أوَ ليسَّ العُيون َتُخفي سِرها ..مالها عَينّايَّ بِذِكركَ تفيضُ..
غدير الشمري
___________________________
عمر ..
جنت يم عمي و ابويه كاعدين نسولف اندك الباب جوي زلم ع ابويه كلت سعدهم بعدين تذكرت اليوم عطله و يجون يلتمون و ابويه الجبير استقبلتهم و رحت دا استعجلهم ع الاكل ( هما يسوون اكل كافي لان يحسبون حساب لهاليوم )بس اني راح من بالي كان كل همي السالفه مال الفهد و اني سرحان جتني رساله من عبدالله
( اني وصلت بغداد بس جيت وحدي )
عمر :( ليش !؟ وينه )
عبدالله :( من نلتقي افهمك ان شاء الله ما اكدر احجي بالتلفون بس اوصل نحجي)
عمر: ( تمام حبيبي يلا انتظرك باجر ان شاء الله)
.. سديته منه و رجعت يم ابوي و عمي كالو روح جيب الاكل صاحوك ، رحت جبته وكعدنا اكلنا وراها كمت جبت الجاي و كعدت اسولف وياهم لان ما اريد احد ينتبه بس شنو بالي مو يمهم و ما ادري شيحجون ....
تررن ... ترررن اهتز التلفون بجيبي استرخصت منهم و طلعت ، قبل لا اطلع دزيت رساله للبنى كتلها راح اروح التقي بالولد انتي خليج طبيعيه ولا تحسسين احد بشي و اني اي يصير ادزلج 💕
- لبنى : وك الله وياك انتبه لنفسك 💕❤️
- عمر: ان شاء الله مع السلامه ❤️
_________________________
ها حجي لكينا بفلان فندق ويا ابن حجي عماد
-حجي سليمان : بويه تروحون و تخلوهم يجون هنا و توجبوهم
- حسام : حجي زين شنو اللي غير رايك و خلاك تحط ايدك بايد حجي عماد بو عبدلله
- حجي سليمان : بويه هاي الامور ما تستاهل و بعد الله غفور رحيم و اني هم باوعت ع نفسي شفت اعادي الرجال علمود كم فلس واكفه و انت ذاك الشهر من سافرت انا التقيت بي و تفاوضنا و خلص كل شي ف اللي اريده منك تروح لابن عمك و صاحبه ابن حجي سعد و شوف شيحتاجون
-حسام : حاضر عمي اني اترخص
-حجي سليمان : الله وياك بويه
_______________________________________
الخميس الساعه ٤ العصر
لبنى : يلا اني جاهزه ماما اني و عمر راح نمر ع ميرا و نطلع بس نتاخر يلا نرجع لا يظل بالج حبيبتي 💕💋
ام لبنى: الله وياكم يمه بحفظ الرحمن
__________________
عند ميرا
تجهزت و لبست لبنى لحت عليه ما ادري شعدها خلتني اكشخ اللي تكول راح انزف 😂🤌🏻 لا مو لهالدرجه بس طلعت احلى لبس عندي على طلبها باوعت ع نفسي بالمراية تذكرت الفهد و ابتسمت لا اراديا و بنفس الوكت ارتاحيت لان اهلي اعتذروا من الناس اللي رادوني كملت تبديل و نزلت انتظر عمر و لبنى يجون .. ورا خمس دقايق دك تلفوني هاي لبنى ليش ما طبت ! طلعت الهم كالوا نتأخر اذا نزلنا من نرجع نجي يمكم و لبنى تنام عندج
