ذات العيون الكحليه

البارت الثاني

قراءه ممتعه
ذات الـعيـون الكحلـيه
للكاتبه: دره الـ حسن
البارت الثاني
...........................................................

ماريان: ردت اروح ابدل ومهيمن كال
مهيمن: هاا وين
ماريان: راح اروح ابدل حتئ نروح
مهيمن: ماشي وشوفي البنات اذا مكملات
ماريان: ماشي رحت للبنات لكيتهن فرك ديلبسن
يقين: عباتي  وين ولكم بيمن اولي
زمرد:  بضحكه ولج هنه العبي مالاتنه مدري وين هسه لو محترمات نفسنه ولابسين صايات مو احسن النه
ورد: يي ولله
ماريان: لكيت عباتي اني راح انزل اشوفهن خاف جوه اذا لكيتهن اصيحجن
البنات: ماشي
ماريان: نزلت بعدني بنص الدرج  وطفت الكهرباء مااحس اله واحد لزمني من ايدي كبل عطت سد حلكي كلت هاهيه خطفوني ومحد يدري بيه كمت ابجي سمعت صوت تميم عضيت ايده وعطت كبل اجه فتح الاضويه عافني باوعت شفته جاد كبل دخت ووكعت ماحسيت اله بمي ع وجهي وتميم يحجي وياي ويمه الولد كبل حضني كتله شكو كال
تميم: واكف بره وسمعتج صيحتي اجيت فتحت الاضويه بعدني ممفتهم السالفه دختي وكعتي وهاي هيه
ماريان: دانزل وسولفتله السالفه باس راسي وايدي وحجه اوس
اوس: مااكو شيء هاذا جاد عباله يقين وراد يخوفها وطلعتي انتي من سوء حظج
تميم: طيح الله حضك جاد لو صاير بيها شيء هسه
جاد: بضحكه اسف عود بس عليج الله مو قويت كلبج
ماريان: متضحك تره
مهيمن: جنت اخابر وسمعت صوت تميم صاح باسم ماريان كبل رحت شفته حاضنها ويحاول يصحي بيها اول مصحت حضنها احنا علاقتنه باخواتنه صداقه ومنضم شيء اسرارنه سويه زرل جاد وذاك كوه يحجي من الضحك عاد كتلهم يلا امشو نروح تاخر الوقت كامت هيه تعدل شالها وعبايتها انتضرتها اجت
ماريان: محتاج شيء
مهيمن: لاانتضرج
ماريان: هاا كملت نروح
مهيمن: يلا صديقتي وابتسمت الها
ماريان : يلا صديقي ورديتله الابتسامه شعور حلو اني معندي احد قريب عليه من اولاد عمامي بس البنات بعدني استحي منه ممتعوده علي بس هو اتاقلم بسرعه دخلنا للبيت لكيناهم كااعدين سلمنه عليهم وبابا كام لمهيمن ولااوس سلمو علي وهمه باسو راسه وجتفه وكعدو سولفوله ع سالفه جاد وعمو رسول رزل جاد
ابو جاد:  اني مو بس علمود ماريان حتئ لو اختك ميصير هيج ياابني يجوز يصير عدها قلب خفقان شيء بعد لاتعيدها
جاد: صار يابه تدلل
ابو تميم: يلا يبنيات كومن حضرن غرف للولد خلي ينامون وانته هم تميم كوم بويه اليوم نزلتو كومو ارتاحو
البنات: صار
ماريان رحنه نزلنه فراشات وحطيناهم بغرف تميم وبغرف يزن
يقين : يعني المعقدين راح ينامون سويه
ورد: طبعا هاي  شلون متحملين هيج معبسين اربعه وعشرين ساعه
ماريان : تره زيني ليش هيج مااخذين نضره عليهم وخصوصا تميم زين تره بس كدامكم هيج
زمرد:  يي صح
ياسمين: دروحن مساع اوس شافني ردت اطلع وحدي رزلني وخلاني ادخل
ورد :يي طبعا ميقبل هو اني ذاك اليوم سمع مهيمن صاح علي من الطرمه ومخلاني اروح اله هو وكف بلباب
يقين:  اكلجن انتن شعدجن دافعن عليهم بلا
زمرد:  باعو من رحنه نشتغل سولفتلهن  وبعدين كال تكوين ملابسي مال باجر وتصير وحده بوحده لج اني كلت راح انكتل ولله انوب هو باوعلي وضحك
ورد: اممممممممم يقين وياسمين دتفكرن مثل مااني افكر
يقين وياسمين:  يي عيني
زمرد : انجبن مااكو شي
ورد:  يي وانتي ست ماريان ليش تدافعين بلا زمرد لان ماصار عصبي عليها والثاني اخوها
ماريان: سولفتله ومن طلعنا انتضرني
يقين: يعني هسه انتو اصدقاء
ماريان:  يي
زمرد:  العب اخويه صاير يصادق
يقين : ديلا ليسمعج يكول مصادق بنات العراق كلهن هيه بس مريان
ماريان : اني راح انزل اشوف ماما خاف تريد شيء
البنات:  اوكي
زمرد:  وشوفيلنه وياج وسام وين ضم الحلويات
ماريان:  ماشي
زمرد:  هاي كلمه مهيمن هااا هااا
ماريان:  وجعا شكو وبعدين من قبل اكولها ضحكن ونزلت جوه رحت للمطبخ اشوف امي ملكيتها رحت للاستقبال بابا كال
ابو تميم:  ها بابا كملتو الغرف
ماريان: يي بابا كملنا
ابو تميم:  روحو ارتاحو بويه
الشباب:  صار عمي
ماريان:  وسام زمرد دكول وين ضميت الحلويات
وسام: اكلناهن ورحنه وين نايمه جانت
ماريان: ها بلعافيه زين شفت ماما وين
وسام:  يي راحن كلهن مدري وين خاف بلصاله
ماريان:  تمام شكرا
تميم:  ماريان تعاي وياي اخذي ملابسي اكويهن
ماريان: بهمس اني لو زمرد
تميم:  بابتسامه شمدريج
ماريان: عيني احنا محد تضم ع الثانيه كلشي بليل ينكت من الالف للياء وضحكت
تميم:  دمشي امشي
ماريان: صعدت وياهم مهيمن اول ما دخل كال
مهين: يلا تميم حبيبي شيل غراضك ونام بلكاع
تميم:خاب نجب مانام بلكاع لو تموت
مهيمن:  هيج تعامل الخطار مال الغسل كون
تميم:  منو كال انته خطار انته من اهل البيت واهل البيت عادي ينامون بلكاع
مهيمن: مريان شدكولين مو لازم اهل البيت يحترمون الخطار
اوس: قبل متحجي ماريان لاانته ولاتميم ينامون ع الجربايه اني انام وانجبو يلا فضت راحت شدكولين ماريان
ماريان: هو صح كلامكم بس الاحسن حتئ محد يزعل منكم كلكم نامو ع الجربايه مو احسن
تميم:  مو اني اخوج يول غير توكفين وياي
مهيمن: واحنا ولد عمها
ماريان: تميم يلا انطيني الملابس ارد اروح
تميم: نسيت السالفه من وره هاذا
مهيمن:  تجيك التهايم وانته نام
ماريان: بضحكه يلا يمون ابن عمك
مهيمن:  يي طبعا
تميم :  غصبا مااعليكك هاج ماريانه اكويهن عدل
ماريان: بضحكه يي تدلل. تصبحون ع خير
الشباب : وانتي من اهل الخير
مهيمن: اوس قميصي الاسود  وين خليته
اوس: هاذا بلجنطه
مهيمن: طلعته ولكيته صاير بي كسرات
لك اوس هاي شلون حاطه بلجنطه مو كتلك رتبه يلا تحطه غسل غسلك
اوس: دنجب يعني هيه جنطه شلون احطه مثلا اسويله عازل وبعدين  مو ماريان راح تكوي ملابس تميم انطي الها
مهيمن:  عيب منها
تميم : لاعادي روح كلها
مهيمن: وينها الكاها
تميم : اخير غرفه غرفتها روحلها
مهيمن : ماشي رحت وصلت للغرفه صحتلها
ماريان : طلعت من غرفه تميم واني اضحك ع شكلهم شلون يتعاركون ع الجربايه دخلت للغرفه عاطت يقين
يقين :وين رحتي كلت نامت جوه
ماريان:  وجع غير نزلت نوب صعدت ووسام يكول اكلوهن الحلويات وتميم دز الملابس ست زمرد
زمرد: حطيهن يمج الباجر اكويهن
ماريان : لااكويهن هسه حتئ اوديهن اله قبل مينامون وضحكت
ورد: شكو تضحكين
ماريان: سولفتلهن السالفه وضحكن هستوني كعدت وسمعت صوت مهيمن يصيحني
يقين:  هاها شعدكم
ماريان: وجع شمدريني غير كاعده يمج اني
لبست شالي وطلعت ها مهيمن محتاج شيء
مهيمن:  احمم بس هاذا القميص اكوي وياج اذا متصير زحمه
ماريان:  لاعادي تدلل اكمله واجيبه ويه ملابس تميم
مهيمن:  ماشي مشكوره اني جان صحت زمرد بس هاي ادري بيها متعرف تكوي
ماريان : بضحكه  لا اني اكوي اطمئن
مهيمن: يي فدوه لطولج يلا رايح اني
ماريان: الله وياك دخلت جوه واني اضحك ع سالفه زمرد تلكتني ياسمين شبيج تضحكين
ماريان:  وجع شبيجن حرام اضحك
يقين: لامو حرام بس يجوز مهيمن حجالج شيء وضحكتي
ماريان : ضحكت وكلت اويلي عليك ياتميم راحن ملابسك
زمرد : شبيج
مهيمن:  لابس مهيمن كال اكدر اصيح زمرد بس ادري بيها متعرف تكوي وخاف  تحرك الملابس
زمرد: لا جذاب باعي راح اكويهن ونشوف
ماريان:  يلا نشوف ليش لا وهمه الحكم رحت جبت الاوتي الثاني وبدينه نكوي كملت اني وزمرد بعدها انتضرتها وشفت القميص لج شنو هاي بعد ممكوي عدل
زمرد: لا معليج عدل امشي نروح
ماريان : رحنه دكيت الباب تميم صاح تفضل دخلنا وشفتهم شامرين الملفات وديشتغلون مدري شنو كتله تميم كملنا وضحكت انطيت القميص لمهيمن هو ضحك
مهيمن: مشكوره عاشت ايدج
ماريان :ببتسامه  دلل
تميم: هاي شنو ماريانه شلون كوي هاذا
ماريان:  مواني كويته تره هاي زمرد
تميم:  هاا مشكوره
زمرد: دلل يلا ماريانه رايحه قبلج
ماريان:  اوكي اني هسه اجي
مهيمن: هاا جنه تورط تميم
ماريان: يي ولله
تميم : عيني ماريانه جيبي لاوتي واكوي هنا عيب تاخذي هناك
ماريان:  بضحكه اوكي هسه اجيبه رحت للغرفه كالت يقين هاا شكالو كتلها راح تعرفين شكالو اخذت الاوتي واشرتلها
زمرد:  عادي واذا يعني المهم جربت
ماريان:  يي عادي يلا رايحه اني رحت دكيت الباب ودخلت اكوي شويه وسمعت واحد غلط يمه شلون غلط مال شوارع كبل صاح مهيمن
مهيمن : اوس انطي كتم يمعود مو انفضحنه
ماريان: تميم هذا  راح اعلكه بلكنتور
تميم:يي عاشت ايدج ياورده
ماريان : دلل طلعت ورحت للغرفه سولفنه وفرشنا كلنا بلكاع ونمنه خلينه المبه ع ساعه 8 ونص نمنه مااحسينه بس ع صوت الموبايل كعدت البنات مقبلن يكعدن نزلت جوه لكيتم كااعدين ساعدت ماما كالت روحي كعدي البنات والولد خلي ينزلون يتريكون رحت للبنات كعدتتهن وبلكوه كعدن اله هددتهن اذب عليهن مي رحت للغرفه تميم دكيت الباب مرتين محد رد فتحت الباب لكيتهم كلهم نايمين ع الجربايه رحت لتميم كعدته ميكعد كعد مهيمن كتله صباح الخير
مهيمن:  نايم واسمع احد يكعد بتميم شفتها ماريان كالت صباح الخير كتلها صباح النور
ماريان: بس اكعدو تريكو ابويه يكول
مهيمن : ماشي اني اكعدهم هسه
ماريان : اوكي رحت لغرفه يزن لكيتهم نايمين بلكاع والغرفه هوسه خرب يومهم صحت ع يزن يمعود اكعد جادد اكعدو رحت جبت دولكه مال مي وذبيتها صارت ع يزن وجاد كعدو مخروعين كتلهم صباح الخير تعالو تريكو وطلعت ركض صار كدامي مهيمن خففت السرعه هههههه ردت اوكع لزمي
مهيمن: الله شبيج ولج شفتي جني
مريان:  ههههه لا ذبيت مي ع يزن وصارت بوجه جاد هم واجو ورايه
مهيمن: بضحكه اجو تره وراج واكفين
ماريان: يبوو
مهيمن: تعاي اني وياج معليج شتردون جنكم شواذي
جاد: شمرت علينه مي واحنا نايمين وشلون جنت اتحلم جن وحده تخبل اجت كبلت وياي هسه من الزمج واكسرج هم احد يكلي ليش
مهيمن: اصلا سهلت عليك الشغله خلتك تكمز حتئ تعرف هاذا حلم امشي انزلي هسه ننزل احنا
ماريان : بابتسامه اوكي
مهيمن: بضحكه اوكي يابه
يلا امشو بدلو وخلي ننزل عيب من عمي من مساع دز علينه ننزل رحت كعدت اوس وتميم وبدلنه ونزلنه صبحنه عليهم تريكنه وكعدنه بلاستقبال وجاد شكه ع ماريان عد عمي
ابو تميم: ماريانه تعاي
وره شويه اجت ماريان
ماريان :ها بابا
ابو تميم: ليش هيح بابا تذبين عليهم مي
ماريان: بابا ولله راح صوتي اكعد بيهم ميكعدون ذبيت عليهم مي وهاا حتئ تميم واوس لو مااكاعد مهيمن هم جان ذبيت عليهم مي
تميم: مهيمن عاشت ايدك من كعدت جان هسه احنا سابحين
مهيمن بضحكه: يي باع شلون احبكم
ماريان: هسه تصالحنه مو وجاد عندي نستله اخذها ونصالح ماشي تذكرت البنات كالن هاي كلمه مهيمن باوعتله وابستمت
مهيمن: اباوعلها شلون تحجي وره شويه كالت ماشي وابتسمتلي رديتلها الابتسامه
ماريان :رحت نضفنه وغسلنا مواعين بدينه نحضر بلغده وصبينه اجو الولد ساعدونه تغدينه ومتخله من ضحك جاد ويزن ووسام وعركاتهم لحد ميصيح بيهم تميم لو ابويه يلا يسكتون كملنا الغده سويتلهم جاي ووديته الهم بعدني داوزع اجه مهيمن اخذ الصينيه مني وهمس عدلي شالج ركبتج كلها طالعه كتله يي هسه انطيته اله ورحت يم البنات نزعت شالي وبدينه نغسل مواعين اجه تميم
تميم: ماريانه جيبيلي الملابس الكويتيهن البارحه بسرعه
ماريان: تمام جبتهم سئلت علي كالن البنات طلع بره لبست شالي عدل وطلعت شفت بس مهيمن بلطرمه سئلته ع تميم
مهيمن :اجت ماريان تريد توزع الجاي اول منطت لامي ركبتها كلها طلعت كمت اخذته منها وكتلها ع شالها كالت يي هسه وراحت دكو عليه وطلعت بره شويه واجت ماريان وبيدها ملابس تميم سئلت علي كتلها هسه شويه ويجي رادت تروح صحتها
ماريان: ها
مهيمن: احنا موو كلنا نصير اصدقاء
ماريان: يي طبعا بعدنه اصدقاء
مهيمن: زين اني معندي اي شيء الج اكدر اتوصل بي وياج
ماريان: انطيك رقمي
مهيمن : ردي
ماريان: اخذت موبايله سجلت رقمي تفضل بس احفضه
مهيمن:اوكي ع كولتج ابتسمت الها ردت الابتسامه وكالت
ماريان: اني راح اروح اذا اجه تميم خلي يصيحني ماشي
مهيمن:ابتسمتلها نص خد وكتلها ماشي
طلع ابويه كال يلا مهيمن بويه تحضرو نروح
ماريان: دخلت مبتسمه يعني هسه احنا اصدقاء شعور حلو دخلت لكيت زمرد وورد ديحضرن غراضهم حتئ يرحون ضجت عليهم شيصير لو بيتهم يمنه مثل بيت عمو رسول راحو عمامي اني رحت كبل سبحت ونمت حتئ بدون مامشط كعدت العصر بلاعيمي وفلاونزه اجت ماما شافتني رزلتني لان نايمه وشعري مبلل كمت مشطت فتحت موبايلي لكيت رساله من مهيمن
مهيمن:وصلنا للبيت دزيتلها رساله اني مهيمن نمت كعدتني زمرد كالت دنيا غروب اكعد دكول ماما
مهيمن: ماشي نزلت فتحت الموبايل لكيته دازتلي هلا بيك كتبلها شلونج نزلت جوه خابرني تميم وطلعنا
ماريان: دزيتله ونزلت جوه حضرت العشه اني وياسمين اكلنا وشربت علاج وصعدت شفته دازلي رديت علي وسديت النت بديت اقره اني وياسمين ل11 بليل كملت فتحت نت لكيته دازلي
مهيمن: طلعنا واوس كال خلي نشتري للبنات عصاير
تميم: يانشتريلهم عدنه ماريان مايعه روحها دكول امي من الفلاونزه من ارجع اجيبلها علاج من الصيدليه اليمنه
مهيمن رجعنا للبيت دزيتلها شلون صرتي تميم كال مريضه وره دقايق ردت عليه
ماريان:الحمدلله شويه احسن انته شلونك
مهيمن: الحمدلله بخير دامج بخير
ماريان: دومك وحشه عليكم البيت هدوء
مهيمن: صح اني هم تعودت عليكم
ماريان : شيصير لو بيتكم يمنه مثل بيت عمو رسول لو كلنا بيت واحد حلو
مهيمن: ان شاءالله ادعي نجي يمكم
ماريان: يارب امين
مهيمن :اخذي راحتج
ماريان: تصبح ع خير
مهيمن: وانتي من اهل الخير
راحت واني ضليت افكر ليش من دون بنات عمامي ردت احجي وياها مكدرت اوصل للحل استسلمت ونمت
ماريان:راح واني حجيت ويه البنات بلكروب صارت ب12ونص نمت
تميم: كااعد اشتغل بلغرفه واجت بالي من غركتني بلصونده لو من كوت ملابسي ضحكت علئ سوالفها كملت شغلي ونمت

يتبع.......
دره ال حـسـن

ملاحضه (اوس ومهيمن نفس العمر لان ابو اوس وابو مهيمن تزوجو نفس اليوم)