الفارس والريم الفالي❤️‍🔥

الجموووح

❤️‍🔥حكاية الفارس والريم الفالي❤️‍🔥الجموح
❤️‍🔥حكاية الفارس والريم الفالي ❤️‍🔥6 الجموح

هو طول روح للحوش
حط في باله آن دلال حتزيد تزعل منه اكثر
واكثر لانه سيبها بروحها في عز الليل
بروحها وهي مريضه
خش للحوش
طول لدار النوم ..
القاها طالعه من الحمام .. كانت مدوشه
ولابسه الدشمبر
قعدت تشبحله
دلال : إن شاء الله مش واحد من الصغار
صارتله حاجه !
هو اتفاجأ ع الأخر بسؤالها
عمار حرك راسه ايمين وايسار بالنفي
هي ابتسمت تهكما : معناها امهم
ومشت طول للدولاب بتاخد منه حوايج ..
هو بيموت عليها موت ..
3 شهور وشوقه مكتوم ومكبوت ويعاني في
العذاب بس مع هدا قاعد مصر مايبادر بشي من عنده ..
عمار : حالك باهي
دلال وهي طلع في الحوايج بضيق : ايه
عمار : باهي ماتبي شي بنعدي نرقد
هي مضايقه ع الأخر معاش متحمله بعده
بس ما تقدرش تبادر كرامة .. وزعل ...
دلال : لا ..
عمار : تصبحي ع خير
ولف وطلع من الدار
وهي مشت صكرت الباب .. ودموعها نزلوا
غیرت وكملت
وانطرحت ع السرير
ولاهي قادره ترقد ولاهو
ويامطول ليل العشاق .
ناض مرة تانيه
ماهناشی خاطره ..
مشالها الدار يشوفها
القاها مش متغطيه
شاف حرارتها بطريقته القاها نازله
خدي الشرشاف وغطاها
طبس باس خدها وطول
بعدين بعد شويه
هي فهاللحظه فاقت
جو عيونها فعيونه
جي بيوخر مرغم ..
هي حاوطت رقبته بإيديها وحضناته بقوة
هو انصدم .... بعدين ضحك
معاش عرف شن يدير
مايقدرش يقعد بنفس الوضعيه .
وفي نفس الوقت
مايبيش يسيبها
قال بضحكه : كيف اندير تو ياريمي الفالي
دلال بصوت مكتوم : ارقد بحداي .
عمار : ههههههههه
سوا روحه بطريقة تخليه راقد جنبها هي حاوطاته من خصره ..
ودست راسها في حضنه ...
هو ضحك وحضنها وقعد يمسح بيده ع شعرها
عمار : تعرفي ... انتي شنو بالنسبه ليا
انتي كيف الهوا ... في بني آدم يعيش من
غير مايتنفس
وكيف الدم اللى يجري في العروق
ومافي بني آدم يعيش بعد يصفى الدم من
عروقه
راك ليا اني حياة فاهمه شن معنى حياة ..
يعني اني عايش بيك انتي
فكرة الفراق والبعد هدي مستحيله عندي
مستحيله
واللي صار فيا لما خليتني .. شي حتى
بأبيات شعر ماقدرت نوصفه ... لهالسبب
اني ماننلامش مهما درت
دلال بعدت وشبحتله : انت ضربتني ...
خسرتني في ضناي .. اهنت كرامتي
راهو لهاللحظه واني حاضنتك قلبي مازال
واجعني هلبه منك هلبه هلبه
عمار وهو يشوف لعيونها : لو ع كرامتك
نردها خير مما كانت ولو العيل اللي خسرتيه راهو ضنوتي حتى
اني وخسرته ولو ع الضرب
قرب من خدها اللي ضربه ... وباسها بعمق
هي راحت بین قربه وريحة عطره اللي ديما
أسرتها ...
هو يسمع فنبض قلبها القوي اللي تخلط مع صوت نبض قلبه
زاد طول وهو حاضنها
دلال : باهي وانت ماصدقتك .
بعد وهو يضحك
دلال وجهها احمر وحواجبها مقرونات :
تحسابني سامحت مالا ... لالاره ...
عمارضحك وخر حط يده تحت راسه ورقد
ع جنبه وهو يشوفلها : باهي ياودي شن
تبي توا
دلال شبحتله شويه بعدين قالت : نبي نمشي لخوالي
وجهه تغیر
هو خدي منهم موقف بسبب اللي داروه
وين يسمعها تقول بنمشيلهم يجي بين عيونه
نهار جو وخدوها
يحس بحاجه تتجمع ع صدره تخنق فيه دلال بتوسل : نبارك لخالي نشوف امي
واختي بالله عليك
عمار : لا .. لف وعطاها بظهره
هي قعدت تشوفله شويه بعدين بدت تبكي
ماقالتش ولا وكلمه .. تبكي وخلاص
غمض عيونه بشده حاول يتجاهل .
فكر ينوض ويطلع ماقدرش
التفت عليها وفتح حضنه وضمها وقال :
امك واختك نجيبهملك هنى باهي
دلال ببكي : باهي
حضنها زياده ...
هي قالت بصوت مكتوم : باهي وخوالي الامتی
ضحك وقال : لين تنفدي شرطي وتفوزي
عليا وانتي راكبه حصاني
دلال : علاش التعجيز هدا تبي تقطعني منهم انت
عمار قعد ساكت
دلال ببکی : مشكلتي اني فوق كل شي
درته مازلت .. نحبك
عمار بضحكه : عارف ...
دلال : لكن مانيش مسامحاتك ..
عمار بضحكه : عادي
دلال عيطت بغيظ عيطه مكتومه
ودرات حركه غير متوقعه
نتشاته في كتفه هو مات من الضحك
وهي تضرب فيه بيدها ع صدره : معاش
تضحك يابارد
وهو مازال يضحك
ليلتها للصبح وهما يتناقروا وهو رقالها الضغط
العند ماجاها النوم ورقدت
وهو تأملها بعشق وهي راقده وقال :
اللهم اني اعوذ بك من زوال نعمتك💗💗💗💗
الخبر وصل لمختار .
وللأسف
لعمار طبعا
اضطر يرفع دلال لخوالها
في السيارة ..
عمار : نحس فيك فرحانه اللي جدك انكسر
دلال بضحكه : لا طبعا فرحانه ان ربي
استجاب لدعائي بس
عمار : تقعدي داخل ماتطلعيش من الحوش
ابدا .. والله ماني مسامحك يادلال لو
طلعتي .
دلال : ومن قالك نبي نطلع .
عماربحده : ايوااه .. دلال ره نحلف بالله
ماعاد تعفسيها
دلال بخوف : حاضر
دلال بضحكه : ايه وانت شن خبار خبيطك
رباب بضحكه : خبيطي زي زوزك فارس
ويقول فاشعار .
دلال : لا معليشي زوزي جاباته امه
بس
منه مافيش زويز .. اللي من حبه ليا
خطفني حتى الخطف
التلاته : اوووووووه
نور : خلاص توا شن بيحزها
شقلبت دلال عيونها بغرور
وهما ضحكوا عليها
" دلوله .."
رانيا وجهها تغير
اما دلال تحشمت وخافت ... حطت
وشاحها ع راسها
دلال؛كيف حالكم .
حمزة ورمزي ومالك ردوا بأصوات متقطعه
: الحمد لله
دلال : دوم .. وانسحبت من حداهم ولحقت
رانيا .
ورمزي وحمزة معاهم بعيونهم
رمزي : دلال خلاص حتى السلام بالسيف
مالك ؛هدا الصح
الساعه 7:00 مساء
خشت الدار ... اللي كانت ملتمات فيها يهدرزوا
نور : دلال بابا يبيك
دلال خافت وناضت .. وكامله معاها
بعيونها ... لين طلعت من الدار .
ونعيمه شبحت لكامله بعد كانت تشبح لبنتها
طلعت دلال بعد لبست عبايه ووشاح
لقت بوها وخالها هانیبال واقفین برا جتهم
عبدالسلام؛ بابا دلوحضنها
من بعيد كان عمار واقف يشوفلهم
وحاس بقبضه في قلبه بدي يخاف من
شوفتها معاهم يخطر عليه لما خدوها منه
لما بوها رفض يتفاهم معاه بش يردها ...
وهو ماعنداش في الدنيا اغلى منها فكرة
فقدها الحاجه الوحيده اللي مسببتله هاجس
عبدالسلام : شنو بابا مرتاحه .. جاوبيني بصراحه
هانيبال : تكلمي وماتخافيش دلال خل
نعرفوا كان في شي نتفاهموا حني وياه هني ... وتو .
دلال : لاالا والله العظيم مرتاحه وحتى
ردني لقرايتي ومساعدني هلبه
عبدالسلام : حق يابابا
دلال : والله حق الله
هانیبال تنهد وقال : ع العموم اي شي
يصير ... دار بیده حركه السماعه وحطها
ع وذنه وقال ... الو خالي تعال تلقيني قدامك مصبي
ضحكت دلال : ربي مايحرمني منكم ياربي
حضنها بوها مرة تانيه وهانيبال ابتسم ..
غير عيونه شبح لعمار اللي واقف من بعيد
لقاه عيونه ع دلال وبوها .. ضحك ضحكه خفيفه
رن تليفونها ... رفعت عبايتها وطلعاته من
جيب السروال لما شافت المتصل ابتسمت
وردت طول
دلال : الو ...
عمار؛ شجو
دلال : ملیح ..
عمار : ايه مليح ماك افتيكتي من عمار
ضحكت دلال
عمار : تضحكي ..!! باهي باه
دلال مازال تضحك
ابتسم وقال : فشنو كانوا يبوك باتك وخالك
دلال : يسألوا علي حالي
عمار : وانتي شن قلتي
دلال : الحمد لله
عمار : خايفين عليك مني .
دلال : خايفين عليا وخلاص بنتهم
عمار : وانتي بنتي ومرتي وحبيبتي وعمري كله
دلال ابتسمت بخجل وقلبها يرفرف
ومن الروشن بمسافه كان حمزة واقف
يشوف فيها وفقلبه نار والعه
نروحوا الصبح؟ !
دلال : لالا بالله عليك لا .
عمار : وقرايتك وامتحانتك؟
دلال : هو كله يوم .. بالله عليك يوم زياده
عمار تنهد وسكت
دلال : شن قلت
عمار : قلت ..... باهي
دلال بفرحه : والله انت احسن واحد
عمار ابتسم : بس
دلال بضحكه : وبس
تنهد ورد : باهي يادلوله باهي
دلال ضحكت وقالت : باهي بنسكر توا
مشغوله
عمار : الوضع هدى مايساعدنیش راهو
مالیش وقت حتى نحكي معاك؟ !
دلال بضحكه : جرب الأيام اللي كنت
تسافر فيهم ونقعد بروحي ..
عمار : انتي همك فقعدتك بروحك .. لكن روحي
اني همي فقعدتي من غير
دلال قلبها يدق بقوة ... تنهدت وقعدت ساكته
عمار :
انتى غرام القلب وانتى عينى
وانتى غلا مكتوب فوق جبيني
وانتي انظاري
وانتي غلا مكتوبلات اشعاري
وانتي قمر مالك فسيح مداري
مهناك غيرك في الحياة يعنيني
دلال تنهدت وقاطعاته وقالت : بالله عليك
خلاص بندوخ
عمار : هه
... باهي مالا نخليك
تو .. ولنا في الليل لقاء .. والله غالب .. ع
الهاتف لين ربي يفرجها
ضحكت وقالت : باهي .. باااي
عمار : اااااخ وخلاص
ضحكت وصكرت ... ولهت بالميه
ع خشة هانيبال
جاها وقعد يشفشف فشعرها : ساعه بش
تجيبي مالقي ميه ... آها ... ساعه
عديتي تجيبي فيها من الفاسكيه
دلال : هههههههه .. آآآه ... وخلاااص
وين يعني
عمار : فقلبي يعني وين
دلال ابتسمت : قديمه هادي عارفتها
عمار تنهد وقال : بعون الله كان روحنا
طيبين بندير اللي اجلته ليا شهرين
دلال سخنت مع بعضها غيرت الموضوع
كعادتها : عجبكم الكسكسي
عمار :هههههههههههههه
الساعه 11:00 صباحا
كانوا كلهم يقلبوا في الحوش ويضموا
ودلال كانت شاده الكوجينه
سيقتها وطلعت ميتها ع بارا فم البوابه
كملت تسييق
كانت لابسه قفطان لكن من غير حجاب
"صباح الخير دلال .."
رفعت عيونها فيه وهي مخلوعه : حمزة !!
حمزة : دلال ... ممكن شويه
دلال بإستغراب : خيرك شن في
حمزه : احمم .. دلال ... انتي .. مرتاحه
مع عمار !!
ضيقت عيونها بإستغراب من غير ماترد
لفت بش بتخش
حمزة هبل في مرة وحده وشدها من يدها
هي
انخلعت وقعدت تشوفله
حمزة بلهفه : ارجوك اسمعيني
" دلاااال .."
نزلت الميه في ركابها .
جبدت يدها بقوة من يد حمزة وشبحت جنبها
لقاته في نهايه ممر فم البوابه واقف
يشوفلهم بنظرة تخوف اول مرة دلال تشوفها
دلال بعد كملت طلعت من الدار بساكوها
طول برا الحوش بدون ماتسلم .
لحقتها امها لفم البوابه وشدتها : شن في ياماما تكلمي
دلال وهي تمسح فدموعها : : شي ماما
اني قبل نبي نقعد هو ماباشً
نعيمه ابتسمت بإرتياح : معليشي ماما
تجي فعرس خالتك وتقعدي
دلال " هدا اذا جيت .." حضنت امها .
ولفت ومشت طول .
ع جيت خالتها وبنات خالاتها من الحوش
التاني اللي كانوا يضموا فيه
زينب بإستغراب : شن في نعيمه؟؟
نعيمه : عمار وخالي بيروحوا
رانيا : دلال بتروح غاليه
وهي تشوف لسيارة عمار باديه
تتحرك : روحت
في السيارة ..
دلال ترعش وتشوفله
شكل عمار يخوف من العصاب لين عروقه باينات
خايفه تتكلم ولاتقول شي ينفجر فيها ولايضربها
اما عمار اللي صار معاه المرة اللي فاتت
خلاه يخلي عقله يحكم رغم كل شي .. لو تصرف بتهور . المراة في حوش خوالها وبوها موجود
معناها مش حيصير طيب وحتصير حاجات لاتحمد عقباها بس كان يغلي غلي طلعوا من القطعه وشويه شويه طلعوا برا القبيله وخشوا للطريق اللي كانت شبه فاضيه عمار كان يسوق ويشبح القدام . وهي تشوفله تشجعت وتكلمت : عمار
حط سبابته ع فمه وهو مغمض عيونه
بعصبيه وقال :
اصصصصصصصصصصد
سكتت دلال وقعدت تشبح القدام ودموعهاسیل
تبكي لكن بدون صوت
طول الطريق صمت سائد
صمت قاتل لدلال تبي تتكلم تبي تفهمه
وهو الغيره عاميه عيونه تماما وعقله قعديودي ويجيب
والافكار السودا كلها خطرت عليه القديم والجديد
وعقله غزله سيناريوهات شيطانيه بإمتياز
وهادي احب الفرص اللي يحب يقتنصهاالشيطان لحظه الغضب
بعد قطع طريق طويله .
و زاد طولها الصمت أكثر واكثر ..
وصلوا احد بوابات سرت
مجرد خشت السيارة
دلال ناضوا عليها اعصاب المعده
وبطنها قعدت توجع فيها
نزحوا عيونها من الدموع ..
والبركان اللي جنبها كان يفور ويفور
وع وشك الإنفجار
وصلو حي الدولار بسرعة وصلوا للحوش
خشت السيارة من البوابه
ودلال كانت تتقطع من الخوف درس .. وقف
عمار بصوت حاد : انزلي ..
فتحت الباب بصعوبه ونزلت
صكرت الباب ومشت طول لباب الحوش
هو نزل طول .. سكر الباب بقوة .
ومشي وراها
وصل في الباب فتحه
وخر
خشت ... خش وراها ... صكر الباب قوة
هي قعدت تمشي لين وصلت الصاله
عمار : نبي حوش خوالي ... ارفعني
لخوالي .... وتترجي وتتبكي هدى ليش ...
بش تشوفيه !!
انصدمت بقوة وهي تشوفله
عمار ضحك بتهكم وقال : شكله ياما صار
في الشهر اللي قعدتيه عند هلك ... واني
غافل ... وشكله قعدت غافل حتى بعد
جبتك
دلال ضيقت عيونها وقعدت تاخد
في انفاسها بصعوبه .. وهي مصدومه فيه
وفكلامه .. اللي كان كله هراء .. خراف قطاف
وكل العبارات المناسبه اللي توصف كلام عمار توا
عمار قدملها : نقولك ما تطلعيش وطلعتي .. لا وفوقها شاد يدك ... تبدلت ملامحه
للغضب وولت تخوف جبد يدها وقال
يدك ... يد مرتي .. مرتي اني .. وقعد
يخبط بيده ع صدره وهويقول .. شادها نفض يدها بقوة
تشوفله ومش مستوعبه نهائي هو شن يقول .