بعد مرور فترة
لبنى جنت متمدده اكلب بالإنستا طلع لي منشور خلاني افز من مكاني معقوله...
( الكاتبه غدير الشمري )
عمر : لبنى لبنى شبيج شفتي شي احد حجه وياج
لبنى بدهشه : ها ماكو شي ها اي عمر شبيك ع شنو تسأل و دموعها كامت تنزل
عمر: لبنى حبيبتي شبيج شصار احجيلي
لبنى : هاك شوف..
شوفته المنشور و ضل مصدوم دخل ع الحساب ضل يكلب بالصور القديمه و اني ويا الولد غريب و بس هذا المنشور صورة شخص ويا صدمتنا معقوله هوة بس شجابه علي وين عرفه و هوة مو بالمظاهرات استشهد لا لا اكيد مو هوا .....
عمر : لبنى دزيلي اي منشور من الحساب خل احجي ويه الولد اشوف اتأكد
لبنى : تمام هسه راح ادزلك
عمر: تمام انتي روحي غسلي وجهج و ديري بالج احد يعرف بشي خلي نتاكد كلش يلا
لبنى: اكيد حبيبي مراح احجي شي و لا ابين و انت هم اي شي يصير تدز لي
عمر : ان شاء الله حبيبتي
ام عمر ( بصوت عالي): لبنى لبنى وينج تعالي هاي ميرا تتصل تكول مدا احصلها
لبنى: اي ماما جيت جيت
ام لبنى: ماما حبيبتي اليوم عازمين بيت عمج ابو ميرا لان يريدونها تغير من نفسيتها كومي امي حظري ويايه و حظري نفسج هم خما تبقين هالشكل
لبنى: تمام ماما هسه حروح
ام لبنى: اني هم اروح اكمل شغلي
لبنى ( بصياح) : ماماااااا مااااااماا
ام لبنى ( بخوف): ها امي شجاج شصار احد مات
لبنى : لا ماما مو مو دا اكولج لتسوين حلا لان اني اريد اسوي ها و هم شنو البس
ام لبنى( زفير قوي): الله يسامحج بنتي البسي فستانج الأحمر و الحلا عليج بس استعجلي مو يجون و انتي ماكو
لبنى : ما اتأخر يلا حبيبتي رايحه للمطبخ
لبنى...
رحت للمطبخ و ضليت افكر معقولة الي شفته معقولة يطلع نفس الشخص يا ربي راسي حينفجر
طلعت الصورة ضليت اباوع عليها زين ليش ما مسويله تاك رحت ادور بالأصدقاء ماكو يا ربي صبرني قطع صفنتي صوت امي
ام لبنى: لبنى ماما حبيبتي كملتي ما ضل شي و يجون
لبنى : اي ماما اي
دزيت رساله لعمر كتله يجيب كيك و دونات لان ما الحك اسوي اي شي يا دوب ابدل طلعت من المطبخ ركض رحت للحمام سبحت و طلعت للغرفه دايخة ما اعرف شحيصير كملت تبديل و رجلي أخذتني للقبله صليت و نزلت اشوف امي طبعا استلمتني ليش ما سويتي شي و هسه شنقدم كتلها ماما ما عدنا المكونات وصيت عمر هوا حيجيب ويا
ام لبنى: تمام بنتي هسه انتي روحي لعد سوي جاي و خابري اخوج يجيب عصاير ،ببسي اني هم يا دوب الحك ابدل
لبنى: هسه حخابره
عمر..
جنت اراسل الولد و لبنى خابرت ، هسه وكتج كل شوي و داكه : ها يلبلوا شرايدة
لبنى: يما ع كيفك امي تكول جيب شي يشربوا و كون بارد
عمر : ها خما بينتي شي لامج
لبنى: عمر ما لحكت اكوي بالليل
عمر: تمام حبيبتي
سديته منها و عرفت امي يمها ما كدرت تحجي، رجعت اراسل الولد...
( غدير الشمري )
_______________________________
عبدلله..
ورا ما نشرت الصورة مالتي و مال الفهد بالليل وصلتني رساله من حساب ولد سأل على الفهد اول شي ما جاوبت دخلت على الحساب شفت الصور ، سبحان الله الشبه و نفس اسم العائله معقوله احد من اهله .. بس اني ابويه كال هوا وحيد هله زين هذا منين المهم خابرت ابويه ع الشغل و كال تعال للمكتب و نحجي.. رحت له شوفته حساب الولد..كال هذا ابن عمه ، شوف بابا ...
عبدلله : حاضر بابا ، يلا اني اروح هسه
ابو عبدلله: روح بابا الله وياك ابني
طلعت من يم ابويه رحت للبيت كلت باجر اجاوب الولد.. جيت انام شفت مو مال اضل اخلي ينتظر فتحت الرساله و حجينا و عرفت هوا ابن عمه و اتفقت ويا ما يجيب سيرة حته لأخته لان كالي هوا منين جاب المنشور لان اني مشهور بالبصرا و كال اني هم متابعك بس جنت ما فاتح انستا .. اتفقنا نلتقي ببغداد على نهاية الاسبوع ..
٦٠٦ كلمة
يتبع...
غدير الشمري
