ကောင်းကျိုးမပေးတဲ့ အစ်မရဲ့ သူငယ်ချင်းမ
ကောင်းကျိုးမပေးတဲ့ အစ်မရဲ့ ကောင်းမှုကြောင့် တိမ်လွှာဝင့်ထည်ခမျာ သူ့ cool guy image လေးကို ဘယ်လို ပြန်အဖတ်ဆယ်ရမလဲ စဥ်းစားနေရလေရဲ့
တော်သေးသည်က အခုချိန်က ကျောင်းပိတ်ထားတဲ့ အချိန်မို့ သူ့မှာ အစီအစဥ်ဆွဲဖို့ တစ်ပတ်ကျော်လောက် အချိန်ရှိနေသေးတယ်
"ခြယ်ခြယ်ရေ ငါလာတယ်ဟေး!!!"
အိပ်ခန်းထဲမှာ ဒူးပေါ်လက်ထောက် လက်ပေါ်မေးတင်ပြီး အချီကြီး စဥ်းစားနေတဲ့ ဝင့်ထည်ခမျာ အောက်က ခုနှစ်အိမ်ကြား ရှစ်အိမ်ကြား အသံဆိုးကြီးနဲ့ အော်လာတဲ့ အသံကို ကြားတာနဲ့ ဒူးပေါ်က လက်တောင် ချော်ကျသွားရတယ်
သူက ဘာလာ လုပ်တာတုန်း!!
ကျောင်းဖွင့်ဖို့က တစ်ပတ်လိုသေးတယ်လေ!!
မဖြစ်မဖြစ် အခုချိန်မှာ သူ့ကို ဘယ်နည်းနဲ့မှ အဲ့သူ တွေ့သွားလို့မဖြစ်
အိပ်ယာပေါ်က ဖုန်းကို လှမ်းယူပြီး တစ်ဦးတည်းသော ချီးထုပ်အစ်မဆီကို မက်ဆေ့ချ် ပို့လိုက်ရတယ်
___အေး ငါအိမ်မှာရှိတယ်လို့ပြောရင် နင်သေမယ်
___ဘယ်သူလဲ ဘယ်ကလဲ ဘယ်သောက်ကောင်က စောက်ရူးထပြီး ငါ့လာကြောင်နေတာလဲ
___**#"*$*°*#_''*"-$-*#*;
___ရိုင်းတာဟယ် ရုပ်လေးမှအားမနာ
___ရိုင်းသင့်တဲ့သူမို့ရိုင်းတာ
___သောက်ကလေးမသာ ကတော့ ငါနဲ့တွေ့တော့မယ်
___ကဲတော်လိုက်တော့ နင့်ရဲ့ ချစ်သူငယ်ချင်းက ငါ့မေးရင်သာ မရှိဘူးပြောလိုက်
___ငါက ဘာလို့ နင့်ဘက် လိုက်ပြောပေးရမှာလဲ ငါတို့က ရင်းနှီးလို့လား
___တစ်ဖင်တည်းက ထွက်လာတာတောင် မရင်းနှီးသေးရင် ဘာလဲ အိမ်သာ အတူတူ တက်ချင်လို့လား
