ﺍﻟـﺤﻠﻘﺔ ﺍﻟـ 3
ﻟﻠـﻜﺎﺗـﺒﺔ || ﻓـﻠﻮﻧـﺔﺓ 💻👩
ﺍﻣﻴﻤﻪ (ﻧﺰﻟﺖ ﻣﻦ ﺍﻟﺴﻴﺎﺭﻩ )
( ﻓﺘﺢ ﺍﻟﺒﺎﺏ ) :ﺧﺸﻲ
ﺍﻣﻴﻤﻪ ﺧﺸﺖ ﻭﻗﻌﺪﺕ ﺍﺗﺒﺤﺖ ﻓـ ﺍﻟﺸﻘﻪ ﺧﺸﺖ ﻟـ ﺩﺍﺭ ﺍﻟﻨﻮﻡ ﺣﻮﻟﺖ
ﺍﻟﺒﺮﻧﻮﺹ ﻭﻗﻌﺪﺕ ﺗﻠﻒ ﻓـ ﺍﻟﺤﻮﺵ ﻭﻓﺠﺄﻩ ﺟﺖ ﻋﻴﻨﻬﺎ ﻓـ ﻋﻴﻦ ( ﻏﺪﻱ )
ﻋﺮﻳﺴﻬﺎ ﻭﺍﻧﺼﺪﻣﺖ ﺑـ ﺷـﻜﻠﻪ ﻭﻋـﻴﻮﻧﻪ ﺍﻟـﺨﻀﺮ ﻭ ﺷﻌﺮﻩ ﺍﻟﻤﺮﺗـﺐ
ﻭﻣﻼﻣﺤﻪ ﺍﻟﻮﺍﺿﺢ ﻋـﻠﻴﻬﻦ ﺍﻟـﺠﺪّﻳﺔ ، ﻫﺬﻱ ﺍﻭﻝ ﻣـﺮﻩ ﺗﺸﻮﻓﻪ
ﻏﺪﻱ ( ﺭﻓـﻊ ﺣﺎﺟﺒﻪ )ﺍﺣﻢ ﻳﺎ ﺍﻧﺖِ
ﺍﻣﻴﻤﻪ ( ﺳﺎﺭﺣـﻪ ﻓـﻴﻪ )
ﻏﺪﻱ : ﻳﺎ ﺍﻧﺖِ ﻧﺪﻭﻱ ﻣﻌﺎﻙ
ﺍﻣﻴﻤﻪ ( ﻓﺎﻗﺖ ﻉ ﺭﻭﺣﻬﺎ ) : ﻧـ .ﻧـﻌﻢ
ﻏﺪﻱ ( ﻗـﺮﺏ ﻣﻨﻬﺎ ) : ﻗﺎﻟﺘـﻠﻚ ﺧﺎﻟﺘﻲ ﻋﻠﻴﺶ ﻣﺘﺰﻭﺟﻚ ﺍﻧﺎ ﺻﺎﺡ؟
ﺍﻣﻴﻤﻪ ( ﺗﺒﻌﺪ ) :ﻟـ .. ﻻ ﻣﺎﺗﻘﺎﺑﻠﺘﺶ ﺍﻧﺎ ﻭﺧﺎﻟﺘﻚ ﺍﺻﻼً
ﻏﺪﻱ (ﻳﺰﻳﺪ ﻳﻘﺮﺏ ) : ﻭﺍﻟﻲ ﺟﺖ ﺧﻄﺒﺎﺗﻚ ﻫﺬﻱ ﻣﻦ؟
ﺍﻣﻴﻤﻪ ( ﻣﺮﺗﺒﻜﻪ ) : ﻫـﺬ .. ﻫـﺬﻱ ﺧﺎﻟﺘﻚ ؟ﻧﺤﺴﺎﺑﻬﺎ ﺍﻣﻚ
ﻏﺪﻱ ( ﺑـﻬﺪﻭﺀ ﻣﺴﺘﻔﺰ ) : ﺍﻩ ﻫﺬﻱ ﺧﺎﻟﺘﻲ .. ﻗﺎﻟﺘﻠﻚ ﻋﻠﻴﺶ ﻣﺘﺰﻭﺟﻚ؟
ﺍﻣﻴﻤﻪ ( ﻫـﺰﺕ ﺭﺍﺻﻬﺎ ﺑـ ﻻ )
ﻏﺪﻱ ( ﻭﻗﻒ ﻭﻣﺴﺢ ﻭﺟﻪ ﺑـ ﻳﺪﻳﻪ )
ﺍﻣﻴﻤﻪ :ﻋـ .. ﻋﻠﻴﺶ ﻣﺘﺰﻭﺟﻨﻲ؟
ﻏﺪﻱ : ﺍﺳﺘﻨـﻲ ﺑﻜﺮﺍ ﺍﻛـﻴﺪﻩ ﺣﺘـﻘﻮﻟﻚ ﻭﺍﺫﺍ ﻣﺎ ﻗﺎﻟﺘﻠﻜﺶ ﺣـ ﻧﻘﻮﻟﻚ ﺍﻧﺎ
(ﺧـﺶ ﻟـ ﻏﺮﻓﺔ ﺍﻟﻨﻮﻡ ﻭﻃﻠﻊ ﺩﺑﺶ ﻧﻮﻡ ﻭﻃﻠﻊ )
ﻏﺪﻱ : ﺍﻧﺖِ ﺗﺮﻗﺪﻱ ﻫﻨـﺎ ﻭﺍﻧﺎ ﻧﺮﻗﺪ ﻓـ ﺍﻟﺼﺎﻟﻪ
ﺍﻣـﻴﻤﻪ 😳: ﺑـﻪ ..
ﺧﺸﺖ ﺍﻣﻴﻤﻪ ﻟـ ﻏﺮﻓﻪ ﺍﻟﻨﻮﻡ ﻗﻌﻤﺰﺕ ﻉ ﺍﻟﺰﻳﺎﻧﻪ ﻭﻋﺮﻓﺖ ﺍﻧـﻬﺎ ﻃﻠﻌﺖ ﻣﻦ
ﺳﺠﻦ ﻭﺧﺸﺖ ﻉ ﺳﺠﻦ ﺍﺧﺮ
ﺍﻣﻴﻤﻪ ( ﺗﻤﺴﺢ ﻓـ ﺍﻟﻤﻜﻴﺎﺝ ﻭﺗﺪﻭﻱ ﺑﻴﻨﻬﺎ ﻭﺑﻴﻦ ﻧﻔﺴﻬﺎ ) : ﺍﻣﻴﻤﻪ ﻣﺮﺍﺕ ﻫﻮ
ﻫﻜﻲ ﻃﺒﻌﻪ ﻋﺎﺩﻱ ﺧﻴﺮ ﻣـﺎﺗﻘﻌﺪﻱ ﺷﻐﺎﻟﻪ ﻟـ ﻳﻮﻧﺲ ﻭﻣﺮﺍﺗﻪ ﻋﺎﺩﻱ
ﺍﻣﻴﻤﻪ ﻃﻠﻌﺖ ﺑﻴﺠﺎﻣﺎ ﺣﺮﻳﺮ ﻭ ﺭﻓﻌﺖ ﺷﻌﺮﻫﺎ ﻓﻮﻕ ﻭ ﻗﻌﺪﺕ ﺗـﺪﻫﻦ ﻓـ
ﺍﻟﻜﺮﻳﻤﺎ ﻉ ﻳـﺪﻳﻬﺎ ﻭﺗـﻔﻜﺮ : ﻳﻤﻜـﻦ ﻫﻮ ﻣﺘﺤـﺸﻢ ﻣﻨّـﻲ ﻭﺍﻧﺎ ﻣﺘﺤﺸﻤﻪ ﻣﻨﻪ
ﻓـ ﻣﺶ ﺡ ﻧﺘﻔﺎﻫﻤﻮ ﺍﻧـﺎ ﺣـ ﻧﻜﺴﺮ ﺍﻟﺤﺎﺟﺰ ﻫﺬﺍ
_____________
ﻭﻓـ ﺣﻮﺵ ﻣـﺒﺮﻭﻛـﻪ .. ﺧﻴﻤﻪ ﺍﻟﻌﺮﺱ ﻣـﺰﺍﻟﺖ ﻗﺎﻋـﺪﻩ ﻭﻓـﻲ ﻋﺰﺍﻳﺰ
ﺑﺎﻳﺘﺎﺕ ﻭﺟﻠﻨﺎﺭ ﻫـﻲ ﺍﻟﺒﻨﺖ ﺍﻟﻮﺣﻴﺪﻩ ﺍﻟﻲ ﻗﺎﻋﺪﻩ ﺗﺨﺪﻡ ﻓﻴﻬﻦ
ﺟﻠﻨـﺎﺭ ( ﺗـﺒﻜﻲ ) : ﻳﺎ ﺍﻣﻴﻤﻪ ﻭﻳﻦ ﻣﺸﻴﺘﻲ ﻳﺎ ﺍﻣﻴﻤﻪ
ﺟﻴﻬﺎﻥ (ﻣﺎﺳﻜﻪ ﻳﺪ ﺍﻟﺘﻮﻳﻨـﺰ ) : ﺍﺳﻤﻌﻲ ﻳﺎ ﻓﺮﺧﻪ ﺍﻧﺎ ﺗﻌﺒﺎﻧﻪ ﻣﻦ ﺍﻟﻌﺮﺱ
ﻭﺣﺎﻣﻞ ﺍﻣﺴﻜﻲ ﻏﻴﺮﻱ ﺩﺑﺶ ﺳﺎﻟﻢ ﻭﺳﻠﻴﻢ
ﺟﻠﻨﺎﺭ : ﺍﻧﺎ ﻣﺰﻟﺖ ﻣـﺎﻏﻴﺮﺕ ﺩﺑﺸﻲ .. ﻧﻐـﻴﺮ ﺩﺑﺶ ﻓﺮﻭﺧﻚ؟؟
ﺟﻴﻬﺎﻥ :ﺍﻓﻔﻒ ﺍﻧﺎ ﻧﺤﺎﻭﻝ ﻧﻘﻌﺪ ﻣﻌﺎﻙ ﻛﻮﻳﺴﻪ ﻭﻧﻄﻠﺐ ﻣﻨﻚ ﺑﺪﻭﻥ ﻣﺎﻧﻠـﺠﺄ
ﻟـ ﻳﻮﻧﺲ ﺑﺲ ﻣﺎﻓﻴﺶ ﻓﺎﻳـﺪﻩ
ﺟﻠﻨﺎﺭ ( ﺳﻜﺘﺖ ﺷﻮﻳﻪ ) ... ﺑﺎﻫﻲ ﻫﺎﺗـﻲ ﻧﻐﻴﺮﻟﻬﻢ ﺩﺑﺸﻬﻢ
ﺟﻠﻨﺎﺭ ﻏﻴﺮﺕ ﺩﺑﺶ ﺳﺎﻟﻢ ﻭﺳﻠﻴﻢ ﻭﻣـﺎﻳﺨﻠﺶ ﺍﻻﻣﺮ ﻣﻦ ﺑﻌﺾ ﺍﻟﻘﺮﺻﺎﺕ
ﺍﻟﺨﻔﻴﻔﻪ ﻭﺍﻟﻬﺰﺍﻳﺐ
ﺟﻠﻨﺎﺭ :ﻫﻴﺎ ﺍﻧﺘﻠﻔﻮ ﻟـ ﺍﻣﻜﻢ ﺍﻟﻤﺰﻳﺘﻪ ﻫﻴﺎ
ﺳﺎﻟﻢ ﻭﺳﻠﻴﻢ ( ﺑﺤﺘﻮ ﻓﻴﻬﺎ ﺯﻳﻦ ﺑﻌﺪﻫﺎ ﻗﻌﺪﻭ ﻳﻀﺤﻜﻮ )
ﺟﻠﻨﺎﺭ :ﻋﻠﻴﺶ ﺗﻀﺤﻜﻮ ﻋﻠﻴﺶ؟؟
ﺳﻠﻴﻢ : ﺍﻟﺒﻴﺠﺎﻣﻪ ﺍﻟﻲ ﻻﺑﺴﻬﺎ ﺳﺎﻟﻢ ﻫﺬﻱ ﺑﻴﺠﺎﻣﺘﻲ ﺍﻧﺎ
ﺳﺎﻟﻢ : ﻭ ﺍﻟﺒﻴﺠﺎﻣﻪ ﺍﻟﻲ ﻻﺑﺴﻬﺎ ﺳﻠﻴﻢ ﻫﺬﻱ ﺑﻴﺠﺎﻣﺘﻲ ﺍﻧﺎ
ﺟﻠﻨﺎﺭ :ﺑﺎﻫﻲ ﻋﺎﺩﻱ ﺣﻠﻮ ﺍﻟﺘﻐﻴﻴﺮ 😊
ﺳﻠﻴﻢ ﻭﺳﺎﻟﻢ ﺑﺤﺘﻮ ﻓـ ﺑﻌﻀﻬﻢ :ﺗﻮ ﻧﻤﺸﻮ ﻧﻘﻮﻟﻮﻫﺎ ﻟـ ﺑﺎﺑﺎ ﻳﻀﺮﺑﻚ
ﺟﻠﻨﺎﺭ :ﺣﺘﻰ ﺍﻟﻤﻔﺮﺥ ﻗﻌﺪﻭ ﻳﻬﺪﺩﻭ ﻓﻴﺎ ﺑﺲ ﺍﻟﻴﻮﻡ ﺗﻌﺒﺎﻧﻪ ﻭﻣﺶ ﺧﺎﻃﺮﻱ
ﻓـ ﻃﺮﻳﺤﻪ ﺗﻌﺎﻟﻮ ﻧـﻐﻴﺮﻟﻜﻢ ﺩﺑﺸﻜﻢ ﺍﻳﺘﻬﺎ ﺍﻟﻜﺘﺎﻛﻴﺖ ﺍﻟﻤﺰﻳﺘﻪ
ﻏﻴﺮﺕ ﺟﻠﻨﺎﺭ ﺩﺑﺶ ﺍﻟﺘﻮﻳﺘﺰ ﺑﻌﺪﻫﺎ ﻟﺒﺴﺖ ﺑﻴﺠﺎﺑﺘﻬﺎ ﻏﺴﻠﺖ ﻭﺟﻬﺎ ﺑـ
ﻏﺴﻮﻝ ﺑﻌﺪﻫﺎ ﻣﺴﺤﺖ ﺍﻟﻤﻜﻴﺎﺝ ﺍﻟﻲ ﻣﺰﺍﻝ ﻗﺎﻋﺪ ﺑـ ﻣﻨﻈﻒ ﺍﻟﻮﺟﻪ
( ﻧﻴﭭﻴﺎ ) ﻟﻔﺖ ﺷﻌﺮﻫﺎ ﺧﺪﺕ ﺻﻮﻧﻴﻪ ﺣﻄﺖ ﻓﻴﻬﺎ ﻛﻢ ﻟﻴﻤﻪ ﺧﺸﺖ ﻟـ ﺩﺍﺭﻫﺎ
ﺻﻜﺮﺕ ﻋﻠﻴﻬﺎ
ﺟﻠﻨﺎﺭ ( ﺗﺎﻛﻞ ﻓـ ﺍﻟﻠﻴﻢ ) : ﺍﻓﻒ ﺍﻣﻴﻤﻪ ﻣﺰﺍﻟﺖ ﻣﺎﻃﻘﺖ ﻳﻮﻡ ﻋﺸﺎﻥ ﻧﻔﻘﺪﻫﺎ
___________
ﺍﻣﻴﻤﻪ : ﺟﻴﻌـﺎﺍﻧﻪ ﺑﺲ ﻛﻴﻒ ﻧﻘﺪﺭ ﻧﻄﻠﻊ؟ ﺍﻩ ﻫﻮﺍ ﺣﻮﺷﻲ ﻋﺎﺩﻱ ﻧﻄﻠﻊ
ﺍﻣﺘﻰ ﻣﺎﻧﺒﻲ
ﺍﻣﻴﻤﻪ ﻃﻠﻌﺖ ﻣﻦ ﺍﻟﺪﺍﺭ ﺑﺤﺘﺖ ﻓـ ﺍﻟﺼﺎﻟﻪ ﻛﺎﻥ ﻏﺪﻱ ﺭﺍﻗﺪ ﻉ ﺍﻟﺼﺎﻟﻮﻥ
ﻭﺷﻌﺮﻩ ﺍﻟـﻲ ﻟﻮﻧﻪ ﻛﻮﻛﺘﻴﻞ ﺑﻴﻦ ﺍﻟﻘﻬﻮﻱ ﻭﺍﻻﺻﻔﺮ ﻭﺍﻟﻜﺴﺘﻨﺎﺋﻲ ﻣﺒﻌﺜﺮ ﻉ
ﻭﺟﻪ ﻭﻣﻼﻣﺤﻪ ﺍﻟﺠﺪّﻳﻪ ﺍﻟﻲ ﺗﺒﺚ ﻓـ ﻧﻔﺴﻚ ﺍﻟﺮﻋﺐ ﻭﻛﺎﻥ ﺍﻟﺘﻠﻔﺰﻳﻮﻥ
ﻭﺍﻟﻊ ﻉ mbc2 ﻓﻴﻠﻢ ﺭﻋﺐ
ﺍﻣﻴﻤﻪ (ﺑﻴﻨﻬﺎ ﻭﺑﻴﻦ ﻧﻔﺴﻬﺎ ) : ﺍﺫﺍ ﺷﺎﻓﺎﺗﻪ ﺟﻠﻨﺎﺭ ﺡ ﺗﻨﻜﻠﺐ 😂🤤
ﻭﺧﺸﺖ ﻟﻠﻤﻄﺒﺦ ﻓﺘﺤﺖ ﺍﻟﺜﻼﺟﻪ ﻭﻛﺎﻥ ﻓﻴﻬﺎ ﻛﻞ ﻣـﺎﻟﺬ ﻭﻃﺎﺏ
ﺍﻣﻴﻤﻪ ﺧﺪﺕ ﺻﻔﺮﻩ ﻛﺒﻴﺮﻩ ﺣﻄﺖ ﻓﻴﻬﺎ ﺷﻮﻛﻮﻻﻃﺎﺕ ﻭ ﺻﺒﺖ ﻛﻮﺏ
ﺣﻠﻴﺐ ﻭﻻﺯﻡ ﻻﺯﻡ ﻻﺍﺍﺯﻡ ﻣﻦ ﻃﺮﻑ ﺍﻟﻠﻴﻤﻪ
ﻗﻌﻤﺰﺕ ﻓـ ﺍﻟﺼﺎﻟﻪ ﻭﺣﻄﺖ ﺍﻟﺼﻔﺮﻩ ﻣﻘـﺎﺑﻠﻪ ﻏﺪﻱ ﺧﺪﺕ ﻃﺮﻑ
ﺷﻮﻛﻮﻻﻃﻪ ﻭﻗﻌﺪﺕ ﺗﺒﺤﺖ ﻓـﻴﻪ
ﻭﻓﺠﺄﻩ ﻏﺪﻱ ﻓﺘﺢ ﻋﻴﻮﻧﻪ
ﺍﻣﻴﻤﻪ ( ﺭﻋﺸﺖ )
ﻏﺪﻱ (ﺭﻓﻊ ﺣﺎﺟﻪ ) : ﺷﻦ ﺍﺩﻳﺮﻱ ﻫﻨﺎ
ﺍﻣﻴﻤﻪ ( ﺑﻠﻌﺖ ﺭﻳﻘﻬﺎ ) : ﺍﺍ ﺀﺀ ﺍﻧﺎ ﻛﻨﺖ ﻧﺘﻔﺮﺝ ﻉ ﻓﻴﻠﻢ ﺍﻟﺮﻋﺐ ﻫﺬﺍ ﺣﻠﻮ ﺑﻜﻞ
😊
ﻏﺪﻱ ( ﺑـ ﻧﺒﺮﻩ ﺟـﺪّﻳﻪ ) : ﻓﻠﻢ ﺍﻟﺮﻋﺐ ﻗﺎﻋﺪ ﻓـ ﺍﻟﺘﻠﻔﺰﻳﻮﻥ ﻣﺶ ﻓـ ﻭﺟﻲ
ﺍﻣﻴﻤﻪ ( ﺗﺤﺸﻤﺘﺖ ) : ﺍﻩ ﺻﺎﺡ ( ﻭﺗﻠﻔﺘﺖ ﻣﻘﺎﺑﻠﻪ ﺍﻟﺘﻠﻔﺰﻳﻮﻥ )
ﻏﺪﻱ ﺭﺩ ﺭﻗﺪ ﻭﺍﻟﻤﺮﻩ ﻫﺬﻱ ﺗﻠﻔﺖ ﻟـ ﺍﻟﺠﻴﻬﻪ ﺍﻟﺜﺎﻧﻴﻪ
ﺍﻣّﺎ ﺍﻣﻴﻤﻪ ﻗﻌﺪﺕ ﺍﺗﻔﺮﺝ ﻋﺸﺎﻥ ﻣـ ﻳﻌﺮﻓﺶ ﺍﻧﻬﺎ ﻛﺎﻧﺖ ﺗﺒﺤﺖ ﻓﻴﻪ
ﻭﻓﺠﺄﻩ ﻃﻠﻌﺖ ﻟﻘﻄﻪ ﺍﻟﻐﻮﻟﻪ
ﺍﻣﻴﻤﻪ : (ﻗﻌﺪﺕ ﺗﻌﻴﻂ (😭😂
ﻏﺪﻱ ( ﻧﺎﺽ ) : ﻛﻨﻚ؟؟
ﺍﻣﻴﻤﻪ ( ﻧـﻘﺰﺕ ﻉ ﻏﺪﻱ ﻭﻗﻌﺪﺕ ﺗﻌﻴﻂ )
ﻏﺪﻱ (ﺭﻓﻊ ﺣﺎﺟﺒﻪ ) :ﻛﻤﻠﺘﻲ؟
ﺍﻣﻴﻤﻪ ( ﺻﺒﺖ ﻣﻦ ﻋﻠﻴﻪ ) :ﺳـ ..ﺳـﺎﻣﺤﻨﻲ ﻣـﺎﻛﺎﻧﺶ ﻗﺼﺪﻱ
ﻏﺪﻱ ( ﻃﻔﺎ ﺍﻟﺘﻠﻔﺰﻳﻮﻥ ) : ﺧﻼﺹ ﺍﻣﺸﻲ ﺍﺭﻗﺪﻱ
ﺍﻣﻴﻤﻪ :ﺗﻤﺎﻡ
ﻭﺧﺸﺖ ﺍﻣﻴﻤﻪ ﻟـ ﻏﺮﻓﺘﻬﺎ ﻭﻫـﻲ ﻭﺍﻛﻠﻬﺎ ﺍﻟﺤﺸﻢ ﻉ ﺍﻟﻲ ﺩﺍﺭﺍﺗﻬﻪ 🙊
__________
ﺻﺒـﺎﺡ ﺛﺎﻧـﻲ ﻳﻮﻡ 🌤
ﺟﻠﻨﺎﺭ ﻧﺎﺿﺖ ﻏﺴﻠﺖ ﻭﺟﻬﺎ ﻭﺍﺳﻨﺎﻧﻬﺎ ﺳﺮّﺣـﺖ ﺷﻌﺮﻫﺎ ﺩﺍﺭﺕ ﺍﻟﻔﻄﻮﺭ
ﻟﻠـﻌﺰﺍﻳﺰ ﺍﻟﻲ ﻗﺎﻋﺪﺍﺕ ﺣﻄﺘﻠﻬﻦ ﺻﻔـﺮﻩ ﻛـﺒﻴﻴﺮﻩ ﻓﻴﻬﺎ ﺣﻠﻴﺐ ﻭﺧﺒﺰ ﺟﺒﻨﻪ
ﺩﺣﻲ ﻣﺮﺑﺎ ﻭﻗﺸﻄﻪ ﺗﻤﺮ ﻟﺒﻦ ﺣﻠﻴﺐ ﻭﻗﻬﻮﻯ ﻭﺷﺎﻫﻲ ...
ﺍﻣّﺎ ﻫـﻲ ﺩﺍﺭﺕ ﺣﻠﻴﺐ ﻭﺷﺎﻫﻲ ﺷﺮﺑﺎﺗﻪ ﻭﻗﻌﺪﺕ ﺍﺗﻔﻜﺮ ﺷﻦ ﺍﺩﻳﺮ ﻉ ﺍﻟﻐﺪﺍ
ﻣﻊ ﺧﺸﺖ ﻣـﺒﺮﻭﻛﻪ ..
ﻣﺒﺮﻭﻛﻪ : ﻗﺘﻠﻚ ﺟﺎﺭﻧﺎ ﻛﺮﻳﻢ ﺟﺎﻱ ﻳﺒﻲ ﻳﺨﻄﺒﻚ ﺑﻜﺮﺍ
ﺟﻠﻨﺎﺭ :ﻛـ ﻛﺮﻳﻢ؟؟ ﻣﺎﻟﻘﻴﺘﻮ ﻏﻴﺮ ﻛﺮﻳﻢ ﺍﻟﺸﺎﻳﺐ😳
ﻣﺒﺮﻭﻛﻪ : ﺧﻼﺹ ﺣﺼﻠﻨﺎﻟﻚ ﻉ ﻋﺮﻳﺲ ﻭﻧﺘﻔﻜﺎ ﻣﻨﻚ
ﺟﻠﻨﺎﺭ :ﻋﻠﻴﺎ ﺍﻟﻄﻼﻕ ﻣﺎﻧﻲ ﻣﺘﺰﻭﺟﺘﻪ
ﻣﺒﺮﻭﻛﻪ : ﻋﻠﻴﻚ ﺍﻟﻄﻼﻕ؟
ﺟﻠﻨﺎﺭ : ﺍﻟﻤﻬﻢ ﻓﻬﻤﺘﻴﻨﻲ ﻳﺎ ﺟﺪﻳﺪﺓ ﺍﻧﺎ ﻧﻌﺮﻑ ﺍﻧﻚ ﻃﻴﺒﻪ ﻣﺴﺘﺤﻴﻞ ﺗﺨﻠﻲ
ﺑﻨﺖ ﺑﻨﺘﻚ ﺍﻟﻤﺮﺣﻮﻣﻪ ﺗﺘﻌﺐ ﻓـ ﺣﻴﺎﺗﻬﺎ 💔
ﻣﺒﺮﻭﻛﻪ : ﻻ ﻃﻴﺒﻪ ﻻ ﺑﻄﻴﺦ ﻣﺘﺰﻭﺟﺘﻴﻪ ﻳﻌﻨﻲ ﻣﺘﺰﻭﺟﺘﻴﻪ
ﺟﻠﻨﺎﺭ :ﺑـﺲ ..
ﻣﺒﺮﻭﻛﻪ : ﻻ ﺑﺲ ﻻ ﺷﻲ ﺡ ﺗﺎﺧﺪﻳﻪ ﻳﻌﻨﻲ ﺡ ﺗﺎﺍﺧﺪﻳﻪ
ﺟﻠﻨﺎﺭ :ﻳﺎ ﺟﺪﻳﺪﻩ ﻣﺒﺮﻭﻛﻪ ﻫﻮﺍ ﻣﻮﺍﻟﻴﺪ ﺍﻟـ 70 ﻭﺍﻧﺎ ﺍﻟـ 99 ﺗـﻘﻮﻻ ﺑﺎﺗﻲ
ﻣﺶ ﺭﺍﺟﻠﻲ ﻭﺍﻟﻨﺎﺱ ﺡ ﻳﻘﻌﺪﻭ ﻳﺪﻭ ﻋﻠﻴﻚ ﻳﻘﻮﻟﻮ ﻋﺰﻗﺖ ﺑﻨﺖ ﺑﻨﺘﻬﺎ ﻟـ
ﺷﺎﻳﺐ
ﻣﺒﺮﻭﻛﻪ ( ﻋﻄﺘﻬﺎ ﻛﻒ ) : ﺗـﺼﻜﺮﻱ ﻓﻤﻚ ﻭﻻ ﻧﺠﻴﺒﻠﻚ ﻳﻮﻧﺲ (ﻭﻃﻠﻌﺖ )
ﺟﻠﻨﺎﺭ : ﺍﻧﺎ ﺗﻮﻗﻌﺖ ﺣﻜﺎﻳﺘﻲ ﺗﻜﻮﻥ ﻧﻬﺎﻳﺘﻬﺎ ﺳﻌﻴﺪﻩ ﻳﻌﻨﻲ ﻳﺠﻴﻨﻲ ﻋﺮﻳﺲ
ﻟﻘﻄﻪ ﻃﺮﺭﻑ ﻭﻧﻘﻌﺪ ﻧﻐﺎﺭ ﻋﻠﻴﻪ ﻭﻧﺤﺒﻪ ﻭﻳﺤﺒﻨﻲ ﻣﺶ ﻛﺮﻳﻢ ﻏﻔﻴﺮ
ﻣﺪﺭﺳﺘﻲ ﺍﻳﺎﻡ ﺍﻻﺑﺘﺪﺍﺋﻲ ﻳﺎ ﺭﺑﻲ ﺷﻦ ﺩﺭﺕ ﻓـ ﺣﻴﺎﺗﻲ ﺑﺲ ﺍﻧﺎ ..ﻗﻌﺪﺕ
ﺷﻮﻳﻪ ﻋﺰﻗﺖ ﻣﻜﺮﻭﻧﻪ ﻉ ﺍﻟﻨﺎﺭ ﻭﻏﺴﻠﺖ ﺻﺤﻮﻥ ﺍﻟﻔﻄﻮﺭ ﺣﻄﻴﺘﻠﻬﻢ ﺍﻟﻐﺪﺍﺀ
ﺗﺴﻤﺴﻤﻮ ﻭﻏﺴﻠﺖ ﺍﻟﻤﻮﻋﻴﻦ ﺟﺘﻨﻲ ﺍﻟﻌﺰﻭﺯ ﺍﻟﺸﻤﻄﺎﺀ ﻣﺒﺮﻭﻛﻪ
ﻣﺒﺮﻭﻛﻪ : ﻣﺪﺍﻳﺮﻩ ﻣﻜﺮﻭﻧﻪ ﻉ ﺍﻟﻐﺪﺍ ﻟﻠﻀﻴﻮﻑ ﻳﺎ ﺑﺎﻳﺮﺭﻩ ﺍﺧﺖ ﻛﺮﻳﻢ ﻗﺎﻋﺪﻩ
ﻭﺡ ﺗﻤﺸﻲ ﺗﻌﺎﻭﺩﻫﺎ ﻟﻪ ﻭﻳﺴﻴﺒﻚ (ﻣﺪﺗﻠﻬﺎ ﻓﻠﻮﺱ ) ﺗﻮﺍ ﺗﻤﺸﻲ ﻟـ ﺍﻟﻤﺤﻞ
ﺗﺠﻴﺒﻲ ﺩﺣﻲ ﻭﺩﻗﻴﻖ ﻭﺍﺩﻳﺮﻱ ﻛﻴﻜﻪ ﻟﻠـﻀﻴﻮﻑ ﺗﺮﻗﻌﻲ ﺍﻟﻔﺎﻟﻄﻪ ﺍﻟﻲ ﺩﺭﺗﻴﻬﺎ
ﺟﻠﻨﺎﺭ : ﺍﻧﺎ ﻧﻤﺸﻲ ﻟﻠﻤﺤﻞ؟؟
ﻣﺒﺮﻭﻛﻪ :ﻳﻮﻧﺲ ﻛﺎﻥ ﻓـ ﻋﺮﻛﻪ ﻭﺟﺎﻱ ﺗﻌﺒﺎﻥ ﺍﻟﺒﺴﻲ ﻭﺍﻣﺸﻲ ﺑﺴﺮﺭﻋﻪ
ﺟﻠﻨﺎﺭ ( ﻟﺒﺴﺖ ﺳﺮﻭﺍﻝ ﺍﺯﺭﻕ ﻭﺗﻴﺸﺮﺕ ﺍﺑﻴﺾ ﻣﻜﺘﻮﺏ ﻋﻠﻴﻪ be happy
ﻓﻮﻕ ﻣﻨﻪ ﺟﺎﻛﻪ ﺍﻣﺮﻳﻜﻴﻪ ﻟﻮﻧﻬﺎ ﻭﺭﺩﻱ ﻭﺳﺒﻴﺪﺭﻭ ﻭﺭﺩﻱ ﻭﻭﺷﺎﺡ ﻧﻔﺲ
ﻟﻮﻥ ﺍﻟﺴﺮﻭﺍﻝ ) ﻭﻃﻠﻌﺖ ﻗﺒﻞ ﻣﺎﺗﺸﻮﻓﻨﻲ ﺟﺪﻳﺪﻩ ﻣﺒﺮﻭﻛﻪ ﻋﺸﺎﻥ
ﻣﺎﺗﻬﺰﺑﻨﻴﺶ ﻉ ﺍﻟﻠﺒﺴﻪ🙄
____________
ﺍﻣﻴﻤﻪ : ﻓﺘﺤﺖ ﻋﻴﻮﻧﻬﺎ ﺑـ ﺷﻮﻳﻪ ﻣﻊ ﺧﺸﺖ ﻏﺪﻱ ﺧﺪﺍ ﺑﺪﻟﻪ ﺭﺳﻤﻴﻪ
ﺑﻌﺪﻫﺎ ﻃﻠﻊ
ﺍﻣﻴﻤﻪ :ﻣﻌﻘﻮﻟﻪ ﻣﺎﺷﻲ ﻟﻠـﺸﻐﻞ ﻓـ ﻳﻮﻡ ﺻﺒﺎﺣﻴﺘﻪ؟
ﺑﻌﺪ ﺷﻮﻳﻪ ﺧﺶ ﻣﻦ ﺟﺪﻳﺪ .. ﺍﻣﻴﻤﻪ ﻏﻤﻀﺖ ﻋﻴﻮﻧﻬﺎ ﻋﺸﺎﻥ ﻣـ
ﻳﻼﺣﻈﺶ ﻣﺮﺍﻗﺒﺘﻬﺎ ﻟﻪ
ﻏﺪﻱ : ﺑﺦ ﺑﺮﻓﺎﻧﻪ ﻭﺧﺪﺍ ﻣﺸﻂ ﺳﺮّﺡ ﺷﻌﺮﻩ ﻟﺒﺲ ﻧﻈﺎﺭﺍﺗﻪ ﻭﺳﺎﻋﺘﻪ ﻭﻃﻠﻊ
ﻟـ ﺍﻟﻤﻄﺒﺦ
ﺍﻣﻴﻤﻪ ﻧﺎﺿﺖ ﺑﺤﺘﺖ ﻓـ ﺭﻭﺣﻬﺎ ﻉ ﺍﻟﻤﺮﺍﻳﻪ ﻃﻠﻘﺖ ﺷﻌﺮﻫﺎ ﻏﺴﻠﺖ ﻭﺟﻬﺎ
ﻭﺍﺳﻨﺎﻧﻬﺎ ﻭﻃﻠﻌﺖ ﻟـ ﺍﻟﻤﻄﺒﺦ
ﺍﻣﻴﻤﻪ :ﺻﺒﺎﺡ ﺍﻟﺨﻴﺮ
ﻏﺪﻱ ( ﻣﺘﻠﻔﺖ ﻉ ﺑﻜﺮﺝ ﺍﻟﻘﻬﻮﻩ ) : ﺧﻴﺮ
ﺍﻣﻴﻤﻪ :ﺧﻠﻴﻨﻲ ﺍﻧﺎ ﻧﺪﻳﺮ ﺍﻟﻔﻄﻮﺭ
ﻏﺪﻱ ( ﺑﺤﺖ ﻓﻴﻬﺎ ﺑﻌﺪﻫﺎ ﺭﺩ ﺗﻠﻔﺖ ﻟﻠـﺒﻜﺮﺝ )
ﺍﻣﻴﻤﻪ : ﻗﺼﺪﻱ ﺍﻧﺖ ﻗﻌﻤﺰ ﻭﺍﻧﺎ ﻧـﺪﻳﺮ ﺍﻟﻘﻬﻮﻩ
ﻏﺪﻱ ﺑـ ﺟﺪّﻳﻪ : ﻧﺤﺐ ﺍﻧﺪﻳﺮﻫﺎ ﺑﺮﻭﺣﻲ
ﺍﻣﻴﻤﻪ : ﺍﻫﺎ ﺍﻭﻛﻲ ﻭﻳﻦ ﺗﺒﻲ ﺗﻤﺸﻲ ﻗﺼـ ..
ﻏﺪﻱ ﺗﻠﻔﺖ ﻭﺣﻮﻝ ﻧﻈﺎﺭﺗﻪ
ﺍﻣﻴﻤﻪ :ﺗﺒﺤﺖ ﻓﻴﻪ ﻭﻓﻲ ﺍﻧﺎﻗﺘﻪ ﻭﺭﻳﺤﺘﻬﻪ ﺍﻟﺨﻴﺎﻝ ﻗﻌﺪﺕ ﺗﺘﺄﻣﻞ ﻓـ ﺭﺳﻤﻪ
ﻟﺤﻴﺘﻪ ﻭﻃﺮﻳﻘﻪ ﺷﻌﺮﻩ ﻭﻛﻞ ﺗﻔﺼﻴﻠﻪ ﻓﻴﻪ
ﻏﺪﻱ : ﻳﺼﺐ ﺍﻟـ ﻗﻬﻮﻩ ﻓـ ﺍﻟﻤﻖ .. ﻗﺘﻠﻚ ﺧﺎﻟﺘﻲ ﺑﻌﺪﻳﻦ ﺡ ﺗﺠﻴﻚ ﺗﻠﺒﺴﻚ
ﺍﻟﺰﺑﻮﻥ ﻣﺘﺎﻉ ﺍﻟﺒﻨﺎﺕ
ﺍﻣﻴﻤﻪ ( ﺿﺤﻜﺖ ) :ﺯﺑﻮﻥ ﻣﺘﺎﻉ ﺍﻟﺒﻨﺎﺕ؟😂 ﺑﺎﻫﻲ ﺗﻤﺎﻡ
ﻏﺪﻱ .. ﺟﺎﻱ ﻳﺒﻲ ﻳﻄﻠﻊ
ﺍﻣﻴﻤﻪ : ﻗﺘﻠﻚ ﺷﻦ ﺍﺳﻤﻚ ﻣﻌﻠﻴﺶ؟
ﻏﺪﻱ : ﺍﺳﻤﻲ ﻏﺪﻱ
ﺍﻣﻴﻤﻪ : ﺍﻩ ﺑﺎﻫﻲ ﻳﺎ ﻏﺪﻱ ﺍﻧﺖ ﻭﻳﻦ ﻣﺎﺷﻲ ﻗﺼﺪﻱ ﻣﺶ ﻣﺰﺍﻝ ﺑﺪﺭﻱ ﻉ
ﺍﻟﺸﻐﻞ ﻭﺍﻧﺖ ﻋﺮﻳﺲ
ﻏﺪﻱ : ﺣﻂ ﺍﻟﻤﻖ ﻉ ﺍﻟﻄﺎﻭﻟﻪ ﻭﻗﺮﺏ ﻣﻨﻬﺎ .. ﺡ ﻧﺴﺎﻣﺤﻚ ﺍﻟﻤﺮﻩ ﻫﺬﻱ ﻋﺸﺎﻥ
ﻣﺰﻟﺘﻲ ﺟﺪﻳﺪﻩ ﻭﻣﺎﺗﻌﺮﻓﻴﺶ ﺷﻲ ﻋﻠﻴﺎ .. ﻣﻌﺶ ﺗﺘﺠﺮﺋﻲ ﺗﺴﺄﻟﻲ ﻭﻳﻦ
ﻣﺎﺷﻲ ﺍﻭ ﺗﺪﺧﻠﻲ ﻓـﻲ ﻣﺎﻻ ﻳﻌﻨﻴﻚ ( ﺑﺼﻮﺕ ﻭﺍﻃﻲ ) ﻓﺎﻫﻤﻪ؟
ﺍﻣﻴﻤﻪ ( ﻛﺎﻧﺖ ﺧﺎﻳﻔﻪ ) : ﺍﺍﻩ ﻓﺎﻫﻤﻪ
ﻏﺪﻱ ﺧﺪﺍ ﻣﻖ ﺍﻟﻘﻬﻮﻩ ﻭﻃﻠﻊ ﻭﺳﻴﺐ ﺍﻣﻴﻤﻪ ﻓـﻲ ﺯﻭﺑﻌﻪ ﻣﻦ ﺍﻻﻓـﻜﺎﺭ
___________
ﺟﻠﻨﺎﺭ :ﺗﻮﺟﻬﺖ ﻟﻠﻤﺤﻞ ﻭﺍﻧﺎ ﻧﻔﻜﺮ ﻛﻴﻒ ﻧﻘﺪﺭ ﻧﻄﻠﻊ ﺭﻭﺣﻲ ﻣﻦ ﺍﻟﻤﺼﻴﺒﻪ
ﻫﺬﻱ ﻧﺰﻭﺝ ))ﻛﺮﻳﻢ ((؟ ﻗﻌﺪﺕ ﻧﻤﺸﻲ ﺑـﺨﻄﻮﺍﺕ ﺳﺮﻳﻌﻪ ﻛﻨﺖ ﻧﺴﻤﻊ ﻓـ
ﺧﻄﻮﺍﺕ ﻭﺍﺣﺪ ﺧﻠﻔﻲ ﻣﺎﻋﺪﻟﺘﺶ ﻭﺻﻠﺖ ﻟﻠﻤﺤﻞ ﺷﺮﻳﺖ ﺩﻗﻴﻖ ﻭﺩﺣﻲ
ﻭﺷﻮﻛﻮﻻﻃﻪ ﺑﻌﺪﻫﺎ ﻓـ ﻃﺮﻳﻘﻲ ﻟﻠﺤﻮﺵ ﻓﺘﺤﺖ ﻃﺮﻑ ﺍﻟﺸﻮﻛﻮﻻﻃﻪ
ﻭﻗﻌﺪﺕ ﻧﺎﻛﻞ ﻓﻴﻪ ﻭﻧﻤﺸﻲ ﺑـ ﺧﻄﻮﺍﺕ ﺑﻄﻴﺌﻪ ﺧﺎﻳﻔﻪ ﻉ ﺍﻟﺪﺣﻲ ﻳﺘﻜﺴﺮ
ﺣﺴﻴﺖ ﺑـ ﻭﺍﺣﺪ ﻳﻤﺸﻲ ﻭﺭﺍﻳﺎ ﻣﻦ ﺟﺪﻳﺪ ﺧﺸﻴﺖ ﻓـ ﺷﺎﺭﻉ ﺿﻴﻖ ﻋﺸﺎﻥ
ﺍﺫﺍ ﺷﺎﻑ ﻳﻮﻧﺲ ﻭﺍﺣﺪ ﻳﺘﺒﻊ ﻓﻴﺎ ﻳﻘﺘﻠﻨﻲ ﻓﺠﺄﻩ ﺣﺴﻴﺖ ﺑـ ﻳﺪ ﻭﺍﺣﺪ ﻉ
ﻓﻤﻲ ﻭﺷﻮﻳﺎ ﺷﻮﻳﺎ ﻓﻘﺪﺕ ﺍﻟﻮﻋﻲ
_______
ﺟﻠﻨﺎﺭ ( ﻓﺘﺤﺖ ﻋﻴﻮﻧﻬﺎ ﻛﺎﻥ ﻓﻤﻬﺎ ﻣﺮﺑﻮﻁ ﻭﻣﺮﺑﻮﻃﻪ ﻉ ﻛﺮﺳﻲ )
ﺭﺿﺎ ......:
ﺟﻠﻨﺎﺭ ...:
ﻳﺘـﺒﻌﻌﻊ
ﺍﻟﺮﻭﺍﻳﻪ ﺗﻌﺘﺒﺮ ﺗﻮﺍ ﻛﻴﻒ ﺑـﺪﺕ
ﻟـ ﻓﻠﻮﻧﻪ
ﺗﻔﺎﻋﻠﻮﻭﻭﻭﻭﻭﻭﻭﻭﻭﻭﻭﻭﻭﻭ 🧡🔥
ﺣﻴﺎﺓ ﺟﻠﻨﺎﺭ ﺡ ﺗﻨﻘﻠﺐ ﺭﺃﺳﺎً ﻋﻠﻰ ﻋﻘﺐ
ﻭﻟﻴﺶ ﻣﻌﺎﻣﻠﻪ ﻏﺪﻱ ﻟـ ﺍﻣﻴﻤﻪ ﻫﻜﻲ
ﻛﻼ ﺡ ﺗﻌﺮﻓﻮﻩ ﻓـ ﺍﻟﺒﺎﺭﺕ ﺍﻟﺠﺎﻱ
