كابوس حزيران

مشهد

مشهد1

باوع لرسمي وقال: انتي مريضه نفسيه

ألق:عفواااا

_ هاي الرسوم والاشكال الغريبه الي دترسميها وخاصتا الاشكال المخيفه تدل ع اضطرابات نفسيه وبالاخص الاشياء الي تشوفيهن و الرسم يعكس

باطن الرسام يعني تعكسين مشاعرج ع اللوحه وعلمياً ينصح بالرسم لتفريغ الطاقه وبنفس الوقت لتحليل الشخصيه وهاي الرسومات الي ترسميها نابعه من داخلج ومن مخاوفج

ضليت صافنه كل كلمه كالها صحيحه بس معقوله عندي اضطرابات بسبب الكوابيس او يمكن الاضطرابات سبيت الي كوابيس

ألق:هاا لا مابيه شي بس هيج عجبني
______________________________________
مشهد2

_ سلام شلونج ألق

ألق ابتسمت ابتسامه مزيفه: الحمدلله

_دومج

ألق:تسلم

اشرت *** علمود تنقذني منه هي كبل فهمت عليه اجت وصاحت

_ألق تعالي هاي امج ع الخط

_اني اترخص اخذو راحتكم

ألق:براحتك ،سويت نفسي اخذت التلفون الو ماما شلونج اي زينه الحمدلله انتي شلونج سدر ، خالتي

من راح حضنت *** اروح فدوه للتفهمني اليوم غداج ع حسابي شتردين طلبي

_خادم للحلو شعندي غيرج يلا تعالي اني ميته جوع اريد ماعونين ريزو سبايسي
______________________________________
مشهد3

ألق:سؤال

_جواب

ألق:ليش احس اسلوبك بارد وبنفس الوقت من تصير عصبي تصير مثل البارود  و جسمك ضخم ومعضل وانته طويل وعيونك حاده وخشمك حاد تدري اني اول ماشفتك خفت

_اني هيج شخصيتي وبالنسبه الشكلي كلها البنات  كاتله روحها عليه

باوعتله صفح وكلت

ألق:لا تثق بنفسك ثقه زايده لان تصعد تصعد وتصير طيحتك قويه وبعدين اني ماكتلك مو حلو كلت شكلك يخوف

_ اني مو واثق ثقه زايده بس كتلج اغلب البنات كاتلات روحهن عليه لان هاي الحقيقه  انتي اول بنيه ماطايقتني

ألق:اني اذا فديوم انعجبت بشخص مااعترفله لحد ما اشوفه معجب بيه لان كبريائي مايسمحلي انرفض

_اني نفسج بس مرات الحب يحتاج تضحيات

ألق:يب صحيح يمكن فديوم اذا حبيت اضحي

_يمكن