الساعه 7 صباحا في بغداد
نايمه وكالعادة احلم بكوابيس
سدر: ألق ألق ولج ألق كومي
كمت بسرعه وبخوف: وخر عني وخرر
سدر:شبيج ألق لاتخوفيني
بعد ماستوعبت هاي الحياه الواقعيه: مابيه شي سدوره جنت احلم بكابوس شتردين حبيبتي
سدر: ماما تكول كعدي بسرعه راح الوقت علمود تاكلين لكمه وترحون لكربلاء علمود تخلصون اجراءات الجامعه والقسم الداخلي
ألق: اي حبيبتي روحي واني جايه وراج
بعد ما راحت سدر تذكرت الكابوس انتبهت انو اديه و رجليه يرجفن من هول المنظر الي شفته بالحلم تعوذت من الشيطان ونزلت جوه
فاطمه:ها ألق ماما كعدتي
رحت بست راسها وكلت: اي ماما كعدت
سميه: جا اني ماكو الي بوسه
رحت بستها وكلت: كم خاله عندي اني طبعا الج بوسات مو بس بوسه
سميه تحجي و تبجي: اوف يايمه شوكت يجي وليدي واصبح ع وجهه ويجي يبوسني
ألق: خاله حبيبي لاتنقهرين متأكده لو عنده وقت يجي بس تدرين هوه دراسته هناك وهاي السنه اول سنه راح يدرس بالجامعة
سميه: ادري ياخاله بس اني مريضه وماريد اموت واني ماشايفته
ألق:اسم الله عليج خاله
فاطمه: سميه ذكري الله خيتي لا تخافين متاكده راح يجي وانتي ألق حبيبتي روحي بدلي واني راح اسوي ريوق حتى مانتأخر
رحت بوست بيبي و جدو يالله شكد احبهم همه سعادة البيت
صعدت ابدل واني مقهوره ع خاله طبعا خاله سميه منفصله عن زوجها همه يكولون مامتفاهمين بس اني
متأكده اكو شي ثاني وزوجها اخذ ابنها وطلع للخارج همه عايشين ب بريطانيا ابنها اجه كم مره
بس اني ماشايفته ابد بس الي اعرفه انو هوه اكبر مني ب سنتين اني عمري 19 و هوه 21
رحت لبست بنطلون اسود وتيشيرت اسود مرسوم بي شخصية انمي وحطيت سلسله فضي ع البنطلون وشعري خليته محلول
ولبس حذاء سوده
حضرت اغراضي من شامبو وغراض العنايه واشياء احتاجهن لان راح ابقه بالاقسام واخذت اهم شي سماعاتي لان ماكدر مااسمع موسيقى او اغاني كملت ونزلت
أنت تقرأ
كابوس حزيران
Romanceكان لدي احلامي كما كان لدي الكوابيس , لكن احلامي ساعدتني في قمع الكوابيس. - يوناس سولك-
