يي الحمدلله وانتي
زينب : يي جاوبت الحمدلله
ماريان: امشي نشتري جوعانه رحنه اشترينه وكمل يومنه عادي خلصنه الدوام واجه خطي رجعنه للبيت لكيت مااما مخبوصه تحضر احنا عدنه عاده كل يوم جمعه يجون عمامي كلهم يجتمعون بيتنه بطلب من والدي
ماريان: الله يساعدج ماما
ام تميم: هلا حبيبتي شلونج
ماريان: الحمدلله ماما شو من هسه دتحضرين
ام تميم: يي ماما اليوم عمامج يجون ع العشه عمج رسول عزمهم وخطيه مرت عمج انلوت رجلها وعيب من عمامج ابوج كال يجون يمنه
ماريان: ياخطيه خلي ابدل هدومي واجي اساعدج
ام تميم: راح اكمل اني بس تعاي صبي غده اخوج وابوج ع جيه وكعدي تميم نايم
ماريان: تمام ماما رحت سبحت ونزلت اساعدها ورحت اكعد تميم دكيت الباب لكيته كااعد كتله ينزل
اجوي يزن وياسمين وبابا اجه وراهم صبينه غده وكملنا غسلت مواعين وبديت اساعد ماما كملت كتلها راح انام اني اذا تحتاجين شيء كعديني صعدت لكيت يقين داكه عليه خابرتها وسئلت ع عمه ع رجلها كالت زينه كتلها سلميلي عليها راحت واني نمت طبعا علاقتي ويه بنات عمي كلش قويه بس الموحلو انو مفترقين احنا وورد وزمرد بغير مناطق وطبعا احنا كلنه خامس اعدادي لان يقين مره تمرضت وتركت ومره رسبت وورده لا هيه مسجله متاخر كعدتني ماما العصر كالت راح يجون عمامج
اني رحت حضرت وياها الضيافه وكملنا الترتيبات اجوي بيت عمي ورحت سلمت عليهم فاول مفتت حجه وسام
وسام: اجت الطويله لاهله
ماريان: تغار مني
وسام :المن اغار شو اطول منج
عمو رسول : هسه دعوفها اول مفاتت حجيت عليها
ماريان: يي ولله عمو قدمتلهم الضيافه رحت للمطبخ اجن البنات ورايه واول مفاتت زمرد عثرت ووكعت واحنا متنه من الضحك عليها رحت كومتها
زمرد: اخخخ ولج يمه تكسرت الله لاينطيك يلحطيت عينك عليه اجه جاد
جاد : هو منو ليحط عينه عليج شو قزمه وماتبينين
زمرد: يي مو حقكك متشوفني جنك تيل الي بلركن
جاد : طكها بضحكه وراح
زمرد: التيل راح
يقين: تره اخويه شو تحجين علي
زمرد: دولي امداج بدل مدافعين عليه طيح الله حضج
ورد: اهو يابه واذا اخوج هسه انتي مو تحجين ع اخوانه علينه
يقين: وجع اكلتني اشاقه عوذه منجن وضحكت
مريان: يلا عيني اني رايحه احضر
البنات: جاين وياج
مريان: يلا
يقين: اكلكم شو مهيمن واوس ماكو
ورد: اوس ويه مهيمن
ماريان:ليش همه يايوم اجو صالهم 4 سنوات  محد شايفهم بلا اوس مرتين اجه وشفته اله مهيمن ناسيه شكله
يقين: يي ولله ولامره اجو من نلتم واذا يجون يجون بليل يلتمون بيتنه والصبح يرحون
ام تميم: يلا يحلوات وره الصلاه نصب
زمرد: روحي عمه ارتاحي احنا نصب
ام تميم: لاحبيبتي ع الاقل اوكف يمكم
البنات : براحتج عمه الحلوه
ماريان: حضرنه المواعين والغراض اذن رحنه صلينه وكملنا بدينه نصب اجو الولد اخذو الاكل ورتبوهن وبلشنه ناكل
وماتخله الكعده من سوالف جاد ووسام ويزن بس يحششون
جاد: لك وسام مشفت اختك شلون عثرت وكعت وانوب تكول الله لاينطيك الحطيت عينك عليه هو منو اليشوفها شكدوتها
وسام: لك هو صح قزمه ومحد يشوفها بس تبقه اختي لاتحجي عليها
يزن: هسه تحجي عليها لو تدافع عليها مفتهمنه
زمرد: طبعا متشوفوني اذا جنكم هاذا التيل الي بلركن وبعدين عبالكم تضوجوني واكوم اعوف الاكل مو
يزن: انتي معندج احساس ادري بلبناتت يضوجن من احد يحجي عليهن
زمرد : وعلي اني اذا اكل لو تموت روحك مااضوج تريد تضوجني تعال وره مااخلص اكل
جاد : هو مو بس انتي هيج حتئ يقين يقين اذا ضاجت تروح تاكل
يقين : حاط عينك عليه اكول مااتهنه بلاكل
ابو تميم: دسكتو ولكم مو دخنه وانتو ولكم تعوفون بناتي بحالهن لااكوم اكسركم
يزن: واحنا مو ولدك لو ولد البطه السوده احنا
ابو تميم:لا بس ذني الرسول موصي بيهن ذني المونسات الغاليات شلون الهن معزه اكثر منكم
البنات: الله يحفظك النه عمو
مريان: حبيبي بابا الله يحفظك النه
كملنا ورحنه غسلنه المواعين وعزلنه البيت اني والبنات وخلصنه بضحك لو نغني وراها كملنا وصعدنه فوك وره شويه وخابر جاد ع يقين
يقين: بنات جاد يكول تعالو يمنه ونسه
زمرد: يي امشو نروح
ورد: يي الله بس شلون لازم نكول الهم ماريان روحي انتي كولي لابوج
يقين وزمرد: يي عليج الله حبابه نستحي احنا
ماريان:اوكي بس اذا كال لا يعني لا لاتلحن
البنات:تمام
ماريان:نزلنه ودخلنه كعدنه كلنه بنفس الجها ونحجي بهمس دنحجي وبابا كال احجن شتردن جيتجن مو خاليه
يقين: عمو كمزنا ولله
ابو تميم: بضحكه يي احجن شتردن
ماريان: بابا خابر جاد كال تعالن يمنه نتونس
ابو تميم: يي بس خابرو يوكفلكم بلباب
البنات:شكرا ربي يحفظك
ابو تميم: من اكلكم هنه المحليات البيت تضحكون
ماريان: رحنه لبسنه عبايات وخابرنا جاد يوكف النه بلباب ورحنه اول مطلعنا كال وينجن صالجن ساعه
يقين: لاتجذب تره جنه واكفين وره الباب من خابرناك انته تاخرت
جاد: فوتن يلا ووياجن سون شيء ناكله جوعانين
يقين: يي مو اكول انتو متصيحونه اله اذا عدكم سالفه
روحو بنات اني هسه بس اسويلهم واجي
رحنه كعدنه بلصاله اول مفتنه صاح
يزن: وين جايات عيني منفوت اقزام احنا
بس ماريان تفوت لان طويله
زمرد: طبعا تشوفنه اقزام التيل دوخر
ماريان: ضحكت عليهم واجه صوت من ورانه
مهيمن : زمرد احترمي
زمرد: متشوفه من اول مااجينه ويصيح قزمات
مهيمن:هو مااجذب حجه الحقيقه بس انتن احلا قزمات وشمحلاها القزومه مثل الورده هم ليريد يشمها يدنك حتئ يشمها وانتن مثل الورد
زمرد: اوي خجلت
مريان :ضحك وراح كلت لجاد منو هاذا شو هاذا طكها بضحكه كلها باوعت علينه
تميم: شبيك
جاد: اختك دكلي منو هاذا
تميم: ع منو
ماريان صخم الله وجهك جاد اسكت عليك الله عيب
جاد: وشتنطيني واسكت
ماريان: شتريد
جاد: ايفون 13
ماريان: لو ابيع كليتي هم مااكدر اجيبه اقل منه تره مفلسه
جاد: شتجيبيلي لعدد
ماريان: اجيبلك تشيرت حلو
جاد: اوكي هاهيه هيج تميم حبيبي
تميم :الله يثبت علينه العقل والدين
ماريان : كمت هستوني داطلع وحجه جاد
جاد: مهيمن تره ماريان معرفتك كال منو هاذا
ماريان: هاي ليششش عفته وطلعت احجي علي واغلط رحت للبنات كالن شكو سولفت الهن الصار وهنه ماتن من الضحك خو زمرد التافها كعدت بلكاع تضحك صعدنه فوك حطينه ماسكات وصورنه وضلينه نغني نسينه العصاير جوه
يقين: نسينه العصاير جوه انزلي زمرد جيبيهن
زمرد : ولله ماانزل كومي ورده
ورد: مااكوم لو تموتين هسه ماريان تكوم
يقين :بعدها محاجيه كتلها ماريان عليج الله كومي انزلي جيبيهن
ماريان :امداجن نزلت ردت ادخل للمطبخ لكيت مهيمن واكف بلمطبخ يسوي نركيله سولفتلي علي زمرد كالت اليوم نزل جان ملتحق ضليت متتردده ادخل لو لا من ورره الفشله تشجعت ودخلت اخذت كلاصات ودااحطهم هو حجه
مهيمن: ليش ضجتي من حجه جاد
ماريان: هاا لا مضجت
مهيمن: حسيتج ضجتي بس ماله دااعي حقج متعرفيني لان مشايفكم صار فتره طويله كلش عادي مابيها شيء
ماريان: يي يلا اترخص
مهيمن الله وياج
ماريان: طلعت من المطبخ وداصعد وتلكتني يقين كالت نسيناج وين رحتي كتلها امشي فوك اسولفجن سولفت السالفه الهن
زمرد: يي صح مبيها شيء اني لو مااخويه هم مااعرفه وضحكت
يقين وورد وياسمين: يي حجيه صح
ماريان: يي بس هاذا جاد فضحني
...........................................................
مهيمن: كاعدين اني واوس نشتغل وخابر عمي ابو تميم
ابو تميم: شلونك ابني شخبارك اوس شلونه
مهيمن : الحمدلله عمي انتو شلونكم
ابو تميم: الحمدلله دومكم يارب يابه مشتاقين الباجر الباجر اذا تعزوني تعالو ع الغده معزومين واذا مااجيتو ازعل عليكم
مهيمن: لا عمي كلشي ولا زعلك جاينن ان شاءالله واذا صارت النه فرصه نجي بليل
ابو تميم: خير ان شاءالله شعجب منزلتو ويه تميم
مهيمن: علساس ننزل سوه بس اجتنه ملفات اني واوس ومااجينه
ابو تميم : الله يحفظكم يارب اخذ راحتك بويه مع السلامه
مهيمن :الله يسلمك عمي مع السلامه
اوس:منو هاذا
مهيمن: عمي ابو تميم عزمنه ع الغده الباجر وكال اذا تعزوني تعالو
اوس: لزمنه من ايدنه التوجعنه
مهيمن: بضحك يي ولله
اوس : هو احنا ليش ممنجمع بلغده شو بليل يم الولد وهمه نفسهم راح نلكاهم ع الغده
مهيمن: ماادري ولله بس احس البنات ممتعودات علينه مراح يااخذن راحتهن واقرب مثال ميقبلن يبقن لابيتنه ولابيت اهلك
اوس: طبعا تجيب الولد الي عايشين يمهم علينه احنا الي بس بلعزايم جنه نشوفهن
مهيمن: يلا شنسوي
اوس: عندي حل ليش مانبدي من جديد ونخليهن يتعودا علينه مو احسن ماا صاير حالنه حال المشردين
مهيمن: بضحك تمام نبلش ليش لا
هسه كمل شغلك حتئ نروح
اوس: ماشي
بديت اشتغل لليل كملت شغل رحت لمهيمن
مهيمن: هسه ردت اجيك كملت اني وانته
اوس: اني هم كملت
مهيمن: يلا لعد امشي وصلنا لبيت عمي شفنه الولد واكفين بيت عمي رسول نزلنه سلمنه عليهم ودخلنا جوه
اوس: متخابرون البنات يجن ليش متفرقين كل فريق ببيت
جاد: بضحك ديسون انتفاقيات علينه راح اخابر يقين يجن
اوس: متحجي انته شبيك معبس اذا يجن ويشوفنك هيج معبس حتئ اختك تشرد وياهن
مهيمن: ثول لهل تشبيه وره شويه سمعت صوتهن اني طلعت اخابر ورجعت واكفات بلباب ويزن ميخيلهن يفوتن وزمرد تراد بس ضحكت ع تشبيها دكله جنكم تيوله عاد صحت عليها ورحت حجيت ع يزن شفت اجه جاد كال انته تمدحهن بس وحده ممشموله بلمدح طويله باوعتلها ماريان بنت عمي حسام صايره حلو راحن شفتها راحت يم جاد حجت وياه وهاذا مات من الضحك ضلو يحجون وره شويه من رادت تطلع صاحني كال تره معرفتك هيه ضاجت وراحت
اوس: ها هيج احسلك وضحك
مهيمن: دنجب بس من صدك ضجت لن اشوفهن ويه الكل علاقتهن قويه وويانه مو شيء ومستغربات وماريان كملتها علينه من معرفتني.وره شويه رحت اسوي نركيله وفاتت هيه حجيت وياها حسيتها متوترره وراها ترخصت وطلعت رحت للولد صارت الساعه ب12 بليل كتلهم خلي نروح يلا لبيت عمو ابو تميم كالو راح نصيح البنلت ينضفن اجن
يقين: ولكم شنلحك نضف هسه شمسوين
جاد: شمسوين يعني انتن جيش مال بنات يلا
يقين: نضفو ويانه يلا
يزن بينه حيل
زمرد: مهيمن احجي وياهم خلي ينضفون ويانه
مهيمن: كومو كلمن يشيل غراضه يلا احنا هم نضف وياكم كومو كامو الولد يتعاركون وكلهن نفس المكان وكفت صافن عليهم وره شويه زمرد عاطت بيهم
زمرد: تعالو خلي نقسم الشغل احسن مما جاي تتعاركون مهيمن وماريان عليكم تغسلون المواعين يلا بسرعه روحو جاد واوس عليكم الصاله يقين ويزن عليكم تنضفون الغرفه والباقي توزعو بسرعه يلا راحو اوي فديتني شلون يخافون مني اجاني صوت من وره
تميم: وانتي شراح تسوين بلا
زمرد: ها اطلع انضف الطرمه
تميم: امشي اني وياج نسويها
زمرد : لا اني اسويها وحدي
تميم امشي اني وياج رحنه اني وياها غسلنه الطرمه من تغسل اندارت وغركتني انوب انخلست
زمرد: يبو ع حضي ماادري ولله بلغلط مو بقصدي كلت راح انكتل وعلي
تميم: عادي بويه شبيج زين ليش مااسويها وحده بوحده شدكولين
زمرد: لاعليك الله مجايبه ملابس وياي
تميم: لا مو هيج تكوين ملابسي باجر
زمرد: يي عادي كملنا
تميم: امشي يلا خلي ندخل دخلنه جوه صحت ع مهمين كتله راح اروح للبيت

مهيمن : دخلت لكيتها دتعزل بلمواعين بعدني محاجي عاطت ع يزن
ماريان: لك يزن متبطل هاي الحاله تخبط الحلويات كلها مو لعبت نفسي استغفرر الله
مهيمن: شكو شبيج
ماريان: يزن لاعب لعب بلمواعين هو وجاد سوالفهم مدري شلونها
مهيمن: تعاي نغسل اني وياج خلي اتعلم منج
ماريان: بضحكه اوكيي ردت احجي وسكتت
مهيمن: احجي احس تردين تحجين
ماريان : ها لا اكول شعجب اليوم اجيتو يعني صالكم فتره طويله كلش مجاين
مهيمن: عمي ابو تميم خابونه وكال ازعل عليكم اذا متجون فلذالك اجينه
ماريان: انتو ليش مبتعدين عنه يعني قصدي ‏مو مثل الولد يشاقون ويانه وهاي
مهيمن: واحنا اجينه لهاذا السبب هم علمود نقوي علاقتنه زين انتي قريبه ع منو من الولد
ماريان: ولا واحد منهم بس البنات
مهيمن: زين شنو رائيج نصير اصدقاء اني وياج اني هم معندي احد مقرب بس اوس وتميم
ماريان: هاا عادي نصير
مهيمن : هاهيه اصدقاء بضحكه
ماريان: يي يلا كملنا نروح
مهيمن: يلا طلعنا من المطبخ لكينه اوس وجاد يتعاركون ع التضيف عطت بيهم يكملون حتئ نروح لاننطرد ضحكو كلهم

يتبع....
قراءه ممتعه
ذات الـعيـون الكحلـيه
للكاتبه: دره الـ حسن