كانت بتبكي وبتتوسل لوالدها علشان ما يجوزهاش غصب عنها.
جنة: أبوس إيدك يا با بلاش، مش عاوزة أتجوزه، أنا عاوزة أربي بنتي لوحدي.
صالح: قلت هتتجوزي من الشيخ حمدان، وإلا ورب العرش هاخد منك بتك ومش هتشوفيها تاني.
جنة ببكاء: لا، أبوس إيدك يا با، أنا عايشة علشانها.
صالح: تبقى تسمعي الكلام، الدخلة بكرة، جهزي نفسك.
ألقى كلمته وخرج، وتركها تبكي بألم على حالها وحال ابنتها الصغيرة.
دخلت لها خادمتها في سراية والدها، حسناء.
حسناء: ست جنة... وضمتها بحزن.
جنة ببكاء: بنتي عاملة إيه يا حسناء؟
حسناء بحزن على حالها: ريحانة بخير، أنا واخدة بالي منها كويس، والسيد الصغير مش بيفارقها ولا بيخلي سيدي صالح يقرب منها واصل، والله ما تخافي عليها، أنا أفديها بروحي. أحب على إيدك ما تضعفيش.
جنة بألم وبكاء: أعمل إيه؟ مش عاوزة أتجوز، عاوزة أربي بنتي، مش عاوزة حاجة تاني.
حسناء بحزن: ربنا كبير يا ست البنات.
دخل لها شقيقها الأصغر يونس. بصلها بألم وقلبه بيبكي على حال شقيقته ومعاناتها مع الوحش اللي اسمه والدهم، فهو عارف حقيقته كاملة.
قعد جنب أخته، ووشه عليه دموع مالية وعيونه حمرا من كتر البكاء، وبسرعة ضمها بألم وصمت. ده حالها طول الوقت من ساعة ما رجعوا البلد بعد غياب سنين بحجة الدراسة. يونس، وبسبب وحشية والده، بقى يكره البلد اللي اتربى فيها، خوفًا على أخته وبنتها من اللي ممكن يعملوه قاهر حياتهم.
جنة ببكاء مرير: بنتي فين يا يونس؟ ريحانة فين؟
يونس بصوت مخنوق: هي بخير، أنا واخد بالي منها، مش هسلمهاله غير على موتي.
أخدت تبكي بمرار بين إيدين أخوها، اللي هو أحد أعمدة الحماية ليها، رغم إنه الأصغر منها بحوالي 3 سنين، سن جنة 22 سنة، ويونس 19 سنة، إلا إنه دايمًا في نظرها مسؤول ورجل صغير بيسعى يحميها من ألم الحياة.
«لدى جنة أخ أكبر هنعرف عنه بعدين مع السرد»
دخلت عليهم ست باين عليها القوة والصلابة من حزمها في كل أمور حياتها، وبالأخص عيالها اللي تعبت في تربيتهم بجدية. ما قبلتش يبقوا أشخاص عاديين، رغم عدم وجود مدارس في القرية اللي هي ملك لأجدادها من أول ما اتأسست، واللي بتحكمها أسرتها من وقتها. لكنها ما قبلتش إن الجهل يتمكن منهم، وبعتتهم بره البلد علشان التعليم، الأول للقاهرة في المرحلة الابتدائية، لحد ما يكملوا تعليمهم بره، على الأقل اللي في سن جنة، أما هي فتعلمت في القاهرة بس، هي والصغير يونس.
أنت تقرأ
الم الحياة
Romanceكانت تبكى وتتوسل لوالادها كى لا يزوجها غصب عنها جنه. ابوس ايدك يابا بلاش مش عاوزه اتجوزه انا عاوزه اربى بنتى لوحدى صالح . قلت هتتجوزى من الشيخ حمدان والا ورب العرش هاخد منك بنتك ومش هتشفيها تانى جنه ببكاء.لا ابوس ايدك يابا انا عايشه علشانها صالح...
