ذات العيون الكحليه

البارت التاسع

قراءه ممتعه
ذات الـعيـون الكحلـيه
للكاتبه: دره الـ حسن
البارت التاسع
...........................................................

مهيمن: يلا راح اصعد صعدت نمت كعدت ع صوت موبايلي باوعت هاذا اوس
رديت علي
مهيمن: ها شعدك من الصبح
...عيني صاحب الرقم مسوي حادث وانطاكم عمره
مهيمن: شنو لحضه اوس عوف شقاك عليك الله مالي خلك
..ابني ولله العضيم الولد مسوي حادث وهسه اخذته الاسعاف وواحد من الموجودين سامعهم كالو ماكو نبض اني هسه اجيت وشفت الموبايل بلكاع
مهيمن: لحضه عمي وين الحادث وبيا مستشفئ
..ابني الحادث ع طريق مركز المدينه بلبصره ومستشفئ *****اني راح اروح وياهم والله كريم
مهيمن:عمي فدوه ضل وياه لبين منجي احنا من بغداد ابوس ايدك ماعدنه احد هناك
..استعجل ابني
مهيمن:جاي بس ابدل سديته منه ورحت بيه مبيه كمت اني وداكوم وكعت الدولكه مال مي وانكسرت ثواني واجن مريان وزمرد
زمرد: شكو مهيمن بيك شي
مهيمن: زمرد طلعيلي هدوم بسرعه بسرعه حتئ لو بجامه وتشيرت بسرعه ومريان اكو جنطه بلكنتور الثاني طلعيها وانطيها لزمرد تحط ملابس بيها  فضني بسرعه
زمرد: طلعتله ملابس وانطيته الهن وانخبصنه خبص وحده تردم بلثانيه مريان انطتني الجنطه احط بيها ملابسه وكمت ششوف احط حطيتله ملابس بيت وطلعه وراحت مريان تجيب عطر وغراضه هم حطيتهم طلع من الحمام كوه يمشي صاح ع مريان تنطي الموبايل مدري خابر منو وضل يصيح
مهيمن:خرب غيرتك تميم فضني مريان خابري يزن بسرعه وانتي زمرد روحي كعدي وسام بسرعه ركض لاتصفنن
مريان:غير نفتهم شبي طلعنا خابرت يزن مرتين ورد
يزن: نعم مشغول حاليا
مريان: يزن بلا سخافه مهيمن مدري شبي
يزن :كمت مفزوع شكو احجي
نريان: اندري خبصنه يريد يروح مدري وين ويدك ع تميم مااكو خلي اروح لغرفه ويفهمك انتضر
رحت دكيت الباب ودخلت هاذا يزن
مهيمن: انطيني
ها يزن وين تميم
يزن: مادري هسه اشوفه
مهيمن :باع ماكو وكت تروح تكعده وتكعد عمي وتجون للبصره اوس مسوي حادث وو الغصه صارت بيه ويكولون توفه بسرعه اني راح اروح اني ووسام وابويه
زمرد: رحت ركض كعدت وسام
وسام: ها شبيج
زمرد: كوم مهيمن يريدك بسرعه
وسام: كمت ركض لغرفه مهيمن دخلت لكيته ديحجي ويه مدري منو بس سمعت اوس احس واحد ضربني ع راسي والبنات شهكن ويباعن بصدمه خلص مكالمه وكال راح انزل اني وانته روح بدل لبين مااكعد ابويه بسرعه وسام مضل وكت راح وصحت للبنات يساعدني انزل اجت زمرد ومريان اخذت الجنطه وصلنا لنص الدرج وصاح وسام ع زمرد باوعتلي مريان كالت
مريان :صدمه اوس مسوي حادث انخبصنا وسام صاح ع زمرد كتلها روحي اني انزل وياه لزمت ايده وايده الثانيه حطها ع الدرج يستند بيها ونزلنا احسه لازمني اكثر منما اني لازمته خاف اوكع هو لازمني نزلنا راح دك الباب ع غرفه عمو وصاح
مهيمن:يابه اكعد دكيت الباب مره ثانيه وطلع
ابو مهيمن:ها بويه
مهيمن:يابه خابروني هسه اوس مسوي حادث وتاخرنا حيل ورانه طريق
مريان: كعد عمو وضلو يحجون تقريبا صاله نص ساعه احنا بس مخبوصين ثواني ونزل وسام وزمرد اخذ سويج السياره وطلعو عمو بس بدل طلع ضلينه كاعدين وعمه تفتر بقلق خايفه علي وساعه تدعي مرت نص ساعه وندك الباب راحت زمرد تفتحه طلعت وراها لكيته تميم
تميم: كعدت ع صوت يزن سولفلي وكمت بسرعه بدلت واخذت فلوس ونزلت جوه لكيت ابويه يبدل طلعنا رحت لبيت مهيمن طلعتلي زمرد سلمت عليها وكالت راحو خابرته ميرد زمرد منو راح وياه
زمرد: وسام وابويه
تميم: خوش باعي كولي لعمه وحضرو غراضكم راح اخابر جاد وترحون يم اهلي خوش متبقون وحدكم هنا يلا مع السلامه
زمرد:خوش مع السلامه دخلت لكيت مريان واكفه بلحديقه اخذتها ودخلنا جوه كلت لامي كالت اخابر ابوج وانتو حضرن غراضجن يلا صدك شويه واجه جاد اخذنه قفلنا البيت ورحنا وصلنا لبيت عمو حسام فتحت الباب عمه ودخلنا جوه سئلنا ع ياسمين كالت فوك نايمه متدري ضلينه نحضر بلريوك ولو هو منو اله نفس ياكل عزلنا البيت ونضفنه وره شويه اجت يقين يمنه هيه وعمه وهم ضلو ساعه يدعن وساعه يسبحن وينذرن شويه وكامن يسون غده وكل هاذا وبيت عمو باقر ميدرون   
خابرنا بابا كال بعدنه مواصلين نزلت ياسمين سلمت علينه راحت ليقين تحجي وياها يقين صافنه كفختها مريان ع راسها يلا انتبهت
يقين: ها شكو شبيج
مريان: البنيه صالها ساعه تسلم عليج
يقين: ها عمري هلو
زمرد: اشرت لمريان نصعد فوك
مريان: راح نصعد فوك ماما اذا تحتتاجين شي صيحيني 
ام مريان: اوكي عمري
اول مصعدنه زمرد سئلتها
زمرد:يقين شبيج
يقين: مدري ليش تاثرت من سمعت مسوي حادث بس يبقئ وجوده حلو صح احنا هسه يلا تعودنا علي ويطلع ويكعد ويانه يعني تقنعني هسه انتن ممتاثرات
مريان: لامتاثرات بس مو مثلج ياا ولج شبيج تبجين يقين باعيلي
يقين: مادري
زمرد: خاف تحبي ولج
يقين :لا مااحبه حبيش هاذا مااحبه لا لا
مريان:هسه اسكتي يلا
زمرد: متردين تعرفين الاخبار الجديده
يقين: شنو
زمرد: مهيمن يحب مريان واعترفلها
يقين:جذابه
زمرد:وعلي وهيه متحبه
يقين: امداج ليش
مريان: شنو ليش تره مكلت اكرهه بس مااعندي مشاعر اله حاليا يعني احبه بس كصديق وابن عم
زمرد: ماطول كصديق وابن عم خابري خلي نشوفه وين وصلو
مريان: وانتي ليش متخابرين تميم وتسئلي
زمرد: هاا شعدي وياه معدي شي وياه
مريان:دنجبي لج بلا كاعدين سويه وشافه تميم لو بابا غير اموت راح اخابر تميم خابرته كال بعدنه مواصلين بعد 3 ساعات
ها توصلون بسلامه
عيني بعد 3 ساعات امشن خلي ننزل جوه
مهيمن :خمس ساعات احنا بس طريق كوه نزلت وياهم اكلت علاجي مجبته والجرح اذاني وخصوصا جرح بطني لان كااعد فتره طويله احس عيوني غوشت
مهيمن:يابه اوكف شويه
ابو مهيمن: بيك شي
مهيمن:لا يابه سلامتك بس اريد اكعد وره ارتاح
ابو مهيمن: كوم وسام بعد ابوك اكعد يمي وخلي يرجع وره نزلت حسيت شي نسحب بطني كعدت وره بمساعده وسام فتحت القميص لكيت الجرح ينزف اخذت كلينس وخليته ع الجرح لبين منوصل 3 ساعات اكثر او اقل منهن واشوف اخوي وحزام ضهري ادك ع الرجال ميدك مغلق ضليت ادعي مصاير علي شي من الالم نمت او اغمئ عليه كعدت كدام مستشفئ نزلنا واجه تميم
دخلنا للمستشفئ للاستعلامات
ابو تميم:  السلام عليكم
..وعليكم السلام تفضل
ابو تميم: بويه الصبح جابو مريض مسوي حادث اسمه اوس باقر
..ها يي هاذا الممرض مسوؤل علي
ابو تميم: شكرا بويه تسلم
تميم: راح ابويه علي وسئله
الممرض:يي انطاكم عمره وتلكو بلثلاجه تعالو وياي
ابو تميم: بويه متاكد
الممرض :يي شيخ
تميم: هو كال هيج واحنا الوجوه صوفرا اني عيوني غوشت مهيمن استند ع يزن رحنا شوفنا الصوره خاف غلطان
الممرض:يي هو هاذا
مهيمن: بعد مسيطرت ع رجلي واني اخوي وروحي راح كعدت بلكاع تميم اتقرب يمه وووكع بلكاع
تميم: مو الك هاي النومه كوم يبعد اهلي كوم فدوه لعينك كوم
مهيمن: ولك كوم حزام ضهري انته ونكسر ضهري هسه بيك كوم بداعت خوتنه كوم انطيك روحي
يزن: اباوع ع مهيمن وتميم دموعهم ع خدهم ويصيحون اني طلعت بره مااكدر استندت ع الحايط ونزلت دموعي مو بس ابن عم النه لا اخ ونعم الاخ جان روح حلوه للكل وبس احد يكله وينخاه ع شي يكول تم لو جنت طالب روحه مرت مواقفنه كلها كدام عيني اجاني ولد شاب
احمد:السلام عليكم خويه
يزن: وعليكم السلام
احمد: انته اهل الشاب اوس
يزن: يي ليش
احمد: خويه اني ابن الرجال الي خابركم وجنت منتضركم وحتئ كلت لولد الي بلاستعلامات اذا احد اجه وسئلك ع هيج اسم صيحني
يزن: مفهمت يعني شنو هسه
احمد: خويه اخوكم عايش وحولنا ع غير مستشفئ لان هاي المستشفئ الكادر مو شي وابويه وهو ديحاول يخابركم موبايل الولد طفئ شحن واني بقيت انتضركم
يزن: صدمه صارت كبل اخذته ودخلت عليهم لكيتهم هدو ومهيمن حاط راسه بين ايده وجسمه يهتز من البجي كبل صحت يابه اوس عايش
كلهم باعو عليه اجه تميم
تميم:شنو شجاي دكول
يزن: ولله عايش وهاذا الولد ابن الرجال النقله وطلعو ناقلي لغير مستشفئ والولد متانينه هنا
مهيمن كبل كام رفع الغطه عن وجهه كبل كاام يضحك ويبجي سوه
  مهيمن :مو هوه ولله مو هوه ياالله مو هوه الحمدلله
وسام: رحت لممرض غير تتاكد تاكدو لخاطر محمد تاكدو
احمد:اهده خويه وامشونه نروح الولد منتضركم هناك
ابو تميم: مشكورين بويه
تميم: طلعنا من المستشفئ ورحنا لغير مستشفئ اهليه استقبلنا الرجال سلمنا علي وكال
ابو احمد: ابنكم بهاي الغرفه سوه عمليه لان الجام مال سياره داخل قليل بجسمه بجسمه وايده مكسوره بس انطو مهدء وهسه نايم
تميم: عمي يعني هسه مبي شي
ابو احمد: يي الحمدلله
تميم: الحمدلله يارب استجبت لدعواتنا رحت لمهيمن احجي وياه واكف ع صفحه بعدني مواصل مهيمن وكع بلكاع اجو الولد نريد نكومه اباوع ع ايده وقميصه مليانات دم اخذنا لغرفه اجه الدكتور
..اطلعو بره خلي اشوفه
مهيمن: فتحت عيني شفت الولد يردون يطلعون والدكتور كال هاي الخياطات مفتوحه وجرحك ينزف بده يضمد الجرح ودك موبايلي طلعته طلعت مريان متصله فتحت خط واجه صوتها مااعرف هو صوتها هيج حلو لو بس اني احسه هيج
مريان: هلو مهيمن ها بشرو ضل بالنه
مهيمن: هلو بيج الحمدلله مبي شي زين بس ايده مكسوره والجام مال سياره داخل شويه  بجسمه
مريان: ها الحمدلله انته شلونك علاجك اخذته لو مغلس
مهيمن: ولله مجايبه ويايه ومماخذ
مريان: مهيمن تحجي صدك انته يعني فوك ما الطريق 8 ساعات مدري شكد وتعب وفوكاها مماخذ علاج ويمكن مماكل شي مو احجي
مهيمن: شبيج انطي مجال وحده وحده العلاج من الخبصه نسيته واكل الصبح ب9 اكلت كيك وهاهيه
مريان:الطممم لو لا كول الطمم مهيمن شبيك غير مريض شنو كيك هاي الكيك اسد بيها جوعتي لبين ميجي الاكل مهيمن تاكل لاولله شوف شسوي
مهيمن: واذا مااكلت شتسوين بلا
مريان :الطمم انزل عمه اخليها ترزلك ولله مااحس اله طكها بضحكه
مهيمن :عليج الله تنزلين لعمتج دكليلها لا اكل ولله
مريان: يلا بيباي خلي انزل اكلهم واكل بداعتي
مهيمن: وداعت عيونج اكل يلا روحي سديته منها واني اضحك
الدكتور:مبين الها تاثير عليك
مهيمن :يي ولله كلش هواي الها هاي حبي الاول والاخير
الدكتور: زوجتك
مهيمن: لا بنت عمي اعترفتلها بس تريد مده تتعود عليه جنت كااطع بيهم
الدكتور:ان شاءالله تصير من نصيبك وتزوجون
مهيمن: وانته حاضر دكتور
دكتور:خاف تضربني بوري ومتعزمني يلا ارتاح واخلي من الولد البره يجيبولك اكل واكل تره اخابرها
مهيمن:لا اكل
راح الدكتور وخل تميم
تميم: مهيمن صدك تحجي اذا متاذي ليش محجيت يعني المن التفت الك لو لاوس وثنيكم اعزاز عليه فهمني
مهيمن: عضيدي

مريان: سديته منه ونزلت بشرتهم ورحت نسوي عشه اني والبنات

اوس: فتحت عيوني ع الم وضوه ابيض بعيوني تذكرت الحادث
جنت طالع لبصره طالبيني وجنت احجي ويه الولد يدلوني المكان فجاء اجت سياره بوجهي وصار الحادث رجعت للواقع دخل الدكتور فحصني وراه دخلو الولد ابويه وين مهيمن وينهم
تميم: اهلك ميدرون ومهيمن بلغرفه الثانيه
لان جرحه انفتح
ابو تميم :الحمدلله ع السلامه بويه
اوس:الله يسلمك عمو
دخل الممرض :خلصت المده خلو يرتاح
اوس: طلعو مر اليوم وثاني يوم اجه مهيمن كوه يمشي
مهيمن:ها عضيدي وحزام ضهري هيج تعوفني تريد
اوس: مااعوفك وياك للوحه ماعوفك
تميم: يلا حضر روحك راح نطلع انته ومهيمن وابويه ووسام بسياره واحنا البقيه بسياره طلعنا من البصره ب6 بليل وصلنا لبغداد نزلت اول واحد لكيت يقين واكفه بباب المطبخ بس انتبهتلها بجت وراحت

يتبع ....
ذات الـعيـون الكحلـيه
للكاتبه: دره الـ حسن

دمتم بحفظ الله ورعايته 
لاتنسون التصويت