Unicode 🌼🤍
ရုံးခန်းထဲတွင် အလုပ်တွေလုပ်ရင်း ဖုန်းကိုလှမ်းကြည့်နေမိတာ ဘယ်နကြိမ်ရှိနေပြီမသိ။ အလုပ်ကိစ္စတွေထက်ပိုအရေးကြီးတဲ့ ဖုန်းကို မျှော်နေမိသည့် ကျွန်မ ။ အစည်းအဝေးလည်း သေချာစိတ်မရောက်မိ ကြာလာတော့ အစည်းဝေးခန်းထဲက လူကြီးမင်းတွေက သတိထားမိလာတဲ့အထိ ဖြစ်လာသည်။ ဘာလို့ အကြောင်းမပြန်သေးတာလဲ ။ အဖြေမထွက်တဲ့ မေးခွန်းများစွာကို ကျွန်မစိတ်ထဲမှာ အကြိမ်ကြိမ်မေးရင်း ယောက်ယက်ခက်နေသည်။ အစည်းဝေးပြီးလို့ အခန်းထဲ ပြန်ရောက်ပြီး သိပ်မကြာ လက်မှတ်ထိုးရမယ့်ဖိုင်တွေတစ်ထပ်ကြီးနဲ့ မသဇင် တံခါးခေါက်၍ ဝင်လာသည်။
" ဒါ လက်မှတ်ထိုးရမယ့် ဖိုင်တွေပါ ညီမလေး '' ဖိုင်တွေကို စားပွဲပေါ်တင်ပေးရင်း ပြောနေတဲ့ မသဇင်ကို ထားခဲ့ဟု ပြန်ဖြေကာ စာရင်းစစ်လက်စ ဖိုင်ကိုသာ ဆက်ပြီးအာရုံစိုက်နေမိသည်။ ထားခဲ့ဟု ပြောထားပေမယ့် မသဇင်ကတော့ လှည့်မပြန်သေးပဲ ရပ်နေသေးသည်မို့
" အခုချက်ခြင်း အရေးကြီးလို့လား မသဇင် '' မသဇင်ကို မေးနေရင်းနဲ့တောင် ဖုန်းကို သတိတရကြည့်လိုက်မိသေးသည့် ကျွန်မပါ
"ဟို.......... အရေးမကြီးပါဘူး ဟို...ဟိုဟာ....'' မေးစရာရှိပုံပေါ်ပေမယ့် စကားထစ်ပြီး ဆက်မမေးလာတဲ့ မသဇင်ကို စိတ်မရှည်ဖြစ်လာရသည်။ စိတ်က ကြည်နေတာမှ မဟုတ်ပဲလေ
"ကဲ မသဇင်ရေ မေးစရာရှိတာလား ဘာပြောခြင်တာလဲ ပွင့်ပွင့်လင်းလင်း မေးလိုက်ပါလား ညီမကို အားမနာပါနဲ့ "
" တကယ်လား စိတ်မဆိုးရဘူးနော် ''
"ကဲ.... မသဇင် စိတ်ကမရှည်ခြင်တော့ဘူးနော် ''
"မေးမယ် မေးမယ် ၊ ညီမလေးကို ကြည့်နေတာ တချိန်လုံး ဖုန်းကိုပဲ အရိပ်တကြည့်ကြည့်နဲ့ ဘယ်သူ့ဖုန်းကို မျှော်နေတာလဲ ဟင် ? ရည်းစားတွေဘာတွေများးး......
" အာ..... မဟုတ်ပါဘူး မသဇင်ရယ် ဘာများလဲလို့ ၊ မသဇင်ကိုမပြောရသေးတာ တစ်ခုရှိတယ် အဲ့ဒါ ညီမ ငြိမ့်ကို အိမ်မှာခေါ်ထားမလို့ ''
"ဘယ်လို အိမ်မှာခေါ်ထားမယ် ''
"ဟုတ်တယ် မသဇင်ရဲ့ အဲ့ဒါ ငြိမ့်ဆီကအကြောင်းပြန်မယ့် ဖုန်းကိုစောင့်နေတာ ''
VOCÊ ESTÁ LENDO
ချစ်သောကံ့ကော် 🌼🌼🌼 ( Completed)
Romanceအချစ်ဆိုတာကို မယုံကြည်သူ အချစ်နဲ့အဝေးဆုံးကို ရှောင်ပြေးနေတတ်တဲ့ ကံ့ကော်ပန်းလေးတွေကိုသာ မြတ်နိုးသော ကောင်မလေး #ခင်ငြိမ့်ငြိမ့်ဆွေ သူမ ဘယ်အထိထွက်ပြေးလွတ်မြောက်နိုင်ဦးမှာလည်း ဘဝအဆုံးသတ်အထိ အချစ်နဲ့အဝေးမှာနေထိုင်ဖို့ ဆုံးဖြတ်ဦးမှာလား *********** ဘဝမ...
