ﺍﻟﺤﻠﻘﺔ ﺍﻟـ 14
ﻟﻠــﻜﺎﺗــﺒـــﺔ ﻓــــﻠــــﻮﻭﻧﺔ
ﺟﻠﻨﺎﺭ :ﻧﺰﻟﺖ ﻟـ ﺣﻮﺷﻬﻢ ﺑـ ﺧﻄﻮﺍﺕ ﻣﻬﺰﻭﺯﻩ
ﺧﺸﺖ ﻟـ ﺍﻟﻤﻄﺒﺦ ﻟﻘﺖ ﻣﺒﺮﻭﻛﻪ ﺗﻄﺒﺦ
ﺟﻠﻨﺎﺭ : ﺑﺨﻮﻑ ..ﺍﻣﻲ ﻣﺒﺮﻭﻛﻪ
ﻣﺒﺮﻭﻛﻪ :ﺗﻠﻔﺘﺘﻠﻬﺎ ..ﺟـ ..ﺟﻠﻨﺎﺭ ﺑﻨﺘﻲ ﻭﺣﻀﻨﺘﻬﺎ ﻭﻫﻲ ﺗﺒﻜﻲ
ﺟﻠﻨﺎﺭ :ﻣﺸﺎﻋﺮﻫﺎ ﻣﺨﺘﻠﻄﻪ ﺑﻴﻦ ﺻﺪﻣﻪ ﻭﻓﺮﺡ ﻭﺷﻮﻕ
ﻣﺒﺮﻭﻛﻪ : ﻣﺴﻜﺖ ﺭﺍﺹ ﺟﻠﻨﺎﺭ ..ﻳﺎﺍ ﺑﻨﺘﻲ ﺧﻔﺖ ﻋﻠﻴﻚ
ﺟﻠﻨﺎﺭ : ﺩﻣﻮﻋﻬﺎ ﻳﻨﺰﻟﻦ .. ﺭﺍﻳﻔﺘﻠﻚ ﻳﺎ ﺍﻣﻲ
(ﻭﻋﻨﻘﻦ ﺑﻌﻀﻬﻦ ﻣﻦ ﺟﺪﻳﺪ )
ﻣﺒﺮﻭﻛﻪ : ﻣﻌﻨﻘﻪ ﺟﻠﻨﺎﺭ ..ﻟﻴﺶ ﻫﺮﺑﺘﻲ ﻟﻴﺶ
ﺟﻠﻨﺎﺭ : ﻣـ ﻫﺮﺑﺘﺶ ﻳﺎ ﺍﻣﻲ ﺧﻄﻔﻮﻧﻲ ﻭﺭﺍﺣﺖ ﺗﺒﻜﻲ
ﻣﺒﺮﻭﻛﻪ : ﺑـ ﺻﺪﻣﻪ ..ﺧـ .. ﺧﻼﺹ ﻣﻌﺶ ﺗﺒﻜﻲ
ﺟﻠﻨﺎﺭ : ﻣﻌﻨﻘﻪ ﻣﺒﺮﻭﻛﻪ ﻭﺩﻣﻮﻋﻬﺎ ﻣﺎﺑﻄﻠﻨﺶ ﻧﻬﺎﺋﻲ
ﺟﻴﻬﺎﻥ :ﺟـﻠﻨﺎﺍﺭ .. ﻭﻣﺸﺖ ﺗﺠﺮﻱ ﻋـﻨﻘﺘﻬﺎ
ﺟﻠﻨﺎﺭ :ﺑـ ﺻﺪﻣﺔ ..ﺟـ .. ﺟﻴﻬﺎﻥ
ﺟﻴﻬﺎﻥ :ﺯﺍﺩﺕ ﻋﻨﻘﺖ ﺟﻠﻨﺎﺭ ..ﺭﺍﺍﻳﻔﻨﺎﻟﻚ
ﺟﻠﻨﺎﺭ :ﻣﺼﺪﻭﻣﻪ ..ﺣـ ..ﺣﺘﻰ ﺍﻧﺎ
ﺟﻴﻬﺎﻥ : ﺑﻌﺪﺕ ﻋـ ﺟﻠﻨﺎﺭ .. ﺳﺎﻟﻢ ﺳﻠﻴﻢ ﺗﻌﺎﻟﻮ ﺳﻠﻤﻮ ﻋـ ﻋﻤﻴﻤﺔ
ﺳﺎﻟﻢ : ﺩﺧﻞ ﻟـ ﺍﻟﻤﻄﺒﺦ ..ﺍﻣﻴﻤﻪ ﺟﺖ😍؟
ﺟﻴﻬﺎﻥ :ﻻﻻ ﻋﻤﻴﻤﻪ ﺟﻠﻨﺎﺭ ﺟﺖ
ﺳﺎﻟﻢ : ﺯﻋﻞ .. ﻫﺬﻱ ﻣﺶ ﻋﻤﻴﻤﻪ
ﺟﻠﻨﺎﺭ : ﻃـﺒﺴﺘﻼ .. ﺗﻌﺎﻝ ﺳﻠﻢ ﻋﻠﻴﺎ ﻳﺎ ﺷﺮﻳﺮ
ﺳﺎﻟﻢ : ﻫﺰ ﺭﺍﺻﻪ ﺑـ ﻻﻻ .. ﺍﻧﺎ ﻣﺎﻧﺤﺒﻜﺲ ﻭﻣﺎﻧﺒﻴﺲ ﻧﺴﻠﻢ ﻋﻠﻴﻚ
ﺟﻠﻨﺎﺭ :ﺟﻌﻨﻚ ﻣﺎﺳﻠﻤﺖ ﻳﺎ ﺑﺎﺭﺩ
ﺟﻴﻬﺎﻥ : ﻓﻨﺼﺖ ﻓـ ﺳﺎﻟﻢ ..ﺻﻐﺎﺭ ﻣﺎﺗﻌﺪﻟﻴﺶ ﻋﻠﻴﻬﻢ
ﺟﻠﻨﺎﺭ :ﺑﺤﺘﺖ ﻓـ ﺟﻴﻬﺎﻥ ﻣﻦ ﻓﻮﻕ ﻟـ ﻟﻮﻃﺎ ..ﻭﺍﻧﺖِ ﺷﻦ ﻫﻮﺍ ﺍﻟﻲ ﻏﻴﺮﻙ ﻳﺎ
ﻣﺪﺍﻡ
ﺟﻴﻬﺎﻥ :ﻫﻬﻬﻬﻪ ﻻ ﻣـ ﺗﻐﻴﺮﺗﺶ
ﺟﻠﻨﺎﺭ :ﺣﻄﺖ ﻳﺪﻫﺎ ﻋـ ﻭﺳﻄﻬﺎ ..ﺍﻣﻤﻢ ﻛﻴﻒ ﺣﺎﻝ ﺍﻟﺒﻴﺒﻲ
ﺟﻴﻬﺎﻥ :ﻧﺰﻟﺖ ﺭﺍﺻﻬﺎ .. ﺍﺟﻬﻀﺖ
ﺟﻠﻨﺎﺭ :ﺑـﺼﺪﻣﻪ .. ﻛﻴﻒ ﻭﺍﻣﺘﻰ؟
ﺟﻴﻬﺎﻥ :ﻋﻴﻮﻧﻬﺎ ﺩﻣﻌﻦ ..
ﻣﺒﺮﻭﻛﻪ : ﺗﺼﻔﻖ ﻓـ ﻳﺪﻳﻬﺎ .. ﻳـﻠّﺎ ﺍﻃﻠﻌﻦ ﻫﺪﺭﺯﻥ ﺑﺮﺍ ﺧﻠﻮﻧﻲ ﻧﻄﻴﺒﻠﻜﻢ
ﻋﺸﺎﺀ ﻣﺴﻘﻢ
ﺟﻠﻨﺎﺭ :ﺑﺎﺳﺖ ﺭﺍﺹ ﻣﺒﺮﻭﻛﻪ .. ﺭﺑﻲ ﻳﺪﻭﻡ ﺍﻟﺠﻮ ﺍﻟﺮﺍﻳﻖ ﻳﺎﺍﺭﺑﻲ
ﻣﺒﺮﻭﻛﻪ : ﻫﻬﻬﻪ
ﺟﻠﻨﺎﺭ :ﺣﻄﺖ ﻳﺪﻳﻬﺎ ﻋـ ﻛﺘﻮﻑ ﻣﺒﺮﻭﻛﻪ ..ﻧﻌﻠﻴﺎ ﻣﻦ ﺍﻟﻀﺤﻜﻪ
ﻣﺒﺮﻭﻛﻪ : ﻃﻠﻌﺖ ﺍﻟﻤﻌﺼﺪﻩ .. ﺍﻃﻠﻌﻲ ﺑﺮﺍ ﻳﺎ ﻓﺮﺧﻪ ﺭﺍﻩ ﻧﻀﺮﺑﻚ
ﺟﻠﻨﺎﺭ : ﺗﻀﺤﻚ .. ﻭﻭﻭﻩ ﻣﺰﺍﻝ ﺑﺪﺭﻱ ﻋـ ﺍﻟﻤﻌﺼﺪﻩ ﻳﺎ ﺍﻣﻲ .. ﻭﻣﺸﺖ ﺗﺠﺮﺭﻱ
ﻟـ ﺩﺍﺭﻫﺎ ﺍﻟﻘﺪﻳﻤﻪ
________
______
ﺳﺎﺭﻩ : ﺧﺸﺖ ﺗﺠﺮﻱ ﻟـ ﺍﻟﺪﺍﺭ ﻭﺣﺎﻃﻪ ﻳﺪﻫﺎ ﻋـ ﻗﻠﺒﻬﺎ .. ﻧﺠﺤﺖ
ﻋﻔﺎﻑ :ﺟﺎﻟﺴﻪ ﻋـ ﺳﺮﻳﺮﻫﺎ ﻭﺗﺘﺼﻔﺢ ﻋـ ﺍﻟﻔﻴﺲ .. ﻓـ ﺷﻦ ﻧﺠﺤﺘﻲ؟
ﺳﺎﺭﻩ :ﻓـﺘﺤﺖ ﺩﻭﻻﺑﻬﺎ .. ﺧﻼﻝ ﺍﻻﻳﺎﻡ ﻫﺬﻳﻨﺎ ﺣـ ﺗﺴﻤﻌﻮ ﺑـ ﺧﺒﺮ ﻃﻼﻕ
ﻏﺰﺍﻟﻲ
ﻋﻔﺎﻑ :ﺑﺤﺘﺘﻠﻬﺎ .. ﻭﺿﺤﻲ ﺍﻛﺜﺮ
ﺳﺎﺭﻩ : ﻃﻠﻌﺖ ﺑﻴﺠﺎﻣﻪ ﻭﺻﻜﺮﺕ ﺍﻟﺪﻭﻻﺏ .. ﻏﺪﻭﺵ
ﻋﻔﺎﻑ : ﻛﻨﻪ؟
ﺳﺎﺭﻩ :ﺗﻠﻔﺘﺘﻠﻬﺎ :ﺣـ ﻳﻄﻠﻖ ﺍﻣﻴﻤﻪ
ﻋﻔﺎﻑ :ﺑـ ﺭﻓﻌﺔ ﺣﺎﺟﺐ .. ﻣﺎﻓﻬﻤﺘﺶ
ﺳﺎﺭﻩ : ﺟﻠﺴﺖ ﺟﻨﺒﻬﺎ ..ﺣﺒﻴﺒﺘﻲ ﻓﻮﻓﻮ ﻣﺎﻓﻴﺶ ﺩﺍﻋﻲ ﺍﺩﻭﺧﻲ ﺭﺍﺻﻚ
ﻭﺗﻌﺮﻓﻲ
ﻋﻔﺎﻑ : ﻃﻔﺖ ﻓﻮﻧﻬﺎ .. ﻻ ﻧﺒﻲ ﻧﻌﺮﻑ
ﺳﺎﺭﻩ : ﺗﻤﺪﺩﺕ ﻋـ ﺍﻟﺴﺮﻳﺮ ..ﻗﺼﺔ ﻃﻮﻳﻴﻴﻠﺔ
ﻋﻔﺎﻑ :ﺣﻄﺖ ﻳﺪﻳﻬﺎ ﻓﻮﻕ ﺑﻌﻀﻬﻦ .. ﻣﺎﻭﺭﺍﻧﺎ ﺷﻲ ﺍﺣﻜﻲ
ﺳﺎﺭﻩ : ﺧﺬﺕ ﻧﻔﺲ .. ﺗﺤﺴﺎﺑﻴﻨﻲ ﻋﺰﻣﺖ ﺍﻟـ ﻣﺘﺨﻠﻔﻪ ﺍﻣﻴﻤﻪ ﻋـ ﺍﻟﻔﺎﺿﻲ؟
ﻋﻔﺎﻑ :ﺑـ ﺭﻓﻌﺔ ﺣﺎﺟﺐ .. ﻋـ ﺣﺴﺐ ﻋﻠﻤﻲ ﻋﺰﻣﺘﻴﻬﺎ ﻋﺸﺎﻥ ﺗﻘﻬﺮﻳﻬﺎ
ﻭﺍﺫﻟﻴﻬﺎ
ﺳﺎﺭﻩ : ﻻ ﻏﻠﻂ
ﻋﻔﺎﻑ : ﺭﻣﺸﺖ ﻋﻴﻮﻧﻬﺎ ﺑﻌﺪﻡ ﺍﺳﺘﻌﺎﺏ .. ﻛﻴﻒ ﻏﻠﻂ؟
ﺳﺎﺭﻩ : ﺗﻠﻌﺐ ﺑـ ﺷﻌﺮﻫﺎ .. ﻣﻦ ﺳﺎﺍﺑﻊ ﺍﻟﻤﺴﺘﺤﻴﻼﺕ ﻏﺪﻱ ﻳﺠﻲ ﻟـ ﺍﻟﺮﻣﻲ
ﻣﺘﺎﻋﻲ،ﻗﻠﺖ ﺍﺫﺍ ﺟﺖ ﺍﻣﻴﻤﻪ ﺍﻛﻴﺪ ﺣـ ﻳﺠﻲ ﻋﺸﺎﻥ ﻳﺸﻴﻠﻬﺎ ﻭﻳﺠﻴﺒﻬﺎ ..
ﺍﻭﻝ ﺣﺎﺟﻪ ﺍﺳﺘﻐﻠﻴﺖ ﻓﺮﺻﻪ ﺍﻥ ﺳﻴﺎﺭﺗﻪ ﻣﺪﺭﺳﻪ ﻭﺭﺍ ﺍﻟﺤﻮﺵ ﻭﻣﺸﻴﺘﻼ
ﻣﻊ ﻃﻠﻌﺖ ﺍﻣﻴﻤﻪ ﻭﺍﻗﺘﺮﺣﺖ ﻋﻠﻴﻪ ﻓﻜﺮﺕ ﺍﻟﻬﺮﻭﺏ ﺑﺲ ﺭﻓﺾ
ﻋﻔﺎﻑ :ﺗﺒﺤﺘﻠﻬﺎ ﺑﺼﺪﻣﻪ .. ﺑـ .. ﺑﻪ ﻭﻳﻦ ﺍﻟﻨﺠﺎﺡ ﻓـ ﺍﻟﻤﻮﺿﻮﻉ
ﺳﺎﺭﻩ : ﺍﺑﺘﺴﻤﺖ .. ﻏﺪﻱ ﺭﻓﺾ ﻛﻴﻒ ﻣﺎﺗﻮﻗﻌﺖ ﻭﺭﺣﺖ ﻧﻤﺎﻃﻞ ﻓﻴﻪ ﻟﻌﻨﺪ
ﻣﺎﺟﺖ ﺍﻣﻴﻤﻪ ﻭﺷﺎﻓﺘﻨﻲ ﻣﻌﺎﻩ ﻓـ ﺍﻟﺴﻴﺎﺭﻩ ﻭﻣﺎﺳﻜﻪ ﻳﺪﻩ
ﻋﻔﺎﻑ :ﺣﻄﺖ ﻳﺪﻫﺎ ﻋـ ﺧﺪﻫﺎ .ﻳﻴﻴﻴﻲ !!
ﺳﺎﺭﻩ :ﻣﺎﻓﻴﺶ ﻭﺣﺪﻩ ﺍﺗﺤﻤﻞ ﺗﺸﻮﻑ ﺭﺍﺟﻠﻬﺎ ﻣﻊ ﻭﺣﺪﻩ ﻏﻴﺮﻫﺎ ﺍﻛﻴﺪﻩ ﺗﻮﺍ
ﻃﻠﺒﺖ ﺍﻟﻄﻼﻕ ﻭﺣـ ﺗﻔﻀﺎ ﺍﻟﺴﺎﺣﻪ ﻟﻴﺎ ﺍﻧﺎ ﺑﺲ ﻭﻧﺤﺎﺍﻭﻝ ﻣﻌﺎﻩ ﻭﻧﻄﻴﺤﻪ
ﻛﻴﻒ ﻣﺎﻃﻴﺤﺘﻪ ﻣﻦ ﻗﺒﻞ ﻭﻧﻬﺮﺏ ﻣﻌﺎﻩ
ﻋﻔﺎﻑ :ﺿﺮﺑﺘﻬﺎ ﺑـ ﺍﻟﻤﺨﺪﻩ .. ﺗﺒﺼﺮﺭﻱ ﺍﻧﺖِ ﺻﺎﺍﺡ؟؟
ﺳﺎﺭﻩ : ﻋﻠﻴﺶ ﻧﺒﻲ ﻧﺒﺼﺮ
ﻋﻔﺎﻑ : ﺑـ ﺍﻧﻔﻌﺎﻝ .. ﺑﻜﻜﻞ ﺟﺮﺍﺀﻩ ﺗﻘﻮﻟﻲ ﻧﺒﻲ ﻧﻬﺮﺏ ﻗﺪﺍﻣﻲ !!
ﺳﺎﺭﻩ : ﻣﺴﻜﺖ ﻳﺪﻳﻦ ﻋﻔﺎﻑ .. ﻫﺎ ﺗﺒﻴﻨﻲ ﻧﺰﻭﺝ ﻣﻨﺬﺭ ﺍﻟﺴﻜّﺎﺭ ﺍﻟﻨﻜّﺎﺭ ؟؟
ﺗﺒﻴﻨﻲ ﻧﻌﻴﺶ ﻓـ ﺟﺤﻴﻢ ؟؟ﻃﺰ ﻓـ ﺍﻟﺸﺮﻑ ﻃﺰ ﻓـ ﺍﻟﻌﺮﺽ ﻃﺰ ﻓـ ﺍﻻﺻﻮﻝ
ﺍﻟﻤﻬﻢ ﻧﻌﻴﺶ ﺣﻴﺎﺓ ﻛﻮﻳﺴﻪ
ﻋﻔﺎﻑ :ﺍﻟﻲ ﻳﺼﻴﺮﻟﻚ ﺗﻮﺍﺍ ﻫﻮﺍ ﻣﻦ ﺍﻓﻌﺎﺍﻟﻚ !! ﺍﻧﺎ ﻣﺸﻴﺘﻠﻬﺎ ﻭﻋﺰﻣﺘﻬﺎ ﻋـ
ﺍﺳﺎﺱ ﺗﻘﻬﺮﻳﻬﺎ ﻣﺶ ﺗﺨﺮﺑﻲ ﺣﻮﺷﻬﺎ
ﺳﺎﺭﻩ : ﺷﻦ ﺗﺒﻴﻨﻲ ﻧﺪﻳﻴﻴﺮ !! ﻫﻮﺍﺍ ﺍﺻﻼً ﻣﺰﺍﻝ ﻳﺤﺒﻨﻲ ﻭﺣـ ﻳﺮﺩﻟﻲ ﻣﺘﺄﻛﺪﻩ
ﻋﻔﺎﻑ : ﺑـ ﺻﻮﺕ ﻋﺎﻟﻲ .. ﻣﺶ ﺷﻮﺭﻱ ﺍﻧﺎ ﻟﻜﻦ ﺧﺎﻟﻲ ﺍﻭ ﻋﻤﺎﻣﻲ ﻳﺸﻮﻓﻮﻙ
ﺭﺍﻛﺒﻪ ﻣﻊ ﻭﺍﺣﺪ ﻣﺮﻩ ﺛﺎﻧﻴﻪ ﺣﺘﻰ ﻣﻨﺬﺭ ﻳﺴﻴﺒﻚ ﻭﺗﻘﻌﺪﻱ ﻋﺎﻧﺲ ﻫﻦ
ﺳﺎﺭﻩ : ﺍﻫﻮﻥ ﻣﻦ ﺍﻟﻌﻴﺶ ﻣﻌﺎﻩ ﻫـﺎﻟﻤﻨﺬﺭ
ﻋﻔﺎﻑ : ﺍﻧﺎ ﻣﺶ ﺣـ ﻧﺴﺘﺮ ﻋﻠﻴﻚ ﻭﻣﺶ ﺷﻮﺭﻱ ﺑﻴﻚ ﻭﻛﻦ ﻫﺮﺑﺘﻲ ﻻ ﺍﻧﺎ
ﺍﺧﺘﻚ ﻻ ﻧﻌﺮﻓﻚ ﺭﺍﺟﻌﻲ ﺣﺴﺎﺑﺎﺗﻚ ﻭﺍﺣﻤﺪﻱ ﺭﺑﻚ ﻋﻤﺎﻣﻲ
ﻣﺎﻗﺘﻠﻮﻛﺶ ..!ﻭﻃﻠﻌﺖ
ﺳﺎﺭﺓ : ﺍﻓﻔﻔﻒ ﺷﻦ ﺯﺍﺭﻧﻲ ﻧﺤﻜﻴﻠﻬﺎ ﺣﺘﻰ ﺍﻧﺎ
________________
ﺍﻣﻴﻤﻪ : ﻓﺘﺤﺖ ﻋﻴﻮﻧﻬﺎ ﺑـ ﺻﻌﻮﺑﻪ ﻗﺎﺑﻠﻬﺎ ﻏﺪﻱ .. ﺷﻦ ﺻﺎﺭ؟
ﻏﺪﻱ : ﻣﺪﺭّﺱ ﺍﻟﺴﻴﺎﺭﻩ ﻣﻘﺎﺑﻞ ﺍﻟﺒﺤﺮ ﻭ ﻓﺎﺗﺢ ﺑﺎﺏ ﺍﻟﺴﻴﺎﺭﺓ ..ﺍﻣﻴﻤﻪ ﻭﻋﻴﺘﻲ
ﺍﻣﻴﻤﻪ :ﺣﻄﺖ ﻳﺪﻫﺎ ﻋـ ﺭﺍﺻﻬﺎ .. ﺷﻦ ﺍﻧﺪﻳﺮ ﺍﻧﺎ ﻫﻨﺎ
ﻏﺪﻱ : ﺗﻠﻔﺘﻠﻬﺎ .. ﺍﻏﻤﻰ ﻋﻠﻴﻚ ﻭ ..ﻭ ﺩﺭﺳﺖ ﺍﻟﺴﻴﺎﺭﻩ ﻣﻘﺎﺑﻠﻪ ﺍﻟﺒﺤﺮ ﻗﻠﺖ
ﻳﻤﻜﻦ ﻧﺴﻤﺎﺕ ﺍﻟﺒﺤﺮ ﺗﻬﺪﻳﻚ ﺷﻮﻳﻪ
ﺍﻣﻴﻤﻪ : ﺑﺪﺕ ﺗﺬﻛﺮ
ﻏﺪﻱ :ﻭﺍﻟﻠﻪ ﻳـ .. ﻳﺎ ﺍﻣﻴﻤﻪ ﻓﺎﻫﻤﻪ ﻏﻠﻂ ﻫـﻲ ﺍﻟـﻲ ﺟـ ...
ﺍﻣﻴﻤﻪ :ﺣﻄﺖ ﻳﺪﻳﻬﺎ ﻋـ ﻭﺫﺍﻧﻬﺎ .. ﻣﻌﺶ ﻧﺒﻲ ﻧﺴﻤﻊ ﻭﻻ ﻛﻠﻤﻪ
ﻏﺪﻱ : ﻣﺴﺢ ﻭﺟﻪ ﺑـ ﻳﺪﻳﻪ ..ﻋﻄﻴﻨﻲ ﻓﺮﺻﻪ ﻧﺒﺮﺭﻟﻚ ﻋـ ﺍﻻﻗﻞ
ﺍﻣﻴﻤﻪ :ﺑـ ﺻﻮﺕ ﻋﺎﻟﻲ .. ﻳﺘﻬﻴﺄﻟﻲ ﻋﻄﻴﺘﻚ ﻓﺮﺭﺹ ﻭﺍﺍﺟﺪ ﻣﻌﺶ ﻧﺒﻲ
ﻧﻌﻄﻴﻜﻚ ﻭﻻ ﻓﺮﺭﺻﻪ
ﻏﺪﻱ : ﺍﺳﻤﻌﻴﻨﻲ ﺑﺲ
ﺍﻣﻴﻤﻪ :ﺗﻮﺍﺍ ﺍﻃﻠﻘﻨﻲ ﻣﻌﺶ ﻧﺘﺤﻤﻞ ﻧﻌﻴﺶ ﻣﻌﺎﻙ ﻭﻛﻞ ﻭﺍﺍﺣﺪ ﻳﻤﺸﻲ
ﻳﺸﻮﻑ ﻧﺼﻴﺒﻪ
ﻏﺪﻱ : ﻣﺴﻚ ﻳﺪﻫﺎ .. ﺷﻦ ﺗﻘﻮﻟﻲ ﺍﻧﺖِ
ﺍﻣﻴﻤﻪ :ﻓﻜّﺖ ﻳﺪﻫﺎ ..ﺷﻴﻠﻨﻲ ﻟـ ﻫﻠﻲ ﻣﻌﺶ ﻧﻘﺪﺭ ﻧﺘﺤﻤﻞ
ﻏﺪﻱ : ﻭﻟّﻊ ﺍﻟﺴﻴﺎﺭﻩ ..ﺣـﺎﺿﺮ ﻣﻦ ﻋﻴﻮﻧﻲ ﻧﺸﻴﻠﻚ ﻟـ ﻫﻠﻚ ﻳﻤﻜﻦ ﺗﻬﺪﻱ
ﺷﻮﻳﻪ ﻟﻜﻦ ﻗﺼﺔ ﻃﻼﻕ ﻫﺬﺍ ﺍﻧﺴﻴﻬﺎ
ﺍﻣﻴﻤﻪ : ﺗﻠﻔﺘﺖ ﻋـ ﺍﻟﺮﻭﺷﻦ ﻭﺳﻜﺘﺖ
