بيقولو ان الاطفال احباب الله .......وهو فعلا كدا ...بس هل فعلا كل الاطفال بريئين كدا ؟
انا نادر واحد غاوي مشاكل ......بس مش اي مشاكل ..انا بيجيلي مشاكل مع الجن .....ايوه
متقولوش انت بتقلد نادر فوده الصحفي
لا انا اساسا مش صحفي انا اخدت شهاده الهندسه المعماريه بتعتي وقعدت فى البيت
ممكن تكون حياتي شبهه شويه بس في اختلاف بيني وبينه .......الاختلاف هو ان انا من وانا صغير حصلتلي حاجه خلتني اشوفهم
ايوه اشوفهم واتعامل معاهم
بدأت كل حاجه بموت جدي
فى يوم الدفنه دخلو علي جثه جدي فى اوضته اول ما فتحو الباب ظهرت ريحه محدش يستحملها ريحة عفن حرفيا
وبسبب الريحه دي انا عرفت انهم ريحين يدفنوه وطبعا كأي طفل مش عادي وغاوي مشاكل رحت معاهم بعد الغُسل
كنت ساعتها عندي حوالي ١٠ سنين
رحت مع ابويا على اساس اصلي عليه معاهم وهو الصراحه مكنش موافق بس بعد اصرار طويييل مني ليه، وافق بس بشرط هو اني اول ما اخلص على طول ارجع البيت وانا قولت حاضر
معلومه عني اني وانا صغير مكنتش بسمع كلام حد كنت ديما اللي فدماغي فدماغي
احنا صلينا عليه فجامع القريه اللي انا عايش فيها
بس وانا بصلي سمعت صوت حد بيهمس فى وداني بكلام مش مفهوم ودا كان طول الصلاه ودي الصراحه اول مره
وبعد ما خلصنا والمفروض اني اروح البيت
لا روحت على طول مع عربيات الدفن
خليني اقولكو المشهد كان عامل ازاي
المشهد كالآتي:- ابويا والرجاله اللي هيدفنوه واعمامى ورا مع النعش وانا مع الشيخ طاهر و السواق
الشيخ طاهر دا يكون قريبنا يكون ابن عم امي يعني يعتبر خالي
المهم بعد ما ركبنا العربيه و وصلنا رحنا علي مدافن العيله
مدافن عيله السيد
طلعنا من العربيات وطبعا ابويا شافني وقعد يهزق فيا شويه ورحنا علي التربه لقينا التربي اللي اسمه عم متولي فاتح التربه ومجهزها
احنا الترب عندنا عامله ازاي؟
هي زي اوضه بيحطو جواها الميت اوضه فوق الارض
وهما بيحطو جدي انا طبعا واقف بتفرج وانا باصص علي الاوضه او القبر اللي شبه الاوض لاحظت حاجه لاحظت في حاجات سوده صغيره بتجري مقدرش اقول عليها فران ولا عِرس لا
عشان لو كانو كان الكل شافهم وبعدين كان شكلهم غريب كانو مدورين و مليانين شعر
شعر كتير جدا وبدل العيون كان زي خرم لونو احمر مشع واختفو
شوفتهم لنص دقيقه واختفو اول ما الجثه اتحطت
طبعا فكو الكفن شويه عن جثه جدي وهما بيفكو الكفن لقيت جزء من جسم جدي ظاهر
ولونو اسود جدا كأنو مات محروق قام الشيخ طاهر اخد بالو علي الجزء دا وقال "خلي بالك الحته دي باينه مينفعش اي حاجه عن جسم الميت تبان"
وغطوها وتمت الدفنه
و روحنا لما رجعت علي البيت و رحت اوضتي قعدت ساكت بفتكر الكائنات الغريبه دي
و الصراحه اخدو كل اهتمامي
اخدنا تلت ايام العزا وخلصنا بس انا لسه فى الدوامه دي
بقت بتجيلي كوابيس كتير صعب على عقل صغير يستوعبها
و المشكله انا مش فاكر ولا واحد منهم
حاولت افتكر بس مش قادر
وفى يوم صحينا علي صوت
صوت واحده بتصوت كان صوت امي
وهي بتنادي علي ابويا
نزلت جري عشان اعرف في اي سمعت صوت اختي الصغيره بتعيط
اخدتها فحضني وطبطبت عليها وشلتها
كانت ٣ سنين اخدتها معايا ونزلنا لقيت امي قاعده بتعيط وابويا بيحاول يهديها كانت واقفه قدام الحمام وبتقول
"انا شوفتو انا شوفتو"
وابويا بيقولها
"شوفتي اي"
هي قالتلو
"انا شوفت حمايا انا شوفت ابوك"
اخدها من اديها ووداها الصاله قعدها
وانا سبت اختي بعد ما هديت من العياط ودخلت اجيب ميه لامي وادتهالها وشربت كانت بتشرب كانها بقالها سنين مشربتش ريقها نشف من اللى شافته زي ما بتقول
بعد ما هديت قالتلي اخد اختي واروح انيمها فوق واروح علي اوضتي عملت كدا وديت اختي الاوضه بسرعه عشان انزل تحت وانا نازل سمعتهم ابويا بيقولها
"انتي متاكده من اللي بتقوليه دا مات ازاي شوفتيه" امي ردت وقالت
" اه ولله شوفته زي ما قولتلك كدا دا كان وشو بشع كان مليان خدوش وبيبص فلمرايه كان لون بشرتو مش عاديه كأنو متفحم كأن حد ولع فيه دا مش وش بني ادم اصلا " وقعدت تعيط من الخضه ابويا هداها تاني وقلها
"خلاص متقلقيش بكرا هجيب الشيخ طاهر وهو هييجي يرقي المكان وبالمره يرقي نجمه عشان من ساعه ما اتولدت مترقتش غير مره"
واخدها عشان يطلعو وانا جريت علي اوضتي وقفلت الباب
انا مكنتش فاهم يعني اي رقيه كان الشيخ بييجي يقرا عليا شويه قران و ادعيه وانا مش فاهم
المهم نمت وطبعا مسابتنيش الكوابيس بتاعت كل يوم وجه الصبح كان يوم عادي فى أوله بس علي العصر كدا جه الشيخ طاهر قعد معانا شويه وبعدها جت امي حكتلو علي كل حاجه وطبعا انا قاعد بسمع كل كلمه وكان الشيخ ملاحظ كدا فقال لامي
"بصي يحجه ساميه انا هقرأ قرآن هنا النهارده و بعدها القرآن ميفارقش البيت دا كل يوم تشغلي الراديو علي صوره البقره يلا هروح انا بقا"
ومشي بس كانت نظراته ليا غريبه من نظرات استغراب لاعجاب انا مش عارف اي اللي جاي بس اللي انا اعرفو وحاسس بيه انو هيكون كبير وكبير اوي
وكدا خلص الفصل سلام
بقلم عبير السيد
أنت تقرأ
نقطه الصفر (عالم مجهول ١)
Horrorالبعض يؤمن بوجود الخوارق ....و البعض لا حسنا ...انا مؤمن بها لانني شاهدت هذه الخوارق بنفسي ستشهدون كيف اننا لا نعيش وحدنا في هذا العالم (عالم مجهول)
